Luka 11:42 - Nau Brah Ndu Ngơi 2023

⁴² Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

Bunong Bible Latin Script Cambodian dialect

⁴² Hơi phung Pharisi, rêh rnhăl ngăn ma khân may mê! Khân may nơh sŏ ndơ geh jât ơ̆ rhuăt nguai nhhơr ma Kôranh Brah, kơt lah ndơ mâu khlay, klôyh, gir, ndrel ma ndơ ƀô aƀă êng đŏng. Nau i nhhơr jêng di, tih ma khân may mƀăr lơi nau sŏng, ndrel ma nau rŏng Kôranh Brah i geh nau khlay rlau bu, lah ndri ăn khân may nsrôyh nhhơr kơt i nây ma Kôranh Brah đŏng, yơn ma lơi chuêl nau sŏng, ndrel ma nau rŏng đŏng.

Bunong

⁴² ហើយ​ផូង​ផារីឆី  រេស​រាញាល់​ងាន់​មា​ខាន់​មៃ​មេ! ខាន់​មៃ​នើស​ឆ៝ៈ​នទើ​គែស​ជឹត​អឹ​រាហ្វាត់​ង្វាយ​ញហើរ​មា​កោរាញ​ឞ្រាស កើត​លាស​នទើ​មោ​ខ្លៃ ក្លោយ្ស គីរ នទ្រែល​មា​នទើ​បោ​អាបាៈ​អេង​ដ៝ង់។ នាវ​អី​ញហើរ​ជេង​ទី តីស​មា​ខាន់​មៃ​មអារ់​លើយ​នាវ​ឆ៝ង់ នទ្រែល​មា​នាវ​រ៝ង់​កោរាញ​ឞ្រាស​អី​គែស​នាវ​ខ្លៃ​រាលាវ​ឞូ លាស​នទ្រី​អ៝ន់​ខាន់​មៃ​ញឆ្រោយ្ស​ញហើរ​កើត​អី​នៃ​មា​កោរាញ​ឞ្រាស​ដ៝ង់ យើន​មា​លើយ​ច្វេល​នាវ​ឆ៝ង់ នទ្រែល​មា​នាវ​រ៝ង់​ដ៝ង់។

Luka 11:42 Iomraidhean Croise

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nau Hôr 21:3

Ƀư tĭng nau sŏng srăng jêh ri nau di Dơi ƀư maak ma Brah Yêhôva ueh lơn jêng nhhơr mpa ƀư brah.

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Malachi 3:8

“Bu dơi sa ntŭng đŏng ndơ Brah Ndu? Ƀiălah khân may lĕ sa ntŭng jêh ndơ Gâp!” Ƀiălah khân may hŏ lah: “Hŏ geh hên sa ntŭng ndơ Kôranh Brah?” “Khân may hŏ ntŭng jêh tâm lĕ ndơ du kô̆ tâm jât jêh ri tâm lĕ ndơ ƀư brah nhhơr.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Mathay 23:27

Rêh ni yơh ma khân may, hơi phung kôranh nchih samƀŭt jêh ri phung Pharisi jêng phung nuih n'hâm nklă! Yorlah khân may nâm bu lĕ môch mhĭng klo nglang, padih uănh ueh ngăn, ƀiălah tâm trôm bêng nting bunuyh khĭt jêh ri đah ăp ntil ƀơ̆ ƀơch.

Luka 18:12

Gâp ât sông sa bar tơ̆ tâm du pơh, jêh ri chê̆ du kô̆ tâm jât lĕ ndơ gâp geh.’

Yôhan 5:42

ƀiălah Gâp gĭt jêh khân may mâu geh nau rŏng Brah Ndu gŭ tâm khân may ôh.

I Yôhan 4:20

Tơlah du huê lah: “Gâp rŏng ma Brah Ndu” ƀiălah tâm rmot ma oh nâu păng nơm, păng jêng nơm ngơi mƀruh. Yorlah mbu nơm mâu rŏng ma oh nâu păng nơm dơi saơ, păng mâu dơi rŏng ma Brah Ndu, Nơm păng mâu dơi saơ ôh.

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.