Luka 12:32 - Nau Brah Ndu Ngơi 2023

³² Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Bunong Bible Latin Script Cambodian dialect

³² Hơi mpôl jê̆ Gâp, lơi klach ôh, Bơ̆ khân ay may nơm ta kalơ trôk ri maak ngăn mât uănh khân ay may.

Bunong

³² ហើយ​មពោល​ជេៈ​គ៝ប់ លើយ​ក្លាច​អោស ឞឹ​ខាន់​អៃ​មៃ​នើម​តា​កាលើ​ត្រោក​រី​មអាក​ងាន់​ម៝ត់​អ្វាញ់​ខាន់​អៃ​មៃ។

Luka 12:32 Iomraidhean Croise

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Mathay 14:27

Ƀiălah Brah Yêsu lah ro ma khân păng: “Gŭ đăp hom nuih n'hâm, Gâp yơh aơ, lơi klach ôh!”

Mathay 20:16

Pônây, bunuyh nglĕ dŭt mra jêng lor, jêh ri phung lor mra jêng nglĕ dŭt.”

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Luka 10:21

Tâm mông nây, Brah Yêsu răm maak tâm Brah Huêng Ueh jêh ri lah: “Ơ Mbơ̆ jêng Kôranh Brah trôk jêh ri neh ntu! Gâp tâm rnê ma Mbơ̆ yorlah Mbơ̆ pôn jêh lĕ nau nây ma bunuyh blau mĭn jêh ri gĭt rbăng, ƀiălah tâm mpơl jêh ma phung kon se jê̆! N'hêl nanê̆ ngăn, ơ Mbơ̆, yorlah nau nây ƀư ueh nau mĭn Mbơ̆ ŭch.

Yôhan 18:36

Brah Yêsu plơ̆ lah: “Ƀon bri hađăch Gâp mâu geh ta neh ntu aơ ôh. Lah ƀon bri hađăch Gâp ta neh ntu aơ, phung bunuyh tĭng Gâp tâm lơh an, mâu ăn bu jao ôh Gâp tâm ti phung Yuđa. Ƀiălah ƀon bri hađăch Gâp mâu di tâm neh ntu aơ ôh.”

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 20:29

Gâp gĭt, jêh gâp dâk hăn, mra geh phung so bri janh ktang lăp tâm phung khân may, khân păng mâu geh nau yô̆ ma phung biăp ôh.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Têsalônik 1:5

Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.