Luka 1:15 - Nau Brah Ndu Ngơi 2023

¹⁵ Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Bunong Bible Latin Script Cambodian dialect

¹⁵ yorlah Kôranh Brah kơp kon i nây khlay hô ngăn ngên. Lơi ôh ăn păng nhêt ndrănh, mâu lah du ntil ndơ nhŭl, du tơ̆ mâu ăn đŏng. Brah Huêng Ueh i kloh ueh gŭ ta păng ntơm bơh ndŭl me ro.

Bunong

¹⁵ យ៝រ​លាស​កោរាញ​ឞ្រាស​កើប​ក៝ន​អី​នៃ​ខ្លៃ​ហោ​ងាន់​ងេន។ លើយ​អោស​អ៝ន់​ពាង់​ញេត​នទ្រាញ់ មោ​លាស​ទូ​នតីល​នទើ​ញុល ទូ​តឹ​មោ​អ៝ន់​ដ៝ង់។ ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​នតើម​ឞើស​នទុល​មែ​រ៝។

Luka 1:15 Iomraidhean Croise

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 48:19

Ƀiălah mbơ̆ păng dun jêh ri lah: “Hơi kon, mbơ̆ gĭt rah vah ngăn. Y-Manasê mra dơi jêng du phung ƀon lan jêh ri păng mra jêng toyh đŏng. Ƀiălah oh păng mra jêng toyh lơn ma păng jêh ri noi deh oh păng mra dơi jêng âk mpôl băl bunuyh.”

I Nau Rêh Jêng 17:8

Ăp ntŭk may hăn, Gâp gŭ ndrel ma may, ƀư rai lĕ rngôch phung rlăng may tanăp măt may; Gâp mra ăn may lư n'găr nâm bu amoh phung toyh ta neh ntu.

I Nau Rêh Jêng 29:12

Nđâp nau ndrŏng kuăng jêh ri nau chrêk rmah luh bơh Kôranh Brah. May chiă uănh ta klơ lĕ rngôch, nau brah jêh ri nau ktang gŭ tâm ti May. Ti May ăn nau yơk jêh ri nau ktang n'hâm suan ma lĕ rngôch bunuyh.

Nau Mprơ Ơm 22:9

Di yơh, May ngluh jêh gâp tă bơh ndŭl me; Ƀư gâp rnơm nsing dôl gŭ ta ntang ntơh me gâp.

Yêrêmi 1:5

“Êlor rhăk njêng may tâm trôm ndŭl mê̆, Gâp hŏ gĭt jêh may, Êlor may deh, Gâp hŏ prăp êng may; Gâp hŏ ndâk may ƀư nơm mbơh lor ma lĕ bri dak.”

Yêrêmi 35:6

Ƀiălah khân păng plơ̆ lah: “Hên mâu mra nhêt ôh ndrănh, yorlah chô yau hên jêng Y-Jêhônadap, kon bu klâu Y-Rêkap hŏ ntĭnh jêh ma hên pô aơ: ‘Khân may jêh ri kon sau khân may lơi ta nhêt ôh ndrănh,

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Luka 1:14

Kon bu klâu nây mra ƀư ma may răm maak hâu ngăn, jêh ri âk bunuyh mra hâk răm ngăn nôk deh kon se jê̆ nây.

Luka 7:28

Gâp lah ma khân may, tâm phung bunuyh deh tă bơh bu ur, mâu geh nơm toyh lơn ma Y-Yôhan-Ƀaptist ôh; ƀiălah nơm jê̆ lơn tâm ƀon bri hađăch Brah Ndu jêng toyh lơn ma păng.”

Luka 7:33

Yorlah Y-Yôhan-Ƀaptist văch jêh, mâu sa piăng let, mâu nhêt ndrănh, khân may lah: ‘Păng geh brah mhĭk lơh.’

Yôhan 5:35

Y-Yôhan jêng ŭnh kađen mpoh hit ang, bi khân may ŭch geh nau maak ƀât lât tâm nau ang păng.

Kôranh Oh Mon 2:4

Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Yôsuê 3:7

Brah Yêhôva lah ma Y-Yôsuê: “Nar aơ Gâp mra ntơm ƀư ma may geh nau yơk tanăp măt lĕ rngôch bunuyh ƀon lan Israel, gay ma khân păng dơi gĭt Gâp mra gŭ ndrel ma may tâm ban Gâp hŏ gŭ jêh ndrel ma Y-Môis.

Yôsuê 4:14

Tâm nar nây, Brah Yêhôva ƀư ma Y-Yôsuê geh nau yơk tanăp măt lĕ rngôch phung ƀon lan Israel; khân păng yơk ma păng tâm lĕ nar păng gŭ rêh tâm ban ma khân păng hŏ yơk ma Y-Môis.