Kôlôh 1:16 - Nau Brah Ndu Ngơi 2023

¹⁶ Yorlah tâm Păng lĕ rngôch ndơ klơ trôk, tâm neh ntu, ndơ saơ mâu lah ndơ mâu saơ dơi rhăk njêng da dê. Mâu lah sưng hađăch, mâu lah nau chiă uănh, mâu lah phung kôranh chiă uănh, mâu lah kôranh toyh, lĕ rngôch yor Păng njêng da dê jêh, jêh ri prăp ma Păng lĕ.

Bunong Bible Latin Script Cambodian dialect

¹⁶ Ta Brah Krist geh rhăk njêng dâng lĕ ndơ ta kalơ trôk ndơ ta neh ntu, bol lah ndơ uănh say ndơ uănh mâu say, bol lah huêng brah êng êng, geh nau dơi geh nau dăng, geh nau kuŏng, geh nau mât uănh kađôi. Kôranh Brah ăn Kon Păng rhăk njêng dâng lĕ ndơ, gay ma dâng lĕ ndơ yơk ma Kon Păng dadê.

Bunong

¹⁶ តា​ឞ្រាស​ក្រីស  ​គែស​រាហាក់​ញជេង​ទឹង​លែៈ​នទើ​តា​កាលើ​ត្រោក​នទើ​តា​នែស​នតូ ឞ៝ល​លាស​នទើ​អ្វាញ់​ឆៃ​នទើ​អ្វាញ់​មោ​ឆៃ ឞ៝ល​លាស​ហ្វេង​ឞ្រាស​អេងៗ គែស​នាវ​ទើយ​គែស​នាវ​ទាង់ គែស​នាវ​ក្វ៝ង់ គែស​នាវ​ម៝ត់​អ្វាញ់​កាដោយ។ កោរាញ​ឞ្រាស​អ៝ន់​ក៝ន​ពាង់​រាហាក់​ញជេង​ទឹង​លែៈ​នទើ គៃ​មា​ទឹង​លែៈ​នទើ​យើក​មា​ក៝ន​ពាង់​ទាទេ។

Kôlôh 1:16 Iomraidhean Croise

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

Nêhêmi 9:6

Vư, knŏng du huê Kôranh Brah jêng Brah Yêhôva geh nguay mâu hôm geh bar ôh; Kôranh Brah hŏ rhăk njêng lĕ ndâr trôk jêh ri trôk ma lĕ ndâr trôk ndrel ma lĕ rngôch phung tahan khân păng, Neh nđâp ma lĕ rngôch mpa tâm ta klơ neh ntu, dak mƀŭt jêh ri ma lĕ rngôch mpa geh tâm dak mƀŭt. Kôranh Brah mât njrăng lĕ rngôch ndơ nây Jêh ri phung tahan tâm trôk yơk mbah May da dê.

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Yôhan 1:10

Nau Ngơi gŭ tâm neh ntu jêh ri neh ntu hŏ njêng jêh tă bơh Păng, ƀiălah neh ntu mâu gĭt năl Păng ôh.

Yôhan 1:3

Lĕ rngôch ntil ndơ Păng rhăk njêng da dê, mâu geh ôh du ntil ndơ dơi rhăk njêng lah mâu tă bơh Păng.

Samƀŭt Pôl Njuăl Ăn Ma Phung Nsing Ta Ƀon Rôm 11:36

Yorlah lĕ rngôch ndơ tă bơh Păng, yor ma Păng, jêh ri rle mpeh Păng. Nau chrêk rmah jêng nau Păng n'ho ro mâu blau dŭt! Amen.

Samƀŭt Pôl Njuăl Ăn Ma Phung Nsing Ta Ƀon Rôm 8:38

Yorlah gâp gĭt nanê̆ ngăn, nđâp tơlah nau khĭt, nau rêh, phung tông mpăr, phung kôranh chiă uănh, nau aƀaơ, nau rnôk kăndơ̆, nau dơi ktang,

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

Êphêsô 1:10

gay tât nôk bêng rĭng, rgum lĕ rngôch ndơ tâm Brah Krist, nđâp ndơ klơ trôk jêh ri ndơ tâm neh ntu.

Êphêsô 6:12

Yorlah nau he tâm lơh, mâu di tâm rdâng đah nglay săk jêh ri mham ôh, ƀiălah tâm rdâng đah lĕ nau chiă uănh, đah nau ktang, đah phung kôranh geh nau dơi klơ neh ntu ngo aơ, jêh ri đah phung brah mhĭk gŭ lĕ ntŭk ta klơ trôk.

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

Philip 2:10

Gay nôk tăng ma amoh Brah Yêsu, Lĕ kômâk klơ trôk, tâm neh ntu, tâm dâng neh ntu Chon kômâk da dê,

Kôlôh 1:15

Păng yơh jêng rup ma Brah Ndu mâu dơi saơ, jêng Nơm deh lor lơn ma lĕ rngôch mpa rhăk njêng.

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

Kôlôh 2:10

pô ri khân may geh bêng nŭm tâm Păng, Nơm jêng kôranh lĕ rngôch nau chiă uănh jêh ri nau dơi toyh.

Kôlôh 2:15

Păng sŏk lơi lĕ nau chiă uănh, jêh ri nau ktang, sŏk si tâm rkăng Păng dơi đah phung nây, jêh ri ƀư bêk khân păng ta nklang lĕ rngôch bunuyh.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.