Kôlôh 1:10 - Nau Brah Ndu Ngơi 2023

¹⁰ gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

Bunong Bible Latin Script Cambodian dialect

¹⁰ Hên dăn kơt nây gay ma khân ay may gŭ rêh tâm di đah nau Kôranh Brah ŭch, ăn Păng răm maak dâng lĕ ndơ khân ay may jan. Jêh ri khân ay may jan ndơ ueh ăp ntil, ndrel ma gĭt năl Kôranh Brah lơ ma hô lơ ma hô ngăn.

Bunong

¹⁰ ហេន​ទាន់​កើត​នៃ​គៃ​មា​ខាន់​អៃ​មៃ​គុ​រេស​តឹម​ទី​ដាស​នាវ​កោរាញ​ឞ្រាស​អុច អ៝ន់​ពាង់​រាម់​មអាក​ទឹង​លែៈ​នទើ​ខាន់​អៃ​មៃ​ជាន។ ជេសរី​ខាន់​អៃ​មៃ​ជាន​នទើ​អ្វែស​អាប់​នតីល នទ្រែល​មា​គឹត​នាល់​កោរាញ​ឞ្រាស​លើ​មា​ហោ​លើ​មា​ហោ​ងាន់។

Kôlôh 1:10 Iomraidhean Croise

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Mika 4:5

Lĕ rngôch mpôl băl bunuyh chuat tĭng Amoh brah păng, Ƀiălah he mra chuat tĭng amoh Yêhôva Brah Ndu he Kŏ tât ƀaƀơ n'ho ro!

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Samƀŭt Pôl Njuăl Ăn Ma Phung Nsing Ta Ƀon Rôm 1:13

Hơi phung oh nâu, gâp ŭch ma khân may gĭt âk tơ̆ jêh gâp tâm nal hăn khâl khân may gay ma rek peh play kao âk ƀhôi tâm phung khân may, tâm ban đŏng ma phung mpôl băl bunuyh êng; ƀiălah gâp geh nau buay tât nar aơ.

Samƀŭt Pôl Njuăl Ăn Ma Phung Nsing Ta Ƀon Rôm 4:12

jêh ri păng jêng mbơ̆ ma phung koh ntâu, jêng phung nây mâu di knŏng koh ntâu dơm, ƀiălah hôm hăn tĭng têl nau chroh Y-Abraham, chô yau he, hŏ geh lor ma păng koh ntâu.

Samƀŭt Pôl Njuăl Ăn Ma Phung Nsing Ta Ƀon Rôm 6:4

Pôri, ma nau ƀaptem, bu tâp jêh he tâm nau păng khĭt ndrel ma Păng, gay ma nâm bu Brah Krist hŏ dâk rêh tay jêh bơh nau khĭt ma nau chrêk rmah Mbơ̆ tâm ban lĕ, he dơi rêh đŏng tâm nau rêh mhe nâm pônây.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

II Kôrintô 5:9

Yor nây, nđâp tơlah gŭ tâm săk jăn aơ, nđâp tơlah luh, he ƀư lĕ nau ktang gay ƀư maak nuih n'hâm Kôranh Brah.

II Kôrintô 9:8

Brah Ndu geh nau dơi ăn ma khân may nau yô̆ âk rmeh gay ƀư tŏng lĕ rngôch nau khân may ŭch, lŏ geh âk rmeh gay ƀư ăp ntil kan ueh,

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Êphêsô 4:13

kŏ tât nôk lĕ rngôch phung he dơi geh nau tâm rnglăp tâm nau chroh jêh ri tâm nau gĭt năl Kon Brah Ndu, gay plơ̆ jêng bunuyh văch ma toyh, dơi ăn nŭm nau dăng ktang tâm ban ma Brah Krist nơm.

Êphêsô 5:10

Sek uănh hom moh nau ƀư maak nuih n'hâm Kôranh Brah.

Êphêsô 5:15

Pôri, sek uănh njrăng hom ma nau khân may gŭ rêh, lơi gŭ rêh nâm bu phung rluk mâl, ƀiălah gŭ rêh nâm bu phung blau mĭn.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

Kôlôh 2:6

Pôri, mâm nau khân may sŏk dơn Yêsu Krist jêng Kôranh Brah hăn hom tâm Păng kơt nây lĕ;

Kôlôh 3:20

Hơi phung kon, tông hom ma mê̆ mbơ̆ khân may nơm tâm lĕ ntil nau, yorlah nau aơ ueh nuih n'hâm Kôranh Brah.

Kôlôh 4:5

Ăn khân may gŭ ngao blau mĭn tanăp phung bu năch, jêh ri blau dŏng mông nar.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

II Timôthê 2:4

Mâu geh ôh du huê tahan dôl ƀư nau kan ƀiălah hôm văk nau kan tâm nau rêh aơ, yorlah ntŭk ntrâng păng jêng ƀư maak nuih n'hâm ma nơm sŏk dŏng păng nơm.

Titus 3:1

Nkah hom ma phung chroh blau tông phung kôranh chiă uănh jêh ri phung geh nau dơi, ăn tông bâr jêh ri rơm ndrăp jêh ri ƀư lĕ kan ueh,

Titus 3:14

Ăn phung chroh he nti nsrôih ƀư kan ueh, gay ma kơl ăn ma lĕ nau geh nau kan ndal, pôri lơi gŭ rêh du nau rêh mâu geh play.

ហេឞ្រើ 11:5

Yor ma nau chroh, Y-Ênŏk hao klơ jêh ri mâu mâp nau khĭt; bu mâu hôm saơ păng đŏng ôh, yorlah Brah Ndu vơt chông păng. Êlor Y-Ênŏk hao klơ, păng geh nau mbơh jêng gŭ rêh maak nuih n'hâm Brah Ndu.

ហេឞ្រើ 13:16

Lơi chuêl ôh ƀư nau ueh jêh ri tâm pă ma bunuyh êng, yorlah lĕ ndơ ƀư brah tâm ban pônây ƀư maak nuih n'hâm Brah Ndu.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

II Pêtrôs 1:8

Yorlah tơlah khân may geh lĕ nau aơ jêh ri geh rmeh ler, khân may mâu mra klach khân may nơm gŭ dơm dam mâu lah mâu geh play tâm nau gĭt năl ma Kôranh Brah he jêng Brah Yêsu Krist.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

I Yôhan 3:22

jêh ri moh ndơ he dăn, he sŏk dơn da dê, yor he tông prăp ma lĕ nau vay Păng ntăm jêh ri ƀư nau maak ma Păng.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

III Yôhan 1:6

Khân may mbơh nkoch jêh ma nuih n'hâm may rŏng tanăp Phung Ngih Brah Ndu. Ŭch ngăn ma may kơl khân păng ăt hăn tâm trong khư ma Brah Ndu jêng ueh ngăn.