Luka 1:32 - Nau Brah Ndu Ngơi 2023

³² Kon bu klâu nây mra dơi yơk, dơi kuăl jêng Kon Nơm Dŭt Prêh, Kôranh Brah jêng Brah Ndu mra ăn ma Păng sưng hađăch Y-Đavit, chô yau Păng.

Bunong Bible Latin Script Cambodian dialect

³² Kon dja geh nau khlay nau dơi hô ngăn ngên, bu kuăl Păng lah: ‘Kon Kôranh Brah i dŭt prêh’, jêh ri Kôranh Brah ăn Kon i nây jêng kađăch ma phung Israel tâm ban ma kađăch Đavid i che Păng kăl e nơh.

Bunong

³² ក៝ន​អ្យា​គែស​នាវ​ខ្លៃ​នាវ​ទើយ​ហោ​ងាន់​ងេន ឞូ​ក្វាល់​ពាង់​លាស៖ «ក៝ន​កោរាញ​ឞ្រាស​អី​ទុត​ព្រេស» ជេសរី​កោរាញ​ឞ្រាស​អ៝ន់​ក៝ន​អី​នៃ​ជេង​កាដាច់​មា​ផូង​អីឆ្រាអែល  ​តឹម​ឞាន​មា​កាដាច់​ដាវីត  ​អី​ចែ​ពាង់​កាល់​អែ​នើស។

Luka 1:32 Iomraidhean Croise

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 132:12

Tơlah phung kon may djôt prăp nau Gâp tâm rnglăp Jêh ri nau Gâp ntĭnh mra nti ma khân păng, Pôri phung kon khân păng Mra gŭ ta sưng hađăch may tât n'ho ro.”

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Yêrêmi 17:25

pôri phung hađăch thoi sưng hađăch Đavit jêh ri phung kôranh mra gŭ ndeh seh, ncho seh, ndrel ma phung kôranh Yuđa jêh ri phung ƀon lan gŭ ta ƀon Yêrusalem mra găn ta lĕ mpông mpêr lăp tâm ƀon; jêh ri ƀon nây mra hôm n'ho ro.

Yêrêmi 22:2

May ngơi hom: ‘Hơi hađăch Yuđa, nơm dôl gŭ ta sưng hađăch Đavit! Hađăch ndrel ma phung oh mon jêh ri phung ƀon lan hađăch jêng phung luh lăp ta mpông ƀon, rkêng hom tôr iăt nau Brah Yêhôva!’

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Mathay 12:42

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Mathay 3:11

Gâp ƀư ƀaptem ma khân may ma dak gay rmal nau tih; ƀiălah Nơm văch pakơi gâp, nau dơi lơn ma gâp, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Markôs 14:61

Ƀiălah Păng gŭ rklăk, mâu plơ̆ lah du nau ôh. Kôranh ƀư brah toyh lơn ôp tay: “May jêng Brah Krist lĕ, Kon Brah Ndu Nơm Khư Bu Tâm Rnê?”

Markôs 5:7

jêh ri kuăl huy: “Ơ Brah Yêsu, Kon Brah Ndu Nơm Dŭt Prêh, moh nau gâp geh đah May? Tâm amoh Brah Ndu gâp vơh vơl ma May lơi ƀư mhĭk ma gâp ôh.”

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 1:76

Hơi kon se jê̆, bu mra kuăl ma may jêng nơm mbơh lor ma Nơm Dŭt Prêh; May mra hăn tanăp Kôranh Brah, nkra trong ma Păng,

Luka 3:16

Yor ri, Y-Yôhan plơ̆ lah ma lĕ rngôch bunuyh: “Gâp ƀư ƀaptem ma khân may ma dak; ƀiălah geh Nơm geh nau dơi lơn ma gâp mra văch, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Luka 6:35

Ƀiălah ăn khân may rŏng phung rlăng khân păng nơm, ƀư hom nau ueh, jêh ri ăn chan hom ƀiălah lơi kâp mplơ̆ tay. Kơt nây, nau nkhôm khân may mra jêng toyh, jêh ri khân may mra jêng kon Nơm Dŭt Prêh, yorlah Păng sŏk nuih n'hâm ueh ma phung mâu gĭt nau yô̆ jêh ri ma phung janh ƀai.

Yôhan 12:34

Phung âk nây lah: “Hên hŏ tăng jêh tâm nau vay lah ma Brah Krist hôm gŭ ƀaƀơ n'ho ro. Mâm ƀư May lah, bu mra yông Kon Bunuyh ta klơ? Lah ndrĭ mbu nơm Kon Bunuyh nây?”

Yôhan 6:69

Hên lĕ chroh jêh ri lĕ gĭt năl Kôranh Brah jêng Nơm Kloh Ueh tă bơh Brah Ndu.”

Kôranh Oh Mon 16:17

Păng hăn tĭng pakơi Y-Pôl jêh ri hên, nter huy: “Phung bunuyh aơ jêng phung oh mon Brah Ndu Dŭt Prêh, nkoch mbơh ma khân may nau tâm rklaih.”

Kôranh Oh Mon 2:30

Ƀiălah păng jêng nơm mbơh lor, gĭt jêh ma Brah Ndu lĕ ton jêh pô aơ Păng mra ăn du huê bunuyh jêng noi deh păng gŭ ta sưng hađăch păng nơm.

Kôranh Oh Mon 2:36

Yor nây, lĕ ngih Israel gĭt hom nanê̆ ma Brah Ndu aơ, Nơm khân may pâng kđĭn jêh klơ si tâm rkăng, Brah Ndu hŏ n'hao jêng Kôranh Brah jêh ri Brah Krist.”

Kôranh Oh Mon 7:48

Ƀiălah Nơm Dŭt Prêh mâu gŭ ôh tâm ngih ƀư ma ti bunuyh, tĭng nâm nau nơm mbơh lor ngơi jêh:

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: