Luka 20:16 - Nau Brah Ndu Ngơi 2023

¹⁶ Păng mra văch jêh ri ƀư rai phung tăm krăk ƀâu nây, jêh nây jao đang krăk ƀâu ma phung êng.” Tơlah tăng lĕ nau nây, khân păng lah: “Mâu geh nau nây ôh!”

Bunong Bible Latin Script Cambodian dialect

¹⁶ Păng mra hăn nkhât lơi khân păng, jêh ri ăn bu êng jât mât mir i nây.” Tât ma tăng nau i nây bu lah: “Mâu ôh! Lơi ôh ăn geh kơt i nây.”

Bunong

¹⁶ ពាង់​មរា​ហាន់​ងខឹត​លើយ​ខាន់​ពាង់ ជេសរី​អ៝ន់​ឞូ​អេង​ជឹត​ម៝ត់​មីរ​អី​នៃ”។ ត៝ត់​មា​តាង់​នាវ​អី​នៃ​ឞូ​លាស៖ “មោ​អោស! លើយ​អោស​អ៝ន់​គែស​កើត​អី​នៃ”។

Luka 20:16 Iomraidhean Croise

Mathay 21:34

Tât yan pĕ play krăk ƀâu, kôranh njuăl phung oh mon văch ta lĕ bunuyh tăm krăk ƀâu gay sŏk kao play.

Mathay 21:41

Khân păng plơ̆ lah: “Păng mra nkhĭt khĭt phung djơh mhĭk nây ma nau rêh ni ji klâng, jêh ri păng ăn ma phung tăm krăk ƀâu êng nkhôm, jêng phung mra chê̆ kao play ma păng di yan pĕ play.”

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Markôs 12:9

Pôri, moh nau kôranh mir krăk ƀâu mra ƀư? Păng mra văch ƀư rai phung bunuyh nkhôm dang krăk ƀâu nây, jêh nây jao mir krăk ƀâu nây ma phung êng.

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

Luka 20:15

Khân păng klŭp kon bu klâu nây luh padih đang krăk ƀâu jêh ri nkhĭt lơi păng. Aƀaơ mâm kôranh đang krăk ƀâu mra phat?

Kôranh Oh Mon 13:46

Ƀiălah Y-Pôl jêh ri Y-Ƀarnaƀas lah ma khân păng ma nau janh ktang: “Ăn lor lơn nkoch mbơh nau ngơi Brah Ndu ma khân may; ƀiălah yorlah khân may hŏ dun, jêh ri kơp êng khân may nơm mâu khư dơn nau rêh n'ho ro, yor ri aƀaơ aơ hên rle ma phung bu năch.

Samƀŭt Pôl Njuăl Ăn Ma Phung Nsing Ta Ƀon Rôm 11:1

Pônây gâp dăn ôp, Brah Ndu mâp lơi lĕ phung ƀon lan Păng? Mâu, mâu mâp ôh! Yorlah gâp nơm jêng bunuyh Israel, bơh noi deh Y-Abraham, bơh ndŭl mpôl Benjamin.

Samƀŭt Pôl Njuăl Ăn Ma Phung Nsing Ta Ƀon Rôm 11:11

Pôri gâp dăn ôp, di lĕ phung Israel chêh prah kŏ tât prah? Mâu mâp! Mâu di pônây ôh! Ƀiălah yor nau tih khân păng, nau tâm rklaih văch tât jêh ma phung bu năch gay ƀư ma khân păng tâm rlong.

Samƀŭt Pôl Njuăl Ăn Ma Phung Nsing Ta Ƀon Rôm 3:31

Pôri, he yor nau chroh he mƀăr lơi nau vay lĕ? Mâu mâp tâm ban pônây! Ƀiălah, he ƀư ăn nâp ngăn ngên nau vay.

Samƀŭt Pôl Njuăl Ăn Ma Phung Nsing Ta Ƀon Rôm 3:4

Mâu mâp tâm ban pônây ôh! Brah Ndu jêng nanê̆ ngăn, nđâp tơlah lĕ rngôch bunuyh mƀruh da dê, nâm bu nchih jêh: “Gay ma Kôranh Brah uănh dơn may sŏng srăng tâm nau Păng ngơi, Jêh ri geh nau dơi tơlah bu phat dôih may.”

Samƀŭt Pôl Njuăl Ăn Ma Phung Nsing Ta Ƀon Rôm 3:6

Mâu mâp tâm ban pônây! Yorlah tơlah pônây, mâm ƀư Brah Ndu dơi phat dôih neh ntu?

Samƀŭt Pôl Njuăl Ăn Ma Phung Nsing Ta Ƀon Rôm 6:15

Pôri mâm ƀư? Di lĕ yorlah he mâu gŭ tâm dâng nau vay, ƀiălah gŭ tâm dâng nau yô̆, rĭ dĭng he mra hôm ƀư tih? Mâu mâp tâm ban pô nây!

Samƀŭt Pôl Njuăl Ăn Ma Phung Nsing Ta Ƀon Rôm 6:2

Mâu di kơt nây ôh! He khĭt jêh yor nau tih, mâm he dơi gŭ rêh tâm nau tih đŏng?

Samƀŭt Pôl Njuăl Ăn Ma Phung Nsing Ta Ƀon Rôm 7:13

Pôri, di lĕ nau ueh nây djôt leo ma gâp nau khĭt? Mâu di tâm ban pônây! Ƀiălah nây jêng nau tih hŏ dŏng nau ueh ƀư ma gâp khĭt, gay nau ngăn ma nau tih dơi tâm mpơl, jêh ri yor tă nau vay ntăm, nau tih plơ̆ jêng mhĭk lơ hâu lơn.

Samƀŭt Pôl Njuăl Ăn Ma Phung Nsing Ta Ƀon Rôm 7:7

Pônây mâm ƀư he mra lah? Nau vay jêng nau tih lĕ? Mâu! Mâu di tâm ban pônây ôh! Ƀiălah tơlah mâu geh nau vay gâp mâu gĭt năl nau tih. Tơlah nau vay mâu lah: “Lơi may kơnh ir” pôri gâp mâu hŏ gĭt năl moh nau kơnh ir ôh.

Samƀŭt Pôl Njuăl Ăn Ma Phung Nsing Ta Ƀon Rôm 9:14

Pôri, moh nau he mra lah? Geh lĕ Brah Ndu mâu sŏng mâu lah mâu? Mâu mâp tâm ban pônây!

I Kôrintô 6:15

Khân may mâu gĭt hĕ săk jăn khân may jêng kô̆ tâm săk jăn Brah Krist? Lah ndri, gâp dơi lĕ sŏk săk jăn Brah Krist ƀư jêng săk jăn du huê bu ur văng tĭr ƀơh? Mâu geh ôh!

Galati 2:17

Ƀiălah tơlah dôl hên joi nau gay dơi kơp sŏng srăng tâm Brah Krist, ƀiălah bu uănh hên jêng bunuyh geh tih, pôri di lĕ Brah Krist jêng bunuyh pah kan ma nau tih? Mâu di ôh!

Galati 3:21

Kơt nây nau vay tâm rdâng đah nau Brah Ndu ton lĕ ƀơh? Mâu di ôh! Yorlah tơlah nau vay dơi mbơh djôt leo ăn nau rêh, nanê̆ nau sŏng luh tă bơh nau vay nây.

Galati 6:14

Bi ma gâp, gâp mâu ngơi ntưih ma moh ntil êng ôh, knŏng si tâm rkăng Kôranh Brah he jêng Brah Yêsu Krist. Yor si tâm rkăng nây, ma gâp neh ntu geh nau pâng kđĭn, jêh ri ma neh ntu gâp tâm ban lĕ.