Luka 13:19 - Nau Brah Ndu Ngơi 2023

¹⁹ Ƀon bri hađăch nây nâm bu du găr trau, du huê sŏk gay tăm tâm đang trau, păng hon jêng tơm si toyh, jêh ri phung sĭm trôk ƀư rsuăn ta n'gĭng păng.”

Bunong Bible Latin Script Cambodian dialect

¹⁹ Nau Kôranh Brah mât uănh bunuyh, jêng tâm ban ma găr si du ntil dŭt jê̆, geh du huê bu klô tăm ta mir păng nơm ri. Găr si i nây hon jêng tơm si dŭt kuŏng, jêh ri n'ho ma geh siŭm jan rsuăn ta n'ging nây đŏng.”

Bunong

¹⁹ នាវ​កោរាញ​ឞ្រាស​ម៝ត់​អ្វាញ់​ឞូនុយ្ស ជេង​តឹម​ឞាន​មា​គារ់​ឆី​ទូ​នតីល​ទុត​ជេៈ គែស​ទូ​ហ្វេ​ឞូ​ក្លោ​តាម់​តា​មីរ​ពាង់​នើម​រី។ គារ់​ឆី​អី​នៃ​ហ៝ន​ជេង​តើម​ឆី​ទុត​ក្វ៝ង់ ជេសរី​នហ៝​មា​គែស​ឆ្យុម​ជាន​រាឆ្វាន់​តា​ងគីង​នៃ​ដ៝ង់”។

Luka 13:19 Iomraidhean Croise

Nau Mprơ Ueh 4:12

Hơi oh gâp, ƀăn gâp Jêng du đang ntĭl ndâp; Jêng tu dak nsêt jêh, Jêng dak n'hor tâp pŏng.

Nau Mprơ Ueh 4:16

Hơi sial pa lơ, khôm hom, Hơi sial pa dâng, ăn văch hom! Khôm hom ta đang gâp, Gay ƀâu n'hôl dak ƀâu kah lam ntŭk! Ndă lah nơm gâp rŏng lăp tâm đang păng, Jêh ri chiăm âk kao ƀâu play kah!

Nau Mprơ Ueh 6:2

Nơm gâp rŏng hăn jŭr đang păng, Ntŭk tăm mbor ndơ ƀâu kah, Gay ăn biăp sa gơ̆ tâm đang, Jêh ri pĕ lĕ n'gĭng kao si ueh.

Nau Mprơ Ueh 8:13

Hơi nơm dôl gŭ tâm đang krăk ƀâu, Mĭt jiăng kâp iăt bâr ay ngơi! Ăn ma gâp iăt bâr ay!

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Êsai 61:11

Yorlah tâm ban ma neh ƀư ma tơm si chăt hon, Tâm ban ma đang trau ƀư ma găr ntil ntơm hon, Kôranh Brah Yêhôva mra ƀư ăn nau sŏng srăng ntơm hon Jêh ri nau tâm rnê nteh tanăp lĕ rngôch ndŭl mpôl bunuyh.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Êsêkiêl 31:6

Lĕ rngôch phung sĭm tâm trôk Ƀư rsuăn ta n'gĭng păng; Lĕ rngôch ntil mpô mpa bri Deh kon tâm dâng n'gĭng păng, Jêh ri lĕ rngôch bri dak toyh Gŭ tâm dâng n'hâm păng da dê.

Daniel 4:12

N'ha ueh, play âk, Ăn ndơ sa tŏng ma lĕ rngôch ntil. Mpô mpa bri nde tâm dâng gui păng; Sĭm tâm trôk drâm klơ n'gĭng păng, Jêh ri lĕ rngôch mpa rêh yor bơh păng siăm da dê.

Daniel 4:21

n'ha ueh jêh ri play âk, ăn ndơ sa tŏng ma lĕ rngôch ntil; mpô mpa bri văch gŭ nde tâm dâng gui păng, lĕ ntil sĭm tâm trôk ƀư rsuăn klơ n'gĭng păng.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Mathay 17:20

Păng plơ̆ lah: “Yorlah khân may geh nau chroh djê̆. Gâp lah nanê̆ ma khân may: Tơlah khân may geh nau chroh nâm bu du găr trau, khân may dơi lah ma yôk aơ pô aơ: ‘Du hom tă bơh ntŭk aơ tât ta ntŭk ri’ du ro; jêh ri mâu geh ôh nau khân may mâu dơi ƀư!”

Markôs 4:30

Brah Yêsu lah tay: “Moh nau he sŏk gay tâm ntĭt mâu lah moh nau hôr he dŏng gay lah ma ƀon bri hađăch Brah Ndu?

Luka 17:6

Brah Yêsu plơ̆ lah: “Tơlah khân may geh nau chroh tâm ban ma găr trau, khân may đă ma tơm si balsam aơ pô aơ: ‘Rôk hom jêh ri tăm tâm dak mƀŭt,’ păng mra tông bâr nau khân may đă.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 21:20

Jêh tăng nau nây, khân păng tâm rnê ma Brah Ndu, jêh ri khân păng lah ma Y-Pôl: “Hơi nâu, may saơ nây, geh âk rmưn phung Yuđa hŏ chroh; lĕ rngôch khân păng duh nđơr djôt nau vay.

Kôranh Oh Mon 4:4

Nđâp tơlah kơt nây, geh âk bunuyh tâm phung khân păng hŏ tăng jêh nau Kôranh Brah ngơi jêh ri chroh, jêh ri rnoh phung bu klâu chroh tât prăm rbăn nuyh.

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”