Luka 1:48 - Nau Brah Ndu Ngơi 2023

⁴⁸ Yorlah Păng hŏ uănh yô̆ jêh kon bunuyh jê̆ lê̆ oh mon bu ur Păng. Aơ, ntơm aƀaơ tât kăndơ̆, lĕ rngôch rnôk mra rnê ma gâp jêng bunuyh geh ueh lăng ngăn;

Bunong Bible Latin Script Cambodian dialect

⁴⁸ Yorlah Kôranh Brah hôm kơih gâp i bunuyh ƀon lan dơm kŏp iăt nau Kôranh Brah. Ntơm bơh dja jât năp tay ăp rnôk bunuyh, bu kuăl gâp i bu ur lap ngăn ngên,

Bunong

⁴⁸ យ៝រ​លាស​កោរាញ​ឞ្រាស​ហោម​កើយ្ស​គ៝ប់​អី​ឞូនុយ្ស​ប៝ន​លាន​ទើម​ក៝ប់​អ្យាត់​នាវ​កោរាញ​ឞ្រាស។ នតើម​ឞើស​អ្យា​ជឹត​នាប់​តៃ​អាប់​រានោក​ឞូនុយ្ស ឞូ​ក្វាល់​គ៝ប់​អី​ឞូ​អូរ​លាប​ងាន់​ងេន‌

Luka 1:48 Iomraidhean Croise

Nau Ntơm 30:13

H'Lêa lah: “Maak ngăn gâp! Yorlah phung bu ur mra rnha gâp nơm geh nau ueh uĭn.” Păng tâm amoh kon se nây jêng Y-Aser.

II Samuel 7:8

Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

Nau Mprơ Ơm 102:17

Păng kâp iăt jêh nau phung rêh ni mbơh sơm, Mâu mưch ôh nau khân păng mbơh sơm.

Nau Mprơ Ơm 136:23

Nơm kah gĭt lĕ nau rêh hên hŏt rgănh, Yor nuih n'hâm ueh Păng hôm tât n'ho ro;

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Malachi 3:12

“Lĕ bri dak mra ntơ ma khân may geh nau ueh lăng ngăn, yorlah bri dak khân may jêng du n'gor bri dak dơi răm maak.” Brah Yêhôva ma phung tahan lah pônây.

Luka 1:28

Tông mpăr hăn tât gay tâm mâp păng jêh ri lah: “Hơi bunuyh geh nau yô̆, ueh lăng ay! Kôranh Brah gŭ ndrel ma ay!”

Luka 1:42

păng ngơi huy pô aơ: “Ay yơh geh nau ueh lăng ngăn tâm phung bu ur, kon jê̆ tâm trôm ndŭl ay đŏng dơi geh nau ueh lăng ngăn.

Luka 1:45

Ueh maak yơh ma ay hŏ chroh, yorlah nau Kôranh Brah mbơh jêh ma ay mra dơi tât di ngăn!”

Luka 1:49

Yorlah Nơm Geh Lĕ Nau Brah ƀư jêh lĕ nau kan toyh ma gâp. Amoh Păng jêng kloh ueh,

Luka 11:27

Tâm nôk Brah Yêsu ngơi lĕ nau nây, geh du huê bu ur tă bơh tâm phung bunuyh lah: “Ueh maak yơh ma ndŭl hŏ ntreo Păng jêh ri toh hŏ ăn Kôranh Brah pu!”

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.