Kôlôh 2:16 - Nau Brah Ndu Ngơi 2023

¹⁶ Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

Bunong Bible Latin Script Cambodian dialect

¹⁶ Lah ndri lơi ôh iăt lah bu jưch khân ay may ma ndơ sông sa, ma ndơ nhêt, mâu lah ma nau nhêt ƀŭn êng êng, nau lăp khay, nau nar Saƀăt i nar rlu phung Israel.

Bunong

¹⁶ លាស​នទ្រី​លើយ​អោស​អ្យាត់​លាស​ឞូ​ជឺច​ខាន់​អៃ​មៃ​មា​នទើ​ឆោង​ឆា មា​នទើ​ញេត មោ​លាស​មា​នាវ​ញេត​បុន​អេងៗ នាវ​លាប់​ខៃ នាវ​នារ​ឆាបាត់  ​អី​នារ​រាលូ​ផូង​អីឆ្រាអែល  ។

Kôlôh 2:16 Iomraidhean Croise

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

I Nau Rêh Jêng 23:31

Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

II Nau Rêh Jêng 31:3

Hađăch sŏk đŏng du kô̆ ndơ păng nơm ƀư ndơ ƀư brah gŭch ma ôi jêh ri mhaơ, jêh ri ndơ ƀư brah gŭch tâm nar Saƀat, ma nar khay mhe jêh ri lĕ nar rƀŭn hŏ tâm nal jêh tĭng nâm bu nchih jêh tâm ndrom samƀŭt nau vay Brah Yêhôva.

Nêhêmi 10:31

Tơlah phung ƀon lan gŭ tâm n'gor nây djôt leo drăp ndơ mâu lah ndơ sông sa tăch tâm nar saƀat mâu lah nar kloh ueh, hên mâu mra rvăt ôh. Tât năm tal pơh, hên mra rlu pah kan mir jêh ri jut lơi lĕ rngôch ntil rnon.

Nêhêmi 10:33

piăng let nhhơr, ndơ ƀư brah rnih môi ƀaƀơ, ndơ ƀư brah gŭch nhhơr ƀaƀơ, ndơ ƀư brah nhhơr tâm nar saƀat, tâm nar tal nguay jêh ri lĕ nau rƀŭn, nau rƀŭn nhhơr kloh ueh, jêh ri ndơ ƀư brah chuai nau tih ma phung Israel jêh ri lĕ rngôch nau kan tâm ngih Brah Ndu hên.

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Êsai 1:13

Lơi hôm njŭn ôh ndơ ƀư brah rnih môi mâu khlay! Gâp tâm rmot ma ndơ ƀâu kah, Ma nau rƀŭn khay mhe luh, ma nar saƀat jêh ri ma lĕ nau tâm rƀŭn toyh. Gâp mâu hôm dơi dơn ôh nau ƀư tih ƀaƀơ jêh ri lŏ hăn nau tâm rƀŭn yơk.

Êsêkiêl 4:14

Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Êsêkiêl 45:17

Ƀiălah hađăch djôt prăp ndrăp nkra lĕ ndơ ƀư brah gŭch, ndơ ƀư brah rnih môi jêh ri ndơ nhhơr nhêt tâm lĕ nar tâm rƀŭn, nar luh khay mhe, nar saƀat ndrel ma lĕ rngôch nar rƀŭn tâm ngih Israel. Hađăch mra nhhơr ndơ ƀư brah chuai nau tih, ndơ ƀư brah rnih môi, ndơ ƀư brah gŭch jêh ri ndơ ƀư brah ma nau đăp mpăn gay chuai nau tih ăn ma ngih Israel.”

Kan Lêvi 16:31

Nây mra jêng nar saƀat gay ma khân may rlu jêh ri ntrŭnh khân may nơm tâm nau đăp mpăn. Nây jêng nau vay dăp n'ho ro.

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Nau Kơp Bunuyh 10:10

Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Mathay 15:11

Mâu di ndơ lăp tâm trôm mbung ôh ƀư ƀơ̆ bunuyh; ƀiălah ndơ luh tă bơh mbung, ndơ nây yơh ƀư ƀơ̆ bunuyh.”

Markôs 7:19

Yorlah ndơ nây mâu lăp tâm nuih n'hâm bunuyh ôh, ƀiălah tâm trôm ndŭl, jêh ri luh padih ta ntŭk ndâp.” Kơt nây, Păng ŭch lah ma lĕ ndơ sa jêng kloh rsang.

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Samƀŭt Pôl Njuăl Ăn Ma Phung Nsing Ta Ƀon Rôm 14:10

Ƀiălah may, mâm ƀư may phat dôih oh nâu may? Mâu lah mâm ƀư may rmot ma oh nâu may? Yorlah lĕ rngôch he mra gŭ tanăp ta ntŭk ngih phat dôih Brah Ndu.

Galati 4:10

Khân may hôm djôt nar, djôt khay, djôt yan, djôt năm!

Kôlôh 2:20

Tơlah khân may khĭt jêh ndrel Brah Krist, klaih bơh lĕ huêng brah ta neh ntu, mâm ƀư khân may ăt hôm rêh tâm ban khân may hôm jêng ndơ neh ntu? Mâm ƀư hôm tông lĕ nau vay:

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

I Samuel 20:18

Y-Jônathan lah tay: “Ôi taơ jêng nar rƀŭn khay mhe, bu mra gĭt may ndŭt măt, yorlah rnơl may gŭ mra nsoih.

I Samuel 20:5

Y-Đavit plơ̆ sĭt lah ma Y-Jônathan: “Aơ, ôi taơ jêng nar rƀŭn khay mhe, gâp gŭ sông sa n'hanh du sưng ndrel hađăch. Ƀiălah dăn ma gâp du krap tâm mir ăn tât kêng măng nar tal pe.