Luka 18:14 - Nau Brah Ndu Ngơi 2023

¹⁴ Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Bunong Bible Latin Script Cambodian dialect

¹⁴ Gâp mbơh ma khân may, khân păng plơ̆ sât ta jay, Kôranh Brah kơp du huê bunuyh dja jêng bunuyh lĕ sŏng, lĕ yô̆ nau tih păng, tih ma du huê phung Pharisi i nây Kôranh Brah mâu ôh kơp jêng bunuyh sŏng, mâu ôh yô̆ nđach nau tih păng. Yorlah bu moh i n'hao êng săk păng nơm, Kôranh Brah njŭr lơi, bu moh i njŭr săk păng nơm, Kôranh Brah de n'hao păng.”

Bunong

¹⁴ គ៝ប់​មឞើស​មា​ខាន់​មៃ ខាន់​ពាង់​ព្លឹ​ឆឹត​តា​ជៃ កោរាញ​ឞ្រាស​កើប​ទូ​ហ្វេ​ឞូនុយ្ស​អ្យា​ជេង​ឞូនុយ្ស​លែៈ​ឆ៝ង់ លែៈ​យោៈ​នាវ​តីស​ពាង់ តីស​មា​ទូ​ហ្វេ​ផូង​ផារីឆី  ​អី​នៃ​កោរាញ​ឞ្រាស​មោ​អោស​កើប​ជេង​ឞូនុយ្ស​ឆ៝ង់ មោ​អោស​យោៈ​នអាច​នាវ​តីស​ពាង់។ យ៝រ​លាស​ឞូ​ម៝ស​អី​នហាវ​អេង​ឆាក់​ពាង់​នើម កោរាញ​ឞ្រាស​ញជុរ​លើយ ឞូ​ម៝ស​អី​ញជុរ​ឆាក់​ពាង់​នើម កោរាញ​ឞ្រាស​ទែ​នហាវ​ពាង់”។

Luka 18:14 Iomraidhean Croise

Ndrom Samƀŭt bơh Yôp 22:29

Lah khân păng geh nau gơm mưch, may mra lah: ‘Yor khân păng sưr!’ Yorlah Brah Ndu rklaih phung dêh rhêt.

Ndrom Samƀŭt bơh Yôp 25:4

Mâm Brah Ndu dơi uănh kon bunuyh jêng sŏng srăng? Mbu moh deh tă bơh bu ur dơi kơp jêng kloh rsang?

Ndrom Samƀŭt bơh Yôp 9:20

Nđâp lah gâp mâu geh tih, mbung gâp đŏng phat dôih gâp; Nđâp lah gâp geh nau n'hêl nê̆, Păng ăn gâp saơ đŏng nau gâp mƀruh nklă.

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Mprơ Ơm 143:2

Lơi dĭng phat dôih ma oh mon May ôh, Yorlah mâu geh du huê jêng sŏng srăng tanăp May ôh.

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Nau Hôr 15:33

Nau klach yơk ma Brah Yêhôva ntĭm nau blau mĭn, Jêh ri nau dêh rhêt hăn lor ma nau yơk.

Nau Hôr 18:12

Nuih n'hâm sưr hăn lor ma nau rai lôch, Ƀiălah nau dêh rhêt hăn panăp ma nau yơk.

Nau Hôr 25:7

Yorlah ueh lơn bu lah đah may pô aơ: “Hao hom ta aơ,” Rlau lơn ntrŭnh may nơm tanăp măt phung kôranh may hŏ saơ jêh.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Nau Hôr 3:34

Kôranh Brah mưch ma phung vay mưch, Ƀiălah Păng ăn nau yô̆ ma phung dêh rhêt.

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Mathay 23:12

Mbu nơm n'hao êng păng nơm bu mra trŭnh tâm dâng, bi mbu nơm ntrŭnh păng nơm, bu mra n'hao păng.

Mathay 5:3

“Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Luka 1:52

Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.

Luka 10:29

Ƀiălah păng ŭch mpơl păng nơm jêng sŏng srăng rĭ dĭng lah ma Brah Yêsu: “Mbu jêng bunuyh chiau meng gâp?”

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 4:5

bi ma phung mâu ƀư pah kan, ƀiălah chroh ma Nơm kơp sŏng srăng ma bunuyh tih, nau păng chroh dơi kơp jêng sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

Galati 2:16

Ƀiălah hên gĭt du huê dơi kơp sŏng srăng mâu di yor lĕ kan bơh nau vay ôh, ƀiălah ma nau chroh tâm Brah Yêsu Krist, yor nây hên chroh jêh ma Brah Krist gay dơi kơp sŏng srăng yor ma nau chroh tâm Brah Krist, mâu di yor ma kan bơh nau vay ôh; yorlah mâu du huê dơi kơp sŏng srăng tă bơh kan bơh nau vay ôh.

Yakơ 4:10

Ntrŭnh hom săk jăn khân may tanăp Kôranh Brah ri mơ Păng mra n'hao khân may klơ.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

I Samuel 1:18

H'Anna ơh: “Ăn oh mon bu ur may geh nau yô̆ panăp măt may.” Jêh nây bu ur nây plơ̆ sĭt, sông sa nhêt, jêh ri muh măt păng mâu hôm geh nau rngot rvê đŏng ôh.