Luka 1:6 - Nau Brah Ndu Ngơi 2023

⁶ Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Bunong Bible Latin Script Cambodian dialect

⁶ Lĕ bar hê ur sai nây Kôranh Brah kơp khân păng jêng bunuyh sŏng srăng ngăn, ndjôt nâp dâng lĕ nau Kôranh Brah đă, jan di dadê mâu ôh du ntil tih.

Bunong

⁶ លែៈ​ឞារ​ហៃ​អូរ​ឆាយ​នៃ​កោរាញ​ឞ្រាស​កើប​ខាន់​ពាង់​ជេង​ឞូនុយ្ស​ឆ៝ង់​ឆ្រាង់​ងាន់ ញអោត​ន៝ប់​ទឹង​លែៈ​នាវ​កោរាញ​ឞ្រាស​ដាៈ ជាន​ទី​ទាទេ​មោ​អោស​ទូ​នតីល​តីស។

Luka 1:6 Iomraidhean Croise

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 6:9

Aơ jêng noi deh Y-Nôê. Tâm nôk rô̆ păng, Y-Nôê jêng du huê bunuyh sŏng srăng jêh ri mâu geh nau nduyh; păng hăn ndrel ma Brah Ndu.

Nau Ntơm 7:1

Brah Yêhôva lah ma Y-Nôê: “May jêh ri lĕ rnăk may lăp hom tâm kumpăn, yorlah tâm rô̆ aơ Gâp saơ may jêng du huê bunuyh sŏng srăng tanăp măt Gâp.

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

II Nau Rêh Jêng 17:4

ƀiălah joi Brah Ndu phung chô yau păng, djôt prăp lĕ nau vay Păng ntăm, jêh ri mâu ƀư ôh kơt phung Israel.

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Ndrom Samƀŭt bơh Yôp 9:2

“Ơ, gâp gĭt tâm ban pônây. Ƀiălah mâm ƀư kon bunuyh Brah Ndu dơi uănh jêng sŏng srăng?

Nau Mprơ Ơm 119:6

Tơlah gâp gơih mĭn ma lĕ nau vay May ntăm. Pôri gâp mâu mra bêk ôh.

Luka 1:7

Khân păng mâu geh kon, yor H'Êlisabet mâu bă kon jêh ri lĕ bar hê ranh jêh da dê.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Kôranh Oh Mon 2:25

Yorlah Y-Đavit lah jêh ma Păng: ‘Gâp saơ Kôranh Brah gŭ tanăp gâp, Yorlah Păng gŭ mpeh pa ma gâp, yor ri gâp mâu mra mpât n'gơ ôh.

Kôranh Oh Mon 23:1

Y-Pôl uănh thâng ma Mpôl Kôranh Phat Dôih jêh ri lah: “Hơi phung oh nâu, tanăp Brah Ndu, gâp gŭ rêh jêh ma nuih n'hâm sŏng tât ta nar aơ.”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

Kôranh Oh Mon 8:21

May mâu geh du kô̆ mâu lah mâu dơi tâm pă tâm kan aơ, yorlah nuih n'hâm may mâu sŏng ôh tanăp Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:4

gay nau vay dăn nau sŏng srăng dơi ƀư bêng tŏng tâm he, jêng phung mâu rêh tĭng nâm nglay săk, ƀiălah rêh tĭng nâm Brah Huêng Ueh.

I Kôrintô 11:2

Gâp tâm rnê ma khân may yorlah khân may kah gĭt ma gâp tâm lĕ rngôch ndơ, jêh ri răp jăp djôt prăp lĕ nau vay ơm gâp nti jêh ma khân may.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;

Kôlôh 1:22

Ƀiălah aƀaơ Brah Ndu hŏ tâm rnglăp jêh tâm nau khĭt Kon Păng tâm nglay săk, gay ma mpơl khân may tâm nau kloh ueh, mâu geh têl khap, mâu geh nau nduyh tanăp Păng;

I Têsalônik 3:13

tă bơh nĕ Păng ƀư ăn khân may geh nau nâp nuih n'hâm, nau kloh ueh, mâu geh ôh nau nduyh tanăp Brah Ndu, Mbơ̆ he, Brah Yêsu, Kôranh Brah he plơ̆ văch ndrel ma lĕ rngôch phung kloh ueh Păng!

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.