Luka 1:8 - Nau Brah Ndu Ngơi 2023

⁸ Nkoch bri tât geh nôk Y-Sakari tĭng lor nglĕ tâm mpôl păng nơm ƀư nau kan ndơ ƀư brah tanăp Brah Ndu.

Bunong Bible Latin Script Cambodian dialect

⁸ Tât di nar pleh mpôl jan brah mpôl Abia lăp jan kar ta jŏng gung nhih jan brah ma Kôranh Brah, nar nây Sakari bunuyh jan brah geh lăp jan kar ta nhih nây đŏng.

Bunong

⁸ ត៝ត់​ទី​នារ​ព្លែស​មពោល​ជាន​ឞ្រាស​មពោល​អាបីយា  ​លាប់​ជាន​ការ​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស នារ​នៃ​ឆាការី  ​ឞូនុយ្ស​ជាន​ឞ្រាស​គែស​លាប់​ជាន​ការ​តា​ញីស​នៃ​ដ៝ង់។

Luka 1:8 Iomraidhean Croise

I Nau Rêh Jêng 24:19

Aơ jêng lĕ mbŭch khân păng gay lăp pah kan tâm ngih Brah Yêhôva tĭng nâm nau vay nal Y-Arôn, chô yau khân păng, ntĭnh jêh ma khân păng, di tĭng nâm Yêhôva Brah Ndu Israel ntĭnh jêh ma păng.

I Nau Rêh Jêng 24:2

Y-Nadap jêh ri Y-Abihu khĭt lor ma mbơ̆ khân păng jêh ri mâu geh ôh kon, pôri Y-Êlêasar jêh ri Y-Ithamar jêng phung kôranh ndơ ƀư brah.

II Nau Rêh Jêng 11:14

Phung Lêvi chalơi neh ƀon jêh ri drăp ndơn khăn păng hăn văch ran tât neh phung Yuđa jêh ri ƀon Yêrusalem; yor Y-Jêrôbôam jêh ri phung kon bu klâu păng mprơh khân păng du, mâu ăn ƀư kan jêng kôranh ƀư brah ma Brah Yêhôva đŏng ôh.

II Nau Rêh Jêng 31:19

Bi ma kon sau Y-Arôn, nâm bu ntĭt đơ phung kôranh ƀư brah gŭ tâm neh mir jŭm ƀon, tâm ăp rplay ƀon khân păng, đơ phung geh amoh bu kuăl, gay tâm pă lĕ ndơ ăn ma lĕ rngôch phung bu klâu tâm phung kôranh ƀư brah jêh ri phung Lêvi hŏ geh nchih jêh săk ndrel ma noi deh.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Êsra 6:18

Khân păng njêng phung kôranh ƀư brah jêh ri phung Lêvi tĭng nâm mpôl khân păng, gay pah kan ma Brah Ndu ta Yêrusalem, di nâm bu hŏ nchih tâm ndrom samƀŭt Y-Môis.

Nau Ngluh Êjipt 28:1

“Tă bơh tâm phung ƀon lan Israel, ăn may săch Y-Arôn, nâu may, jêh ri phung kon bu klâu păng jêng Y-Nadap, Y-Abihu, Y-Êlêasar, jêh ri Y-Ithamar, ăn pah kan ndơ ƀư brah ma Gâp.

Nau Ngluh Êjipt 28:41

Ăn may sŏk bok ao nây nsoh ma Y-Arôn, nâu may, jêh ri ma phung kon bu klâu păng. Ăn may mhĭng dak ƀâu kah ma khân păng, ăn n'hao kan jêh ri nhhơr khân păng gay ma khân păng kloh ueh ƀư nau kan kôranh ƀư brah ma Gâp.

Nau Ngluh Êjipt 29:1

“Aơ jêng nau may mra ƀư dôl nhhơr Y-Arôn jêh ri phung kon bu klâu păng gay khân păng pah kan nau ƀư brah ma Gâp. Sŏk hom du mlâm ndrôk nkuăng rah jêh ri bar mlâm biăp nkuăng mâu têl khap,

Nau Ngluh Êjipt 29:44

Gâp mra ƀư kloh ueh Ngih Bok Nau Tâm Rƀŭn jêh ri nơng ƀư brah tâm ban đŏng ƀư kloh ueh Y-Arôn jêh ri phung kon bu klâu păng gay ma khân păng ƀư nau kan ndơ ƀư brah ma Gâp.

Nau Ngluh Êjipt 29:9

jêh nây vân rse bŭt jêh ri ndô môk ma Y-Arôn jêh ri phung kon bu klâu păng. Nau kan phung ƀư brah mra jêng kan khân păng ma du nau vay gŭ n'ho ro. Pônây may hŏ n'hao kan ma Y-Arôn jêh ri phung kon bu klâu păng.

Nau Ngluh Êjipt 30:30

Ăn may mhĭng đŏng dak ƀâu kah ma Y-Arôn jêh ri ta phung kon bu klâu păng, nhhơr khân păng gay khân păng dơi pah kan ma Gâp tâm nau kan ƀư brah.

Nau Kơp Bunuyh 18:7

Ƀiălah may jêh ri phung kon bu klâu may njrăng pah kan kôranh ƀư brah khân may ma lĕ rngôch nau di ma nơng ƀư brah jêh ri ndơ tâm trôm bok nching. Gâp ăn ma may ƀư nau pah kan kôranh ƀư brah nâm bu du ndơ ăn. Bunuyh êng văch dăch pah kan nây bu mra nkhĭt păng.”

Luka 1:5

Tâm nôk Hêrôt, hađăch phung Yuđa, geh du huê kôranh ƀư brah tâm mpôl Abija, amoh Y-Sakari; ur păng jêng H'Êlisabet, jêng noi deh Y-Arôn.

Luka 1:7

Khân păng mâu geh kon, yor H'Êlisabet mâu bă kon jêh ri lĕ bar hê ranh jêh da dê.