Luka 16:15 - Nau Brah Ndu Ngơi 2023

¹⁵ Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Bunong Bible Latin Script Cambodian dialect

¹⁵ Brah Yêsu lah ma khân păng: “Khân may jêng phung ŭch jan sŏng ăn măt bunuyh say, yơn ma Kôranh Brah lĕ gĭt jêh nuih n'hâm khân may. Geh ŏk ndơ i bunuyh kơp khlay, tih ma Kôranh Brah biănh ngăn ndơ i nây.

Bunong

¹⁵ ឞ្រាស​យេឆូ  ​លាស​មា​ខាន់​ពាង់៖ “ខាន់​មៃ​ជេង​ផូង​អុច​ជាន​ឆ៝ង់​អ៝ន់​មាត់​ឞូនុយ្ស​ឆៃ យើន​មា​កោរាញ​ឞ្រាស​លែៈ​គឹត​ជេស​នូយ្ស​នហ៝ម់​ខាន់​មៃ។ គែស​អ៝ក់​នទើ​អី​ឞូនុយ្ស​កើប​ខ្លៃ តីស​មា​កោរាញ​ឞ្រាស​ឞ្យាញ់​ងាន់​នទើ​អី​នៃ។

Luka 16:15 Iomraidhean Croise

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

II Nau Rêh Jêng 6:30

dăn ma May tă bơh klơ trôk, jêng ntŭk May gŭ, rkêng tôr iăt, jêh ri yô̆ an, mbơh tay ma ăp nơm tĭng nâm nau rêh khân păng, yorlah May hŏ gĭt năl jêh nuih n'hâm khân păng; nanê̆ ngăn, knŏng êng May yơh dơi gĭt năl nuih n'hâm kon bunuyh.

Nau Mprơ Ơm 10:3

Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Mprơ Ơm 49:13

Trong khân păng jêng nau rluk khân păng; Jêh ri phung tĭng khân păng ŭch nau khân păng blau ngơi. (Sêla)

Nau Mprơ Ơm 49:18

Nđâp tơlah dôl hôm gŭ rêh, bunuyh nây kơp êng păng nơm jêng geh nau ueh uĭn, Jêh ri dơi bu tâm rnê dôl păng ndrŏng.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Nau Hôr 20:6

Âk bunuyh ngơi sưr pô aơ lah păng nơm jêng răp jăp, Ƀiălah mbu nơm dơi joi du huê bunuyh răp jăp?

Nau Hôr 21:2

Lĕ rngôch trong bơh kon bunuyh sŏng da dê tĭng măt păng nơm, Ƀiălah Brah Yêhôva mêt uănh nuih n'hâm.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”

Mathay 23:5

Lĕ kan khân păng ƀư yorlah ŭch ma bu saơ. Yor ri, khân păng ƀư lĕ dŭng dĭ prăp nau vay, ntrŭnh grong ao ma jong;

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

Luka 10:29

Ƀiălah păng ŭch mpơl păng nơm jêng sŏng srăng rĭ dĭng lah ma Brah Yêsu: “Mbu jêng bunuyh chiau meng gâp?”

Luka 11:39

Yor ri, Kôranh Brah lah: “Phung Pharisi khân may rao kloh padih ngan grưng jêh ri ngan khăl, ƀiălah tâm trôm bêng ma nau kơnh rlau ir jêh ri djơh mhĭk.

Luka 18:11

Bunuyh Pharisi nây dâk jêh ri mbơh sơm ma păng nơm pô aơ: ‘Ơ Brah Ndu gâp lah ueh ma May, yorlah gâp mâu di tâm ban ma lĕ phung êng ôh: kơnh rlau ir, kue, văng tĭr, mâu đŏng tâm ban ma bunuyh riu pi aơ.

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Luka 18:21

Bu klâu nây ơh: “Gâp tông jêh lĕ nau nây ntơm bơh gâp hôm ndăm.”

Luka 18:9

Brah Yêsu ngơi tay nau hôr aơ ma phung bunuyh mĭn khân păng nơm sŏng srăng ƀiălah mưch rmot ma bunuyh êng:

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.

Luka 20:47

Khân păng jan rŏ nau mbơh sơm jŏ ƀiălah rvăn ngih phung bu ur ndrô. Khân păng mra dơn nau phat dôih jâk lơn.”

Yôhan 2:25

Păng mâu hôm ŭch bu mbơh nkoch ôh ma Păng, yorlah Păng hŏ gĭt rah vah lĕ nau tâm nuih n'hâm bunuyh.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 1:18

Păng sŏk prăk nkhôm nau tih mhĭk păng nơm gay rvăt du lôk mir lŏ, jêh ri păng prah ta nây ro, prih ndŭl jêh ri prih proch klơm luh padih.

Kôranh Oh Mon 1:24

Jêh nây khân păng mbơh sơm pô aơ: “Ơ Kôranh Brah, May jêng Nơm gĭt rah vah nuih n'hâm lĕ rngôch bunuyh, dăn mpơl ma hên gĭt tâm bar hê aơ, mbu nơm May hŏ săch jêh

Kôranh Oh Mon 15:8

Brah Ndu jêng Nơm dơi gĭt nuih n'hâm ma lĕ rngôch bunuyh, hŏ mpơl Păng Nơm dơn phung bu năch dôl ăn Brah Huêng Ueh ma khân păng tâm ban ma he.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 8:27

Nơm sek uănh nuih n'hâm bunuyh, gĭt rah vah nau mĭn Brah Huêng Ueh, yorlah Brah Huêng Ueh tĭng nâm nau mĭn Brah Ndu ŭch, mbơh sơm kơl an ma phung kloh ueh.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

I Pêtrôs 3:4

ƀiălah nkrơ̆ hom bunuyh ndâp tâm trôm ma nau ueh mâu blau ôm rai tâm nuih n'hâm rdơ̆ rbăn jêh ri gŭ rklăk; nây jêng nau khlay dŭt hâu tanăp Brah Ndu.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”