Luka 18:16 - Nau Brah Ndu Ngơi 2023

¹⁶ Ƀiălah Brah Yêsu kuăl khân păng jêh ri lah pô aơ: “Ăn phung kon se jê̆ văch ta Gâp, lơi ta buay khân păng ôh; yorlah ƀon bri hađăch Brah Ndu prăp ma phung bunuyh tâm ban ma phung kon se jê̆ nây.

Bunong Bible Latin Script Cambodian dialect

¹⁶ Yơn ma Brah Yêsu kuăl mpôl kon se i nây hăn a Păng, jêh ri Păng lah ma mpôl oh mon Păng: “Ăn phung kon se văch ta Gâp, lơi ôh buay păng, yorlah khân păng mâu ôh n'hao êng săk khân păng nơm, yơn ma nsing ma mê̆ bơ̆ hô ngăn, bunuyh i Kôranh Brah ŭch mât uănh khân păng geh kơt ndri đŏng.

Bunong

¹⁶ យើន​មា​ឞ្រាស​យេឆូ  ​ក្វាល់​មពោល​ក៝ន​ឆែ​អី​នៃ​ហាន់​អា​ពាង់ ជេសរី​ពាង់​លាស​មា​មពោល​អ៝ស​ម៝ន​ពាង់៖ “អ៝ន់​ផូង​ក៝ន​ឆែ​វាច់​តា​គ៝ប់ លើយ​អោស​ឞ្វៃ​ពាង់ យ៝រ​លាស​ខាន់​ពាង់​មោ​អោស​នហាវ​អេង​ឆាក់​ខាន់​ពាង់​នើម យើន​មា​ញឆីង​មា​មេៈ​ឞឹ​ហោ​ងាន់ ឞូនុយ្ស​អី​កោរាញ​ឞ្រាស​អុច​ម៝ត់​អ្វាញ់​ខាន់​ពាង់​គែស​កើត​នទ្រី​ដ៝ង់។

Luka 18:16 Iomraidhean Croise

Nau Ntơm 21:4

Lah Y-Isăk geh pham nar jêh, Y-Abraham koh ntâu ma kon bu klâu păng, tĭng nâm nau Brah Ndu hŏ ntĭnh ntăm jêh ma păng.

II Nau Rêh Jêng 20:13

Lĕ rngôch phung Yuđa, nđâp phung ur, phung kon se, gŭ dâk panăp Brah Yêhôva da dê.

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Mathay 19:14

Brah Yêsu lah: “Ăn phung kon se jê̆ văch ta Gâp, lơi buay khân păng ôh yorlah ƀon bri hađăch klơ trôk prăp ma phung bunuyh tâm ban ma phung kon se jê̆ nây.”

Luka 18:15

Bu leo đŏng ma phung kon se jê̆ tât ma Brah Yêsu gay ma Păng pah ta khân păng. Saơ kơt nây, phung oh mon nduyh phung kon se tât.

Luka 18:17

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆, khân may mâu dơi lăp ta nây ôh.”

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

I Kôrintô 7:14

Yorlah sai mâu chroh ma Kôranh Brah mra geh nau kloh ueh yor ma ur păng; bi ur mâu chroh ma Kôranh Brah mra geh nau kloh ueh yor ma sai păng. Tơlah mâu, phung kon khân may mra ƀơ̆ ƀơch, ƀiălah aƀaơ aơ khân păng geh nau ƀư kloh ueh da dê.

Nau Vay Nkah Tay 29:11

nđâp ma phung bu ur, phung kon se khân may, phung gŭ njưh ƀât lât tâm ngih bok khân may, bơh nơm chôk long tât nơm bâk dak ma khân may, dôl dâk tanăp Yêhôva Brah Ndu,

Nau Vay Nkah Tay 31:12

Tâm rgum hom phung ƀon lan, lĕ bu klâu, bu ur, phung kon se jêh ri nơm gŭ njưh ƀât lât tâm ƀon khân may, gay ma khân păng dơi tăng jêh ri dơi nti nau klach yơk ma Yêhôva Brah Ndu khân may jêh ri blau njrăng ƀư tĭng kơt lĕ rngôch nau ngơi tâm nau vay aơ.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,