Kôlôh 3:22 - Nau Brah Ndu Ngơi 2023

²² Hơi phung ƀư dĭk bu, tông bâr hom ma kôranh khân may ta neh ntu aơ tâm lĕ rngôch ndơ, mâu knŏng tông bâr tra năp măt khân păng, nâm bu nơm srôih ƀư maak nuih n'hâm bu, ƀiălah yor klach yơk ma Kôranh Brah, tông bâr ndrel ma nuih n'hâm nanê̆.

Bunong Bible Latin Script Cambodian dialect

²² Ơ khân ay may i jêng dâk bu, iăt hŏm kôranh khân ay may nơm ta neh ntu dja ma dâng lĕ ndơ i khân ay may jan. Mâu ôh di jan kơt nây nôk kôranh say gay ma ăn păng rnê dơm, ăn khân ay may jan ma lĕ nuih n'hâm, yorlah khân ay may klach yơk ma Kôranh Yêsu.

Bunong

²² អើ​ខាន់​អៃ​មៃ​អី​ជេង​ទឹក​ឞូ អ្យាត់​ហ៝ម់​កោរាញ​ខាន់​អៃ​មៃ​នើម​តា​នែស​នតូ​អ្យា​មា​ទឹង​លែៈ​នទើ​អី​ខាន់​អៃ​មៃ​ជាន។ មោ​អោស​ទី​ជាន​កើត​នៃ​នោក​កោរាញ​ឆៃ​គៃ​មា​អ៝ន់​ពាង់​រានេ​ទើម អ៝ន់​ខាន់​អៃ​មៃ​ជាន​មា​លែៈ​នូយ្ស​នហ៝ម់ យ៝រ​លាស​ខាន់​អៃ​មៃ​ក្លាច​យើក​មា​កោរាញ​យេឆូ  ។

Kôlôh 3:22 Iomraidhean Croise

Nau Ntơm 42:18

Tât nar tal pe, Y-Yôsep lah ma khân păng: “Yorlah gâp klach yơk ma Brah Ndu, lah khân may ŭch rêh ăn khân may ƀư hom kơt aơ.

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nêhêmi 5:9

Gâp lah tay: “Nau khân may ƀư mâu geh ueh ôh. Di lah khân may gŭ tâm nau klach yơk ma Brah Ndu, gay lơi ăn phung rlăng ƀư bêk prêng he?

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 5:7

Ta ntŭk geh âk ir nau mbơi, ta nây geh âk nau dơm dam jêh ri âk nau ngơi. Pôri, klach yơk hom ma Brah Ndu.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Mathay 6:22

“Măt jêng kađen ma săk jăn. Tơlah măt may ueh lĕ săk jăn may mra bêng nau ang,

Mathay 8:9

Yorlah gâp nơm gŭ tâm dâng nau dơi bunuyh êng, gâp geh đŏng phung tahan tâm dâng gâp; gâp lah ma du huê aơ: ‘Hăn hom!’ păng hăn ro; lah ma du huê êng: ‘Văch hom!’ păng văch ro; jêh ri lah ma oh mon gâp: ‘Ƀư nau aơ!’ păng ƀư ro.”

Luka 6:46

Mâm ƀư khân may kuăl Gâp: ‘Kôranh Brah, Kôranh Brah!’ ƀiălah mâu ƀư tĭng nâm nau Gâp lah?

Luka 7:8

Yorlah gâp nơm gŭ tâm dâng nau dơi bunuyh êng, gâp geh đŏng phung tahan tâm dâng gâp. Gâp lah ma du huê aơ: ‘Hăn hom!’ păng hăn ro; lah ma du huê êng: ‘Văch hom!’ păng văch ro; jêh ri lah ma oh mon gâp: ‘Ƀư nau aơ!’ păng ƀư ro.”

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Kôlôh 3:20

Hơi phung kon, tông hom ma mê̆ mbơ̆ khân may nơm tâm lĕ ntil nau, yorlah nau aơ ueh nuih n'hâm Kôranh Brah.

I Têsalônik 2:4

Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.

ផីលេមោន 1:16

mâu di nâm bu du huê dĭk dơm, ƀiălah rlau lơn ma du huê dĭk, jêng du huê oh nâu he rŏng ngăn ngên. Đah gâp, bunuyh aơ khlay rŏng ngăn ngên, ƀiălah đah ma may, hô lơ rŏng rlau lơn, nđâp ma tâm nglay săk jêh ri tâm Kôranh Brah.