Kôlôh 3:25 - Nau Brah Ndu Ngơi 2023

²⁵ Mbu ƀư nau mâu di mra dơn nau plơng tĭng nâm nau mâu di păng hŏ ƀư jêh, mâu gŭ du ding ôh.

Bunong Bible Latin Script Cambodian dialect

²⁵ Bu moh jan tih, Kôranh Brah mra plơng ma ndơ tih păng jan, Kôranh Brah mâu ôh kơih bunuyh.

Bunong

²⁵ ឞូ​ម៝ស​ជាន​តីស កោរាញ​ឞ្រាស​មរា​ព្លើង​មា​នទើ​តីស​ពាង់​ជាន កោរាញ​ឞ្រាស​មោ​អោស​កើយ្ស​ឞូនុយ្ស។

Kôlôh 3:25 Iomraidhean Croise

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

II Nau Rêh Jêng 19:7

Pôri aƀaơ ăn khân may geh nau yơk klach ma Brah Yêhôva, njrăng hom moh nau khân may ƀư, yorlah Yêhôva Brah Ndu he, mâu dơn nau mâu di, gŭ mpeh du ding, mâu lah dơn ndơ bu blŏl.”

Ndrom Samƀŭt bơh Yôp 34:19

N'hơn lah Nơm mâu gŭ nding mpeh ma phung kôranh, Mâu lĕ uănh khlay ma phung ndrŏng âk lơn ma đah phung o ach, Yorlah lĕ rngôch bơh ti Păng rhăk njêng da dê.

Ndrom Samƀŭt bơh Yôp 37:24

Yor nau nây yơh kon bunuyh klach yơk ma Păng, Păng mâu treng uănh ôh phung mĭn ma păng nơm geh nau blau mĭn.”

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Luka 20:21

Phung bunuyh nây ôp ma Brah Yêsu: “Hơi Nơm Nti, hên gĭt May ngơi jêh ri nti di ngăn, mâu gŭ ding mpeh ma mbu, ƀiălah nti trong Brah Ndu ma nau di.

Kôranh Oh Mon 10:34

Y-Pêtrôs ntơm ngơi: “Nanê̆, gâp gĭt năl ma Brah Ndu mâu gŭ du ding ôh,

Samƀŭt Pôl Njuăl Ăn Ma Phung Nsing Ta Ƀon Rôm 2:11

Yorlah Brah Ndu mâu gŭ du ding ma bu ôh.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Êphêsô 6:8

yorlah khân may gĭt jêh geh tơ̆ jêng dĭk, geh tơ̆ jêng kon me, ăp nơm mra geh nau nkhôm bơh Kôranh Brah tĭng nâm nau ueh păng ƀư jêh.

Êphêsô 6:9

Hơi phung kôranh, ăn khân may ƀư tâm ban lĕ đah khân păng, jêh ri lơi thăm rmat ma khân păng ôh. Khân may gĭt jêh khân may nơm jêh ri khân păng geh du huê kôranh ndrel tâm trôk, jêh ri Păng mâu gŭ du ding ma bu ôh.

Nau Vay Nkah Tay 1:17

Lơi ôh gŭ nding tâm nau phat dôih: gŭ iăt hom nau nơm jê̆ tâm ban nơm toyh đŏng. Lơi klach ôh ma muh măt bunuyh, yorlah nau phat dôih jêng kan Brah Ndu. Nkhêp mâp ma nau dôih jêr ir ma khân may, ăn khân may mbơh ma gâp, gâp mra iăt nau nây.’

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Kôlôh 4:1

Hơi phung kôranh, ƀư hom nau sŏng jêh ri nau di ma phung dĭk khân may, yorlah khân may gĭt jêh khân may geh du huê Kôranh ta klơ trôk.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.

II Têsalônik 1:6

Tĭng nau sŏng Brah Ndu, nanê̆ Păng mra sŏk nau rêh ni har plơng ma phung ƀư rêh ni ma khân may;

ផីលេមោន 1:18

Tơlah bunuyh aơ ƀư nau mhĭk ma may, mâu lah iang rnon ma may, may ăt kơp ma gâp.

ហេឞ្រើ 2:2

Yorlah tơlah nau ngơi tông mpăr mbơh nkoch jêng nau nanê̆, jêh ri lĕ nau ƀư tih mâu lah nau mâu tông bâr geh jêh nau plơng bôk di ngăn,

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.