Luka 13:27 - Nau Brah Ndu Ngơi 2023

²⁷ Ƀiălah păng mra lah ma khân may: ‘Gâp mâu gĭt khân may tă ntŭk. Lĕ rngôch phung ƀư nau mâu di, du ngai hom tă bơh gâp!’

Bunong Bible Latin Script Cambodian dialect

²⁷ Păng lah ma khân ay may: ‘Hơi mpôl jan kar kue, du ngai bơh gâp hŏm! Gâp mâu ôh gĭt năl khân ay may i nây bơh tă!’, Gâp tâm ban ma tơm jay i nây.

Bunong

²⁷ ពាង់​លាស​មា​ខាន់​អៃ​មៃ៖ «ហើយ​មពោល​ជាន​ការ​ក្វែ ទូ​ងាយ​ឞើស​គ៝ប់​ហ៝ម់! គ៝ប់​មោ​អោស​គឹត​នាល់​ខាន់​អៃ​មៃ​អី​នៃ​ឞើស​តាៈ!» គ៝ប់​តឹម​ឞាន​មា​តើម​ជៃ​អី​នៃ។

Luka 13:27 Iomraidhean Croise

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 101:8

Ăp ôi, gâp mra ƀư rai Lĕ rngôch phung ƀai tâm n'gor, Mprơh lĕ rngôch phung mhĭk Bơh ƀon Brah Yêhôva.

Nau Mprơ Ơm 119:115

Ơ phung ƀư mhĭk, du hom bơh gâp! Gay ma gâp djôt prăp nau vay Brah Ndu ntăm.

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 28:3

Lơi ta têk gâp hăn ndrel ma phung janh ktang Mâu lah phung ƀư djơh, Jêng phung ngơi đăp mpăn ma phung chiau meng khân păng, Ƀiălah tâm trôm nuih n'hâm bêng ma nau djơh mhĭk.

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 6:8

Hơi lĕ rngôch phung ƀư mhĭk, khân may du ngai hom đah gâp, Yorlah Brah Yêhôva hŏ tăng jêh nau gâp nhĭm.

Ndrom Samƀŭt bơh Ôsê 9:12

Nđâp tơlah khân păng mât rong phung kon Tâm ban lĕ Gâp mra sŏk lơi kŏ tât mâu hôm geh du huê bu klâu ôh. Rêh ni ngăn yơh ma khân păng Tơlah Gâp chalơi khân păng!

Mathay 25:12

Ƀiălah kôranh plơ̆ lah: ‘Gâp ngơi ngăn ma khân ay, gâp mâu gĭt năl khân ay ôh.’

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”