Luka 15:22 - Nau Brah Ndu Ngơi 2023

²² Mbơ̆ păng lah ma phung oh mon: ‘Sŏk ndơ̆ gơnh hom ao jong dŭt ueh nsoh an păng, dok rgên ta nglau ti păng, ntrŭp ntâu jot ma jâng păng.

Bunong Bible Latin Script Cambodian dialect

²² Jêh ri i bơ̆ nây mbơh ma dâk păng: ‘Hăn sŏ bok ao i dŭt ueh ăn gơnh, nsoh ăn ma kon gâp dja, jêh ri sŏ rgên, ndrel ma ntô jot sơm ntrŭp ăn păng đŏng, gay ma nhhơ păng jêng kon gâp ngăn ro.

Bunong

²² ជេសរី​អី​ឞឹ​នៃ​មឞើស​មា​ទឹក​ពាង់៖ «ហាន់​ឆ៝ៈ​ឞ៝ក​អាវ​អី​ទុត​អ្វែស​អ៝ន់​គើញ ញឆ៝ស​អ៝ន់​មា​ក៝ន​គ៝ប់​អ្យា ជេសរី​ឆ៝ៈ​រាគេន នទ្រែល​មា​នតោ​ជ៝ត​ឆើម​នត្រុប​អ៝ន់​ពាង់​ដ៝ង់ គៃ​មា​ញហើ​ពាង់​ជេង​ក៝ន​គ៝ប់​ងាន់​រ៝។

Luka 15:22 Iomraidhean Croise

Nau Ntơm 41:42

Hađăch Pharaôn doh rgên bơh ti păng nơm jêh ri dok ta ti Y-Yôsep, păng ăn ma Y-Yôsep nsoh kho ao bok mhay rhên jêh ri ăn văn kông mah ta trô ko păng.

Êsther 3:10

Hađăch tŏk rgên bơh ti păng ro jêh ri ăn ma Y-Haman, kon bu klâu Y-Hamêdatha, phung Agak, nơm rlăng đah phung Yuđa.

Êsther 8:2

Hađăch doh lơi rgên ti păng hŏ ăn jêh bơh Y-Haman jêh ri ăn ma Y-Môrdêkai. H'Êsther dơm ma Y-Môrdêkai mât uănh ngih Y-Haman.

Nau Mprơ Ơm 132:16

Gâp mra sâm nsoh ma phung kôranh ƀư brah ƀon nây nau tâm rklaih, Jêh ri phung klach yơk păng mra nter hâk răm.

Nau Mprơ Ơm 132:9

Ăn ma phung kôranh ƀư brah May nsoh nau sŏng, Phung klach yơk May mra nter maak.

Nau Mprơ Ơm 18:33

Păng ƀư ma jâng gâp ngăch nâm bu jâng jun me Jêh ri dơm gâp gŭ nâp lĕ ntŭk prêh klơ.

Nau Mprơ Ơm 45:13

Kon bu ur hađăch gŭ tâm ngih hađăch chrêk rmah ngăn; Ao păng tanh ma mah

Nau Mprơ Ueh 7:1

Hơi kon bu ur hađăch, Mâm ƀư jâng ay nsoh hăn ma jep ueh ngăn! Tơm blu ay nâm bu rvang ndơ nkrơ̆, Jêng kan ti du huê njêh.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Luka 15:21

Kon ri lah ma mbơ̆: ‘Hơi mbơ̆, gâp ƀư tih jêh đah trôk jêh ri đah mbơ̆, mâu hôm khư ôh ăn may kuăl gâp jêng kon may ôh.’

Luka 15:23

Sŏk hom kon ndrôk lay ƀư puăch. Sông sa răm maak hom he!

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Galati 3:27

Mbu nơm tâm khân may hŏ dơn jêh nau ƀaptem gay jêng phung Brah Krist jêng nsoh Brah Krist yơh.

Êphêsô 6:15

nsoh ntâu jot ma nau ndrăp bơh Nau Mhe Mhan Ueh đăp mpăn,

Nau Vay Nkah Tay 33:25

Lĕ mâng nđăng mpông ƀư ma loih jêh ri kông, N'hâm suan dăng tâm du bông nau rêh.”

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”

Nau Tâm Mpơl 3:18

Yor nây, Gâp nkah may rvăt hom mah Gâp hŏ srŏng jêh ma ŭnh, gay ma may mra jêng ndrŏng; rvăt lĕ ao nglang jêh ri nsoh gay ma nau rhôk may mâu mpơl ôh, jêh ri rvăt dak si mhĭng măt may gay ma may dơi saơ.

Nau Tâm Mpơl 6:11

Ăp nơm tâm phung khân păng bu ăn du blah ao jong nglang, jêh ri bu lah ma khân păng gŭ rlu ƀât lât đŏng, kŏ tât nôk nŭm rnoh phung pah kan ndrel ma khân păng jêh ri oh nâu khân păng mra dơn nau bu nkhĭt tâm ban ma khân păng.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.