Luka 14:26 - Nau Brah Ndu Ngơi 2023

²⁶ “Tơlah mbu moh văch gay tĭng Gâp ƀiălah mâu tâm rmot ma mbơ̆ mê̆, ur kon, phung nâu oh, yuh oh păng jêh ri nđâp ma nau rêh păng nơm, ndri mâu dơi jêng oh mon Gâp.

Bunong Bible Latin Script Cambodian dialect

²⁶ “Lah bu moh ŭch tâng Gâp, tih ma mâu rŏng Gâp rlau đah nau păng rŏng mê̆ bơ̆, ur kon, oh nô oh nur, bol lah đah nau rêh păng nơm kađôi, bunuyh i nây jan oh mon Gâp mâu dơi ôh.

Bunong

²⁶ “លាស​ឞូ​ម៝ស​អុច​តឹង​គ៝ប់ តីស​មា​មោ​រ៝ង់​គ៝ប់​រាលាវ​ដាស​នាវ​ពាង់​រ៝ង់​មេៈ​ឞឹ អូរ​ក៝ន អ៝ស​នោ​អ៝ស​នូរ ឞ៝ល​លាស​ដាស​នាវ​រេស​ពាង់​នើម​កាដោយ ឞូនុយ្ស​អី​នៃ​ជាន​អ៝ស​ម៝ន​គ៝ប់​មោ​ទើយ​អោស។

Luka 14:26 Iomraidhean Croise

Nau Mprơ Ơm 139:22

Gâp tâm rmot hâu ngăn ma khân păng, Kơp khân păng jêng phung rlăng đah gâp.

Nau Kơp Bunuyh 10:30

Y-Hôbap ơh nau: “Gâp mâu mra hăn ôh, ƀiălah gâp mra plơ̆ sĭt n'gor gâp jêng n'gor phung che gâp.”

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Luka 14:20

Geh bunuyh êng lah: ‘Gâp mhe nđăp ur, yor ri gâp mâu dơi hăn.’

Luka 14:25

Geh âk bunuyh hăn ndrel ma Brah Yêsu, Păng n'gĭl uănh jêh ri lah ma khân păng:

Yôhan 12:25

Mbu nơm rŏng nau rêh păng nơm mra roh, jêh ri mbu nơm tâm rmot nau rêh păng nơm tâm rnôk aơ mra prăp tay păng ma nau rêh n'ho ro.

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 9:13

Tâm ban hŏ geh nchih: “Gâp rŏng ma Y-Yakôp ƀiălah tâm rmot ma Y-Êsau.”

Nau Vay Nkah Tay 21:15

“Tơlah du huê bu klâu geh bar hê ur, ƀiălah păng rŏng ma du huê ur aơ ƀiălah tâm rmot ma ur y ri, jêh ri tơlah lĕ bar hê khân păng hŏ deh da dê kon ma păng, ƀiălah kon bu klâu deh dak bôk jêng kon ma ur păng lĕ tâm rmot,

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.