Luka 15:15 - Nau Brah Ndu Ngơi 2023

¹⁵ Păng hăn pah kan ma du huê bunuyh gŭ tâm n'gor jêh ri bu siăm sŭr, ƀiălah bu đă păng mât sŭr.

Bunong Bible Latin Script Cambodian dialect

¹⁵ Jêh ri păng hăn dăn gŭ jan kar bu du huê ta bri nây, bu đă păng mât sŭr phung rŏ mir.

Bunong

¹⁵ ជេសរី​ពាង់​ហាន់​ទាន់​គុ​ជាន​ការ​ឞូ​ទូ​ហ្វេ​តា​ឞ្រី​នៃ ឞូ​ដាៈ​ពាង់​ម៝ត់​ឆុរ​ផូង​រ៝ៈ​មីរ។

Luka 15:15 Iomraidhean Croise

II Nau Rêh Jêng 28:22

Tâm nau rêh ni, hađăch Ahas lơ ƀư tih lơn đah Brah Yêhôva;

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Êsêkiêl 16:52

Ay phat dôih phung oh nur ay knŏng dơn nau bêk prêng ăn ma ay nơm dơm. Yorlah nau tih ay mhĭk lơn ma khân păng yor nây khân păng jêng sŏng srăng lơn ma ay. Pônây dơn hom nau tâm rmot, nau bêk prêng yor ay ƀư jêh ăn ma oh nur ay dơi kơp jêng sŏng srăng!

Êsêkiêl 16:63

Ay mra kah gĭt ma nau bêk prêng, jêh ri yor nau bêk prêng ngăn ay mâu hôm dơi hă mbung ngơi du ntil nau đŏng ôh tơlah Gâp yô̆ an nau tih ay ƀư jêh,” Kôranh Brah Yêhôva lah pônây.

Nahum 3:6

Gâp mra mƀăr lĕ ndơ ƀơ̆ ƀơch ta ay, Ƀư ma ay đah nau tâm rmot, Jêh ri ƀư ma ay jêng ndơ bu gơm mưch ma lĕ rngôch bunuyh.

Malachi 2:9

“Yor nây, Gâp ƀư ăn ma khân may plơ̆ jêng tâm rmot jêh ri bêk prêng tanăp măt lĕ rngôch bunuyh, yorlah khân may mâu djôt prăp ôh trong Gâp, ƀiălah khân may mpơl nau khân may gŭ du ding mpeh tâm nau vay.”

Mathay 7:6

“Lơi ăn ndơ kloh ma so ôh, mâu lĕ mƀăr lŭ rmah khlay ma sŭr, klach lah khân păng jot plên tâm dâng jâng, jêh ri plơ̆ kăp hêk khân may.

Luka 15:13

Jêh nây mâu ir jŏ, oh nây sŏk lĕ drăp ndơ jêh ri hăn tât du n'gor ngai; ta nây, păng pâl rlưn ƀư blă blơ, ƀư roh drăp păng, mpŭng drăp ndơ păng nơm.

Luka 15:14

Nôk hŏ ƀư rai lĕ drăp ndơ jêh, tâm n'gor geh nau ji ngot toyh jêh ri păng ntơm tŭp tâm nau ndĭt trơi.

Luka 15:16

Păng hăn ŭch sŏk ntâu tuh ma sŭr gay sa ma hơm ƀiălah bu mâu ăn ôh.

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.