Kôlôh 3:11 - Nau Brah Ndu Ngơi 2023

¹¹ Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

Bunong Bible Latin Script Cambodian dialect

¹¹ Mâu hôm geh ôh phung i mâu di phung Israel, mâu lah phung Israel đŏng, phung i lĕ koh ntô, mâu lah phung i mâu koh ntô đŏng, phung bunuyh bri, mâu lah phung bu năch êng đŏng, phung dâk bu, mâu lah phung kon me đŏng, yorlah Brah Krist dơm geh nau khlay, Păng gŭ ndrel dâng lĕ bân.

Bunong

¹¹ មោ​ហោម​គែស​អោស​ផូង​អី​មោ​ទី​ផូង​អីឆ្រាអែល  មោ​លាស​ផូង​អីឆ្រាអែល  ​ដ៝ង់ ផូង​អី​លែៈ​ក៝ស​នតោ មោ​លាស​ផូង​អី​មោ​ក៝ស​នតោ​ដ៝ង់ ផូង​ឞូនុយ្ស​ឞ្រី មោ​លាស​ផូង​ឞូ​នាច់​អេង​ដ៝ង់ ផូង​ទឹក​ឞូ មោ​លាស​ផូង​ក៝ន​មែ​ដ៝ង់ យ៝រ​លាស​ឞ្រាស​ក្រីស  ​ទើម​គែស​នាវ​ខ្លៃ ពាង់​គុ​នទ្រែល​ទឹង​លែៈ​ឞ៝ន់។

Kôlôh 3:11 Iomraidhean Croise

Nau Mprơ Ơm 117:2

Yorlah nuih n'hâm ueh Păng đah he jêng toyh ngăn, Jêh ri nau răp jăp Brah Yêhôva hôm gŭ ƀaƀơ! Halêluya!

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Êsêkiêl 47:22

Ăn khân may mra nchroh gay tâm pă drăp ndơn ăn ma khân may nơm jêh ri phung bu năch gŭ ta nklang khân may jêh ri deh kon sau ta nklang khân may. Khân may uănh khân păng nâm bu phung ƀon lan deh jêh ri văch ma toyh tâm bri Israel; khân may ăt dơi tâm pă drăp ndơn ta nklang phung mpôl băl Israel.

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Amôt 9:12

Gay ma khân păng pit in lơi phung hôm klen tâm Êđôm Jêh ri lĕ rngôch bri dak dơi kuăl tâm amoh Gâp.” Brah Yêhôva lah; Păng yơh mra ƀư lôch lĕ ntil nau aơ.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Kôranh Oh Mon 15:17

Gay ma phung bunuyh hôm e, Jêh ri lĕ rngôch phung bu năch dơi kuăl tâm amoh Gâp, joi Kôranh Brah da dê. Kôranh Brah jêng Nơm hŏ ƀư lĕ nau nây, Păng lah tâm ban pônây.

Kôranh Oh Mon 28:2

Phung bunuyh gŭ ta bri nây rom hên ma nau ueh. Yorlah trôk ntơm mih jêh ri ji kăt, khân păng sŭnh ŭnh ăn hên njâr jêh ri vơt rom lĕ rngôch hên.

Kôranh Oh Mon 28:4

Tơlah phung ƀon tơm nây saơ bêh krêp ta ti Y-Pôl, khân păng tâm lah drăng nơm pô aơ: “Nanê̆ nơm nây jêng du huê nkhĭt bunuyh! Pôri klaih jêh tă bơh dak mƀŭt kđôi lĕ nau di mâu ăn păng gŭ rêh ôh!”

Samƀŭt Pôl Njuăl Ăn Ma Phung Nsing Ta Ƀon Rôm 1:14

Gâp iang rnon lĕ phung Grek nđâp ma phung bri, lĕ phung gĭt blau nđâp ma phung rluk mâl.

Samƀŭt Pôl Njuăl Ăn Ma Phung Nsing Ta Ƀon Rôm 10:12

Mâu geh kơp rnglah êng ta nklang phung Yuđa jêh ri phung Grek, yorlah nsum ndrel nguay Kôranh Brah jêng Kôranh Brah ma lĕ rngôch bunuyh, Nơm ăn nau yô̆ âk rmeh ma lĕ rngôch bunuyh kuăl Păng.

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

Samƀŭt Pôl Njuăl Ăn Ma Phung Nsing Ta Ƀon Rôm 3:29

Mâu lah Brah Ndu knŏng jêng Brah Ndu ma phung Yuđa dơm? Mâu di hĕ Păng jêng Brah Ndu ma phung bu năch tâm ban lĕ? Di ngăn, Păng ăt jêng Brah Ndu phung bu năch lĕ;

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

I Kôrintô 14:11

Lah ndrĭ, tơlah gâp mâu gĭt rbăng rblang nau ngơi nây, pôri bunuyh ngơi nau nây mra uănh gâp jêng du huê bu năch, jêh ri gâp uănh đŏng khân păng jêng du huê bu năch.

I Kôrintô 7:19

Nau koh ntâu mâu lah mâu geh koh ntâu mâu geh nau khlay ôh; nau khlay jêng djôt prăp lĕ nau vay ntăm bơh Brah Ndu.

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 1:23

Phung Ngih Brah Ndu jêng săk jăn Păng, jêng nau bêng ler tă bơh Nơm ƀư rĭng lĕ ntil ndơ tâm lĕ rngôch.

Êphêsô 2:14

Yor Păng jêng nau đăp mpăn he, Păng yơh tâm rnglăp lĕ bar mpôl jêng nguay, ƀư rlâm jêh mpêr nkhah king he.

Êphêsô 2:15

Bơh săk jăn Păng nơm, Păng hŏ chalơi nau vay ndrel ma nau vay ntăm jêh ri nau ntrŭnh, gay bơh bar mpôl, Păng rhăk njêng jêng du kon bunuyh mhe tâm Păng nơm, kơt nây nau đăp mpăn dơi jêng;

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Êphêsô 3:6

Nau khlay ndâp nây pô aơ: Yor Nau Mhe Mhan Ueh phung bu năch plơ̆ jêng phung ndơn drăp, lĕ kô̆ săk jăn tâm du nglay săk, jêh ri phung bunuyh tâm pă ndrel ma nau ton tâm Brah Yêsu Krist.

Êphêsô 6:8

yorlah khân may gĭt jêh geh tơ̆ jêng dĭk, geh tơ̆ jêng kon me, ăp nơm mra geh nau nkhôm bơh Kôranh Brah tĭng nâm nau ueh păng ƀư jêh.

Kôlôh 2:10

pô ri khân may geh bêng nŭm tâm Păng, Nơm jêng kôranh lĕ rngôch nau chiă uănh jêh ri nau dơi toyh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

II Yôhan 1:9

Mbu nơm hăn ngai ir jêh ri mâu gŭ nâp tâm nau nti bơh Brah Krist mâu geh Brah Ndu ôh. Ƀiălah mbu nơm gŭ nâp tâm nau nti aơ, geh Brah Ndu Mbơ̆ jêh ri Brah Ndu Kon.