Kôlôh 2:19 - Nau Brah Ndu Ngơi 2023

¹⁹ Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

Bunong Bible Latin Script Cambodian dialect

¹⁹ Khân păng i nây mâu ôh gŭ ndrel Brah Krist i tâm ban ma bôk ma phung nsing, bôk i nây i mât du mlŏm săk ăn geh n'hâm suan nting nđăng brăt suan dâng lĕ lơ ma kuŏng tâng ma Kôranh Brah nơm ăn.

Bunong

¹⁹ ខាន់​ពាង់​អី​នៃ​មោ​អោស​គុ​នទ្រែល​ឞ្រាស​ក្រីស  ​អី​តឹម​ឞាន​មា​ឞោក​មា​ផូង​ញឆីង ឞោក​អី​នៃ​អី​ម៝ត់​ទូ​មល៝ម់​ឆាក់​អ៝ន់​គែស​នហ៝ម់​ឆ្វាន​នតីង​នអាង់​ឞ្រាត់​ឆ្វាន​ទឹង​លែៈ​លើ​មា​ក្វ៝ង់​តឹង​មា​កោរាញ​ឞ្រាស​នើម​អ៝ន់។

Kôlôh 2:19 Iomraidhean Croise

Luka 5:38

Ƀiălah bu nkhŭt ndrănh mhe tâm nông ntâu mhe.

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 11:17

Ƀiălah tơlah geh n'gĭng ƀaƀă bu koh lơi, jêh ri may ơm jêng du tơm ôlive bri tâm ndop lĭr ta ntŭk lĕ n'gĭng nây gay ma dơi tâm pă dak rêh bơh reh tơm ôlive

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

I Kôrintô 11:3

Ƀiălah, gâp ŭch ăn khân may gĭt pô aơ: Brah Krist jêng bôk ma bu klâu, bu klâu jêng bôk ma bu ur, jêh ri Brah Ndu jêng bôk ma Brah Krist.

I Kôrintô 3:6

Gâp tăm jêh, Y-Apôlôs djrah dak jêh, ƀiălah Brah Ndu hŏ ƀư văch ma toyh jêh.

Êphêsô 1:22

Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.

Êphêsô 1:23

Phung Ngih Brah Ndu jêng săk jăn Păng, jêng nau bêng ler tă bơh Nơm ƀư rĭng lĕ ntil ndơ tâm lĕ rngôch.

Êphêsô 2:21

Tâm Păng, lĕ kô̆ ta ngih tâm rnglăp ndrel, jêh ri jêng du mlâm ngih kloh ueh tâm Kôranh Brah.

Êphêsô 4:3

Srôih prăp nau tâm rnglăp tâm Brah Huêng Ueh ma rse nau đăp mpăn.

Êphêsô 5:29

Yorlah mâu mâp geh ôh du huê bunuyh tâm rmot êng ma săk păng nơm, ƀiălah mât siăm, mât mray păng tâm ban ma Brah Krist đah Phung Ngih Brah Ndu,

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

Kôlôh 1:18

Păng jêng bôk ma săk jăn, nâm bu ntĭt Phung Ngih Brah Ndu. Păng jêng nau ntơm, jêng Nơm deh lor lơn bơh phung khĭt, gay tâm lĕ rngôch ndơ Păng jêng kôranh toyh da dê.

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

I Têsalônik 3:12

Dăn Kôranh Brah ƀư ăn ma khân may lơ hô hao lơn jêh ri bêng ma nau rŏng ndrăng nơm, jêh ri ma lĕ rngôch bunuyh, nâm bu hên rŏng jêh ma khân may,

I Têsalônik 4:10

nanê̆ ngăn khân may dôl ƀư kơt nây đŏng ma lĕ rngôch phung oh nâu lam tâm n'gor Masêđôn. Ƀiălah hơi oh nâu, hên nti nkah ma khân may lơ hô tâm rŏng lơn đŏng.

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.