Luka 1:69 - Nau Brah Ndu Ngơi 2023

⁶⁹ Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Bunong Bible Latin Script Cambodian dialect

⁶⁹ Kôranh Brah ăn du huê Bunuyh gay ma rklaih bân, Bunuyh i nây geh nau dơi ngăn, Păng rnoi deh kađăch Đavid i bunuyh jan kar iăt nau Kôranh Brah kăl e nơh, Păng i nây i bu kuăl Brah Krist đŏng.

Bunong

⁶⁹ កោរាញ​ឞ្រាស​អ៝ន់​ទូ​ហ្វេ​ឞូនុយ្ស​គៃ​មា​រាក្លាយ្ស​ឞ៝ន់ ឞូនុយ្ស​អី​នៃ​គែស​នាវ​ទើយ​ងាន់‌ ពាង់​រាន៝យ​ទែស​កាដាច់​ដាវីត  ​អី​ឞូនុយ្ស​ជាន​ការ​អ្យាត់​នាវ​កោរាញ​ឞ្រាស​កាល់​អែ​នើស ពាង់​អី​នៃ​អី​ឞូ​ក្វាល់​ឞ្រាស​ក្រីស  ​ដ៝ង់។

Luka 1:69 Iomraidhean Croise

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

I Phung Hađăch 11:13

Nđâp tơlah pônây, Gâp mâu mra sŏk ôh lĕ rngôch ƀon bri hađăch tă bơh păng; ƀiălah yor Y-Đavit, oh mon Gâp, jêh ri yor Yêrusalem ntŭk Gâp hŏ săch jêh, Gâp mra ăn tay ma du ndŭl mpôl kon bu klâu may.”

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 89:17

Yorlah May nơm yơh jêng nau chrêk rmah ma nau ktang khân păng; Yor ma nau yô̆ May yơh, nke hên mra dơi n'gơr hao prêh.

Nau Mprơ Ơm 89:3

May lah: “Gâp ndâk jêh nau tâm rnglăp đah nơm Gâp săch jêh, Gâp ton jêh đah Y-Đavit, oh mon Gâp, pô aơ:

Yêrêmi 30:9

Ƀiălah khân păng mra pah kan ma Yêhôva Brah Ndu khân păng, Jêh ri hađăch he jêng Y-Đavit Gâp mra n'hao ăn ma khân păng.’

Êsêkiêl 29:21

Tâm nar nây, Gâp mra ăn ngih Israel hon du nke, jêh ri Gâp mra ăn may hă mbung ta nklang khân păng jêh ri khân păng mra gĭt Gâp jêng Brah Yêhôva.”

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Markôs 11:10

Ueh maak ngăn ma ƀon bri hađăch dăch tât ma hađăch Đavit, chô yau he! Hôsana ta ntŭk dŭt prêh!”

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”