Luka 18:1 - Nau Brah Ndu Ngơi 2023

¹ Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Bunong Bible Latin Script Cambodian dialect

¹ Jêh ri Brah Yêsu ntŭm nti mpôl oh mon Păng, ăn mbơh sơm ƀaƀơ, lơi ôh dâl nuih n'hâm.

Bunong

¹ ជេសរី​ឞ្រាស​យេឆូ  ​នតុម​នតី​មពោល​អ៝ស​ម៝ន​ពាង់ អ៝ន់​មឞើស​ឆើម​បាបើ លើយ​អោស​ទឹល​នូយ្ស​នហ៝ម់។

Luka 18:1 Iomraidhean Croise

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 27:13

Gâp gĭt nanê̆ mra saơ nau ueh Brah Yêhôva Tâm neh phung rêh.

Nau Mprơ Ơm 65:2

Ơ Kôranh Brah jêng Nơm gŭ iăt nau mbơh sơm! Lĕ rngôch nglay săk mra văch ta May da dê.

Nau Mprơ Ơm 86:3

Ơ Kôranh Brah! Yô̆ nđach ma gâp, Yorlah ăp nar gâp kuăl dăn ma May.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 62:7

Mâu lĕ ăn Păng rlu Kŏ tât nôk Păng ndâk njêng tay Yêrusalem, Jêh ri njêng păng jêng nau tâm rnê tâm lam neh ntu!

Yêrêmi 29:12

Nôk nây khân may mra kuăl dăn Gâp, văch mbơh sơm ma Gâp, jêh ri Gâp mra iăt nau khân may.

Yônais 2:7

Gâp hŏ jŭr jêh tât lĕ mbon jâng yôk; Neh hŏ sŏk rnăng păng rdâl ta klơ gâp n'ho ro. Ơ Yêhôva Brah Ndu gâp, May hŏ djôt jêh nau rêh gâp tă bơh trôm Jru!

Luka 11:10

Yorlah mbu nơm dăn mra dơi geh, mbu joi mra saơ, jêh ri mbu goh ri mơ mpông mra pơk.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Samƀŭt Pôl Njuăl Ăn Ma Phung Nsing Ta Ƀon Rôm 12:12

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

II Kôrintô 4:1

Pôri, tă bơh nau yô̆ nđach Brah Ndu, hên dơn nau pah kan aơ, pôri hên nuih n'hâm mâu dĭl ôh.

Galati 6:9

Lơi rgănh dôl ƀư kan ueh, yorlah tơlah he mâu rdja nuih n'hâm ôh, he mra rek tât ta yan rek.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

I Têsalônik 5:17

mbơh sơm hom mâu rlu;

I Samuel 1:12

Tâm nôk H'Anna mbơh sơm jŏ jong ngăn tanăp măt Brah Yêhôva, Y-Êli kâp uănh trôm mbung păng.