Luka 21:34 - Nau Brah Ndu Ngơi 2023

³⁴ Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Bunong Bible Latin Script Cambodian dialect

³⁴ “Ăn khân ay may gŭ njrăng! Lơi ôh ăn nuih n'hâm khân ay may pơh ma ndơ pâl răm maak, pơh ma nhŭl ndrănh, mâu lah pơh ma mân rvê ma nau rêh, klach lah nar Gâp plơ̆ văch nây khân ay may tâm ban ma geh dăk yor ma khân ay may mâu geh gŭ njrăng.

Bunong

³⁴ “អ៝ន់​ខាន់​អៃ​មៃ​គុ​ញជ្រាង់! លើយ​អោស​អ៝ន់​នូយ្ស​នហ៝ម់​ខាន់​អៃ​មៃ​ពើស​មា​នទើ​ព៝ល់​រាម់​មអាក ពើស​មា​ញុល​នទ្រាញ់ មោ​លាស​ពើស​មា​មឹន​រាវៃ​មា​នាវ​រេស ក្លាច​លាស​នារ​គ៝ប់​ព្លឹ​វាច់​នៃ​ខាន់​អៃ​មៃ​តឹម​ឞាន​មា​គែស​ទាក់​យ៝រ​មា​ខាន់​អៃ​មៃ​មោ​គែស​គុ​ញជ្រាង់។

Luka 21:34 Iomraidhean Croise

Nau Ntơm 19:32

Lŏng, ăn he n'hơk mbơ̆ he ma ndrănh, jêh ri he bê̆ch nsum đah păng, gay ma he prăp mpôl ntil păng.”

Nau Ntơm 19:35

Măng nây, bar hê oh nur n'hơk mbơ̆ khân păng ma ndrănh, jêh nây oh păng hăn bê̆ch nsum đah mbơ̆, ƀiălah Y-lot mâu gĭt ôh ndah jŏ păng hăn bê̆ch, mâu đŏng dơi gĭt ndah jŏ păng dâk.

Nau Ntơm 27:14

Pôri, Y-Yakôb hăn nhŭp bar mlâm be kon njŭn ma mê̆ păng, jêh ri mê̆ păng ƀư ndơ sa kah, tâm di tĭng nâm mbơ̆ păng ŭch sa.

Nau Mprơ Ơm 35:8

Ăn nau rai yot tât ndal, Ƀư ma khân păng geh văk nhuăl khân păng nơm nthăng; Jêh ri khân păng tŭp tâm ntŭk rai yot.

Nau Hôr 21:4

Măt n'hao êng nơm, nuih n'hâm sưr rlau, Jêh ri ŭnh kađen phung mhĭk jêng nau tih da dê.

Nau Hôr 23:20

Lơi tâm rnglăp ôh ndrel ma phung dăng nhêt ndrănh, Mâu lah ndrel phung kơnh sa;

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Ndrom Samƀŭt bơh Ôsê 4:11

Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Markôs 13:9

Bi ma khân may, ăn khân may njrăng yorlah bu mra jao khân may ma phung kôranh phat dôih; bu mra dong khân may tâm lĕ ngih rƀŭn; jêh ri yor ma Gâp, khân may mra gŭ panăp phung kôranh n'gor jêh ri phung hađăch gay mbơh ma khân păng.

Markôs 4:19

ƀiălah mĭn rvê ma nau rêh rnôk aơ, kơnh tâm nau ndrŏng, jêh ri kơnh drăp ndơ êng êng pit in nuih n'hâm khân păng, ƀư nu nau ngơi, mâu dơi geh play ôh.

Luka 10:41

Kôranh Brah plơ̆ lah: “Hơi H'Mathê, H'Mathê, kon rvê ir jêh ri jêng rŭng răng âk nau;

Luka 12:40

Ăn khân may rơm ndrăp jêh, yorlah Kon Bunuyh văch tâm mông khân may mâu geh mĭn.”

Luka 17:3

Khân may njrăng hom ma khân may nơm. Tơlah nâu oh may ƀư tih, nduyh nkra hom! Tơlah păng rmal nau tih, yô̆ an hom!

Luka 21:35

tâm ban ma lĕ rngôch bunuyh gŭ lam klơ neh ntu.

Luka 21:8

Păng plơ̆ lah: “Njrăng hom, lơi ăn bu ndơm khân may ôh, yorlah âk bunuyh mra nchơt nklă ma amoh Gâp văch jêh ri ngơi pô aơ: ‘Gâp yơh jêng nơm nây jêh ri tâm rnôk văch dăch!’ Khân may lơi tĭng khân păng ôh.

Luka 8:14

Lĕ grăp tŭp ta nklang pŭm lok jêng phung iăt, ƀiălah geh nau rvê, nau ndrŏng, nau maak bơh nau rêh aơ ƀư in nu rĭ dĭng mâu dơi văch ma toyh.

I Kôrintô 5:11

Ƀiălah nau gâp nchih ma khân may lơi tâm rnglăp ôh ma mbu nơm kơp êng păng nơm jêng oh nâu, ƀiălah păng jêng bunuyh văng tĭr, mâu lah kơnh rlau ir, mâu lah mbah rup brah, mâu lah suai rak, mâu lah nhŭl ndrănh, mâu lah ntŭng, mâu dơi sông sa ndrel ma bunuyh nâm nđĕ.

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.

Nau Tâm Mpơl 3:3

Kah gĭt tay hom moh nau may dơn jêh ri tăng; djôt prăp hom jêh ri rmal hom nau tih. Tơlah may mâu rngeh njrăng Gâp mra văch nâm bu du huê nơm ntŭng; jêh ri may mâu mra gĭt ôh moh mông Gâp văch ƀât lât ta may.

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.