Luka 12:37 - Nau Brah Ndu Ngơi 2023

³⁷ Ueh maak yơh ma phung oh mon nây, tơlah kôranh sĭt tât jêh ri saơ khân păng gŭ rngeh! Nanê̆ ngăn, Gâp lah ma khân may, kôranh mra rêt rse bŭt păng nơm, jă phung oh mon gŭ ta sưng sông sa jêh ri văch pah kan ma khân păng.

Bunong Bible Latin Script Cambodian dialect

³⁷ Tât kôranh sât ta ri, ueh ngăn ma dâk aƀă i păng say hôm gŭ rngeh kŏp ta ri. Gâp lah n'hêl nanê̆ ngăn ma khân ay may, i kôranh nây mra ăn dâk păng ri gŭ sông sa ta nsưng ro, i păng nơm ri ndrăp săk jăn ma plăch sơm kơl jan kar ăn khân păng i nây.

Bunong

³⁷ ត៝ត់​កោរាញ​ឆឹត​តា​រី អ្វែស​ងាន់​មា​ទឹក​អាបាៈ​អី​ពាង់​ឆៃ​ហោម​គុ​រាងែស​ក៝ប់​តា​រី។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ អី​កោរាញ​នៃ​មរា​អ៝ន់​ទឹក​ពាង់​រី​គុ​ឆោង​ឆា​តា​ញឆឺង​រ៝ អី​ពាង់​នើម​រី​នទ្រាប់​ឆាក់​ជាន់​មា​ព្លាច់​ឆើម​កើល​ជាន​ការ​អ៝ន់​ខាន់​ពាង់​អី​នៃ។

Luka 12:37 Iomraidhean Croise

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Mathay 24:42

Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Luka 12:36

Ăn khân may ƀư tâm ban ma phung bunuyh gŭ kâp kôranh khân may plơ̆ văch bơh nau nhêt sông tâm nkol ur sai, gay nôk kôranh sĭt tât, goh mpông ri mơ pơk mpông ro.

Luka 12:43

Ueh maak yơh ma oh mon nây, tơlah kôranh tât jêh ri saơ păng ƀư pônây!

Luka 17:8

Ƀiălah, mâu di hĕ khân may đă păng pô aơ: ‘Ndrăp hom ndơ ma gâp sa, rêt rse bŭt pah kan ma gâp ma tât gâp sông sa nhêt lôch jêh, jêh nây may mra sông sa nhêt lĕ ƀơh?’

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 22:27

Yorlah tâm nơm gŭ ta sưng sông ndrel ma bunuyh pah kan, mbu nơm jêng toyh lơn? Di lĕ nơm gŭ ta sưng sông? Ƀiălah Gâp gŭ ta nklang khân may tâm ban ma bunuyh pah kan.

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

Philip 1:21

Yorlah ma gâp, rêh jêng Brah Krist, bi khĭt jêng nau ueh lơn ma gâp.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.

Nau Tâm Mpơl 14:13

Gâp tăng nteh tă bơh trôk ngơi pô aơ: “Nchih hom: Ntơm aƀaơ tât kăndơ̆, ueh maak yơh phung bunuyh khĭt jêng khĭt tâm Kôranh Brah!” Brah Huêng Ueh lah: “N'hêl nanê̆ ngăn, khân păng mra gŭ rlu bơh lĕ hŏt rgănh khân păng nơm jêh ri lĕ kan khân păng tĭng groi khân păng.”

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”