Kôlôh 2:5 - Nau Brah Ndu Ngơi 2023

⁵ Nđâp lah săk jăn gâp ngai bơh khân may, ƀiălah huêng gâp ăt hôm gŭ ndrel ma khân may, gâp maak ngăn saơ oh nâu geh nau gŭ rêh tâm rnglăp jêh ri nau chroh khân may nâp tâm Brah Krist.

Bunong Bible Latin Script Cambodian dialect

⁵ Bol lah săk gâp gŭ ngai bơh khân ay may kađôi, yơn ma nuih n'hâm gâp hôm gŭ ndrel khân ay may, jêh ri gâp răm maak ngăn tăng khân ay may gŭ rêh ueh, ndrel ma geh nau nsing nâp ta Brah Krist kơt nây.

Bunong

⁵ ឞ៝ល​លាស​ឆាក់​គ៝ប់​គុ​ងាយ​ឞើស​ខាន់​អៃ​មៃ​កាដោយ យើន​មា​នូយ្ស​នហ៝ម់​គ៝ប់​ហោម​គុ​នទ្រែល​ខាន់​អៃ​មៃ ជេសរី​គ៝ប់​រាម់​មអាក​ងាន់​តាង់​ខាន់​អៃ​មៃ​គុ​រេស​អ្វែស នទ្រែល​មា​គែស​នាវ​ញឆីង​ន៝ប់​តា​ឞ្រាស​ក្រីស  ​កើត​នៃ។

Kôlôh 2:5 Iomraidhean Croise

II Nau Rêh Jêng 29:35

Rlau ma rnoh ndơ ƀư brah gŭch âk ngăn, bi ngi ndơ ƀư brah ma nau đăp mpăn, jêh ri geh ndơ nhhơr nhêt ndrel ma mpa nhhơr gŭch. Pôri, nau yơk mbah tâm ngih Brah Yêhôva bu hŏ ndâk njêng tay jêh.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Nau Kơp Bunuyh 7:11

Brah Yêhôva lah ma Y-Môis: “Phung kôranh tâm tơh du nar du huê, djôt leo ndơ gay nhhơr nơng ƀư brah.”

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

I Kôrintô 11:34

Tơlah du huê ji ngot, ăn păng sông sa, ta ngih păng nơm, klach lah khân may tâm rƀŭn jêh ri sŏk dơn nau phat dôih. Gâp mra nkra nau êng tơlah gâp tât.

I Kôrintô 14:40

Ƀiălah ăn ƀư lĕ ntil ndơ tâm di jêh ri ma nau di.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Kôlôh 2:1

N'hêl nanê̆ ngăn, gâp ŭch khân may gĭt gâp hŏ yor ma khân may, yor phung ta ƀon Laođisê jêh ri yor lĕ phung ê hŏ saơ muh măt gâp tâm săk jăn hŏ tâm lơh jêr jŏk,

I Têsalônik 2:17

Hơi phung oh nâu, bi hên, nđâp lah ngai ƀah đah khân may ƀât lât, ngai muh măt, ƀiălah mâu di ôh tâm bah nuih n'hâm, hên ŭch nđơr ngăn tâm mâp đah khân may,

I Têsalônik 3:8

Yorlah aƀaơ aơ hên gŭ rêh yor khân may gŭ nâp tâm Kôranh Brah.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 6:19

He djôt prăp nau kâp gân nây nâm bu glo loih nkân ma huêng, dơi nâp, nanê̆ ngăn jêh ri lăp tâm trôm bok nching,

I Pêtrôs 5:9

Gŭ nâp hom tâm nau chroh gay tâm rdâng đah păng, yorlah khân may gĭt jêh ma phung oh nâu geh ndrel nau rnơm tâm lam neh ntu dôl geh nau rêh ni tâm ban khân may nơm đŏng.

Bu ur Rut 1:18

H'Naômi saơ păng ŭch hăn tĭng ngăn pôri păng mâu hôm ngơi ôh.