Luka 12:20 - Nau Brah Ndu Ngơi 2023

²⁰ Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Bunong Bible Latin Script Cambodian dialect

²⁰ Tih ma Kôranh Brah lah ma păng: ‘Hơi bunuyh rluk, ta măng dja ro, Gâp rhuăt lơi huêng may. Lah ndri lĕ drăp ndơ i may geh prăp i nây nơh, jêng bu moh ma ndơn?’

Bunong

²⁰ តីស​មា​កោរាញ​ឞ្រាស​លាស​មា​ពាង់៖ «ហើយ​ឞូនុយ្ស​រាលូក តា​មាង់​អ្យា​រ៝ គ៝ប់​រាហ្វាត់​លើយ​ហ្វេង​មៃ។ លាស​នទ្រី​លែៈ​ទ្រាប់​នទើ​អី​មៃ​គែស​ព្រាប់​អី​នៃ​នើស ជេង​ឞូ​ម៝ស​មា​នទើន?»

Luka 12:20 Iomraidhean Croise

Êsther 5:11

Y-Haman nkoch bri đŏng ma khân păng nau ndrŏng kuăng păng jêh ri âk kon bu klâu păng. Păng tâm mpơl đŏng lĕ rngôch nau hađăch ƀư ma păng, dơi geh bu yơk, jêh ri hađăch n'hao păng hao lơn ma phung kôranh jêh ri phung oh mon hađăch.

Ndrom Samƀŭt bơh Yôp 27:8

Mâm nau kâp gân phung mâu chroh lah păng bu ƀư rai jêh? Lah Brah Ndu joi tay huêng păng?

Nau Mprơ Ơm 39:6

N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Nau Mprơ Ơm 49:10

Yor bu saơ nơm blau mĭn khĭt, Phung brŭt ndrăng jêh ri bunuyh rluk ăt khĭt tâm ban. Chalơi drăp ndơ păng ma bu êng.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Nau Mprơ Ơm 78:30

Ƀiălah êlor khân păng mpay nau ŭch kơnh, Ndơ sa ăt hôm tâm trôm mbung khân păng,

Nau Hôr 10:2

Drăp ndơ nau ƀư djơh mâu jêng khlay ôh, Ƀiălah nau sŏng srăng tâm rklaih bunuyh bơh nau khĭt.

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nau Hôr 13:7

Geh bunuyh ƀư n'hi ndrŏng ƀiălah mâu geh ôh; Geh đŏng bunuyh ƀư n'hi nâm bu o ach ƀiălah geh âk drăp ndơ.

Nau Hôr 27:1

Lơi ntưih ôh ma nar ôi taơ, Yorlah may mâu gĭt ôh nar ôi taơ mra moh nau tât.

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Yêrêmi 17:11

Nơm ƀư ndrŏng mâu geh nau sŏng, Tâm ban ma sĭm tat-ta păn tăp sĭm êng mâu di păng nơm deh ôh; Tât n'gul nau rêh, drăp ndơ du lĕ, Jêh ri nglĕ dŭt nau rêh knŏng hôm jêng nơm rluk.

Amôt 6:13

Khân may hâk răm yor dơi lơh pit in ƀon Lô-Dêbar Jêh ri lah pô aơ: “Mâu di ma nau ktang he nơm sŏk jêh ƀon Karnaim ma he nơm?”

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Luka 11:40

Hơi bunuyh rluk! Mâm ƀư Nơm hŏ njêng padih ƀiălah mâu lah njêng tâm trôm đŏng?

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

I Timôthê 6:7

Yorlah nôk mhe deh, he mâu djôt leo ôh du ntil ndơ, pô ri nôk cha lơi nau rêh mâu djôt leo đŏng du ntil ndơ;

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.