Luka 2:41 - Nau Brah Ndu Ngơi 2023

⁴¹ Ăp năm tât nar rƀŭn Nau Găn, mê̆ mbơ̆ Brah Yêsu vay hăn ta ƀon Yêrusalem.

Bunong Bible Latin Script Cambodian dialect

⁴¹ Ta ăp năm bu nhêt ƀŭn n'hot, mê̆ bơ̆ Brah Yêsu, ndrel ma phung ƀon lan Israel vay hăn ta ƀon kuŏng Yêrusalem đŏng.

Bunong

⁴¹ តា​អាប់​នាម់​ឞូ​ញេត​បុន​នហ៝ត មេៈ​ឞឹ​ឞ្រាស​យេឆូ  នទ្រែល​មា​ផូង​ប៝ន​លាន​អីឆ្រាអែល  ​វៃ​ហាន់​តា​ប៝ន​ក្វ៝ង់​យេរូឆាលឹម  ​ដ៝ង់។

Luka 2:41 Iomraidhean Croise

Nau Ngluh Êjipt 12:11

Ăn khân may sa nôk nây tĭng kơt aơ: Rêt rse bŭt, jâng nsoh ntâu jot, ti djôt mâng jra, sông sa ndal. Nây jêng rƀŭn Nau Găn ma Brah Yêhôva.

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 34:23

Ăp năm pe tơ̆, ăn lĕ rngôch phung bu klâu tâm mpơl tanăp măt Yêhôva Brah Ndu da dê jêng Brah Ndu phung Israel.

Kan Lêvi 23:5

Rƀŭn Nau Găn ma Brah Yêhôva ntơm kêng mhaơ nar jât ma puăn khay nguay.

Nau Kơp Bunuyh 28:16

“Ta nar jât ma puăn khay nguay, djôt prăp hom rƀŭn Nau Găn ma Brah Yêhôva.

Luka 2:42

Nôk tât jât ma bar năm, Păng ndrel ma mê̆ mbơ̆ hăn ta nây râng tâm rƀŭn tĭng nau vay.

Yôhan 11:55

Rƀŭn Nau Găn phung Yuđa dăch jêh, âk ngăn bunuyh tă bơh n'gor bri nây hăn ta ƀon Yêrusalem gay ma ƀư kloh êlor năng rƀŭn.

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 2:13

Rƀŭn Nau Găn phung Yuđa dăch tât, Brah Yêsu hăn hao ta ƀon Yêrusalem.

Yôhan 6:4

Nôk nây, dăch tât rƀŭn Nau Găn, jêng nau rƀŭn toyh tâm phung Yuđa.

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,

I Samuel 1:21

Y-Êlkana ndrel ma lĕ rngôch rnăk vâl păng hăn hao Silô gay nhhơr ma Brah Yêhôva mpa ƀư brah tâm ăp năm jêh ri ndơ ƀư brah gay ƀư rĭng nau păng hŏ ton jêh.

I Samuel 1:3

Ăp năm, Y-Êlkana luh tă bơh ƀon păng hăn hao ma ƀon Silô gay yơk mbah jêh ri nhhơr mpa ƀư brah ma Brah Yêhôva ma phung tahan ta Silô, ntŭk geh bar hê kon bu klâu Y-Êli, amoh Y-Hôphni jêh ri Y-Phinêas, jêng kôranh ƀư brah ma Brah Yêhôva.