Kôlôh 4:3 - Nau Brah Ndu Ngơi 2023

³ Mbơh sơm hom ma hên ƀă, dăn Brah Ndu pơk mpông ma hên mbơh nkoch nau ngơi Păng, mbơh nau khlay ndâp Brah Krist yor nau khlay ndâp nây bu nkông gâp ma rse rvăk.

Bunong Bible Latin Script Cambodian dialect

³ Dăn kơl mbơh sơm ăn hên ƀă, gay ma Kôranh Brah pơk trong ăn hên mbơh nkoch nau Kôranh Brah, mbơh nkoch nau Brah Krist i a lor nơh bunuyh mâu ôh gĭt. Yor ma mbơh nkoch nau i nây dâng gâp gŭ ta trôm ndrung dja.

Bunong

³ ទាន់​កើល​មឞើស​ឆើម​អ៝ន់​ហេន​បាៈ គៃ​មា​កោរាញ​ឞ្រាស​ពើក​ត្រ៝ង​អ៝ន់​ហេន​មឞើស​ងក៝ច​នាវ​កោរាញ​ឞ្រាស មឞើស​ងក៝ច​នាវ​ឞ្រាស​ក្រីស  ​អី​អា​ល៝រ​នើស​ឞូនុយ្ស​មោ​អោស​គឹត។ យ៝រ​មា​មឞើស​ងក៝ច​នាវ​អី​នៃ​ទឹង​គ៝ប់​គុ​តា​ត្រោម​នទ្រូង​អ្យា។

Kôlôh 4:3 Iomraidhean Croise

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

I Kôrintô 16:9

yorlah du mpông pêr huy toyh jêh ri ton pơk jêh ma gâp, nđâp tơlah ta nây ăt hôm âk nau tâm rdâng.

I Kôrintô 4:1

Pôri, ăn lĕ rngôch bunuyh uănh ma hên nâm bu phung oh mon Brah Krist, phung mât uănh lĕ nau khlay ndâp bơh Brah Ndu.

II Kôrintô 2:12

Tơlah gâp tât ta ƀon Trôas gay mbơh nkoch Nau Mhe Mhan Ueh Brah Krist, nđâp tơlah Kôranh Brah pơk mpông jêh ma gâp ta nây,

Êphêsô 3:1

Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Êphêsô 3:3

jêh ri Păng hŏ tâm mpơl jêh ma gâp gĭt rbăng mâm nau khlay ndâp, tâm ban gâp hŏ nchih gleh ma khân may.

Êphêsô 3:4

Dôl rŏ tât nau nây, khân may klăp lah dơi gĭt nau gâp gĭt rbăng ma nau khlay ndâp tâm Brah Krist,

Êphêsô 3:9

jêh ri mpơl ma lĕ rngôch bunuyh saơ nau dăp ndâp hŏ pôn tâm lĕ rngôch rnôk rô̆ tâm Brah Ndu, Nơm rhăk njêng lĕ rngôch ndơ.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Philip 1:19

Yorlah gâp gĭt tă bơh nau khân may mbơh sơm jêh ri tă bơh Brah Huêng Ueh Brah Yêsu Krist kơl, nau nây mra djôt tay nau tâm rklaih ma gâp.

Philip 1:7

Gâp mĭn ma lĕ rngôch khân may kơt nĕ jêng di ngăn, yorlah khân may gŭ tâm nuih n'hâm gâp. Nđâp tơlah bu hôm nkông ma rse rvăk, mâu lah tâm nau n'gang jêh ri nau koh dŏng ma Nau Mhe Mhan Ueh, khân may geh kô̆ tâm nau yô̆ hŏ ăn ma gâp.

Kôlôh 1:26

nâm bu ntĭt nau khlay ndâp nây, pôn jêh tâm lĕ rngôch rnôk rô̆ ƀiălah aƀaơ tâm mpơl jêh ma phung kloh ueh Păng.

Kôlôh 4:18

Ti gâp yơh, Y-Pôl, nchih nau mbah jô̆ khâl aơ. Kah gĭt hom ma rse rvăk gâp. Dăn nau yô̆ gŭ ndrel ma khân may.

I Têsalônik 5:25

Hơi phung oh nâu, dăn mbơh sơm ma hên ƀă.

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

ផីលេមោន 1:22

Tâm ban lĕ, ndrăp hom du ntŭk gŭ ma gâp, yorlah gâp kâp gân yor nau khân may mbơh sơm, gâp mra plơ̆ sĭt ma khân may.