Kan Lêvi 4:3 - Nau Brah Ndu Ngơi 2023

³ Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 4:3 Iomraidhean Croise

II Nau Rêh Jêng 29:21

Khân păng têk leo pơh mlâm ndrôk nkuăng, pơh mlâm biăp nkuăng, pơh mlâm biăp kon, jêh ri pơh mlâm be nkuăng gay ƀư ndơ ƀư brah chuai nau tih ma ƀon bri hađăch, ma ngih brah kloh ueh jêh ri ma phung Yuđa. Păng ntĭnh ma phung kôranh ƀư brah jêng noi Y-Arôn ăn nhhơr lĕ mpa ƀư brah nây ta klơ nơng Brah Yêhôva.

Êsra 8:35

Phung bunuyh tă bu veng ƀư bu nă lĕ sĭt jêh, nhhơr ndơ ƀư brah gŭch ma Yêhôva Brah Ndu phung Israel geh jât ma bar mlâm ndrôk nkuăng yor lĕ rngôch phung Israel, sĭn jât ma prao mlâm biăp nkuăng; pơh jât ma pơh biăp kon, jêh ri jât ma bar mlâm be nkuăng gay ƀư ndơ ƀư brah chuai nau tih: Lĕ rngôch nhhơr da dê ƀư ndơ ƀư brah gŭch ma Brah Yêhôva.

Nau Ngluh Êjipt 29:14

Ƀiălah puăch, ntâu, jêh ri ek ndrôk nkuăng nây gŭch padih rmlak tahan. Nây jêng du nau ƀư brah chuai nau tih.

Nau Ngluh Êjipt 29:21

May sŏk đŏng djê̆ mham ta klơ nơng jêh ri djê̆ dak ƀâu kah nsrih ta Y-Arôn jêh ri bok ao păng tâm ban đŏng ta phung kon bu klâu jêh ri bok ao khân păng. Pôri, Y-Arôn nđâp ndơ nsoh n'gut păng, lĕ phung kon bu klâu păng nđâp bok ao khân păng mra dơi jêng kloh ueh.

Nau Ngluh Êjipt 29:7

sŏk dak ƀâu kah nkhŭt ta klơ bôk jêh ri mhĭng ma păng.

Nau Ngluh Êjipt 30:10

Ăp năm du tơ̆, Y-Arôn mra rƀŭn chuai nau tih ta klơ nke nơng ƀư brah. Tâm ăp rô̆, mham mpa ƀư brah chuai nau tih ăn dŏng tâm nau rƀŭn chuai nau tih ăp năm. Nây jêng du nau rƀŭn kloh ueh lơn ma Brah Yêhôva.”

Êsêkiêl 40:39

Tâm nhuang panăp mpông pêr, geh bar mlâm sưng ăp pŭng, ta klơ nây bu nkhĭt lĕ mpa ƀư brah dŏng ăn ndơ ƀư brah gŭch, ndơ ƀư brah chuai nau ƀư tih jêh ri ndơ ƀư brah chuai nau tih.

Êsêkiêl 43:19

Kôranh Brah Yêhôva lah: ‘Dôl phung kôranh ƀư brah, mpôl Lêvi tâm noi deh Y-Sadôk, văch dăch Gâp, gay pah kan ma Gâp, may jao ăn hom ma khân păng du mlâm ndrôk nkuăng rah gay ma ƀư brah chuai nau tih.

Êsêkiêl 44:27

Ta nar kôranh ƀư brah nây lăp tâm ntŭk kloh tâm nkual ta trôm gay pah kan ta nây, pôri păng mra nhhơr du ndơ ƀư brah chuai nau tih păng nơm, Kôranh Brah Yêhôva lah pônây.

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 16:11

Pôri, Y-Arôn mra djôt ndrôk jêng mpa ƀư brah chuai nau tih ma păng nơm jêh ri nkhĭt ndrôk nây gay ƀư nau rƀŭn chuai nau tih ma păng nơm jêh ri ma ngih păng nơm.

Kan Lêvi 16:3

Y-Arôn mra lăp tâm Ntŭk Dŭt Kloh Ueh kơt aơ: Ăn păng têk du mlâm ndrôk nkuăng kon jêng ndơ ƀư brah chuai nau tih jêh ri du mlâm biăp nkuăng jêng ndơ ƀư brah gŭch.

Kan Lêvi 16:5

Y-Arôn dơn đŏng ndơ bơh phung Israel tâm rƀŭn, bar mlâm be nkuăng jêng ndơ ƀư brah chuai nau tih jêh ri du mlâm biăp nkuăng jêng ndơ ƀư brah gŭch.

Kan Lêvi 16:6

Y-Arôn mra nhhơr ndrôk jêng ndơ ƀư brah chuai nau tih ma păng nơm jêh ri nkra nau rƀŭn chuai nau tih ma păng nơm jêh ri ma ngih păng nơm.

Kan Lêvi 4:14

Ƀiălah dôl khân păng gĭt jêh nau tih khân păng nơm hŏ ƀư tih jêh, phung tâm rƀŭn nhhơr hom du mlâm ndrôk ƀư ndơ ƀư brah chuai nau tih jêh ri têk njŭn ndrôk tanăp Ngih Bok Nau Tâm Rƀŭn.

Kan Lêvi 4:23

Tơlah păng gĭt năl jêh nau tih păng hŏ ƀư, ăn păng njŭn du mlâm be nkuăng mâu geh têl khap ôh gay ƀư ndơ nhhơr.

Kan Lêvi 4:28

Dôl păng gĭt năl jêh nau tih păng hŏ ƀư, ăn păng têk du mlâm be me mâu geh têl khap ôh gay ƀư ndơ ƀư brah chuai nau tih păng hŏ ƀư jêh.

Kan Lêvi 4:5

Kôranh ƀư brah toyh lơn bu hŏ tŏ jêh dak ngi mra sŏk du kô̆ mham ndrôk nây njŭn ta trôm Ngih Bok Nau Tâm Rƀŭn,

Kan Lêvi 5:6

jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 8:12

Păng nkhŭt đŏng dak ngi mhĭng ta bôk Y-Arôn jêh ri mhĭng dak ngi gay prăp êng păng ăn kloh ueh.

Kan Lêvi 9:2

jêh ri lah ma Y-Arôn: “Nhŭp hom du mlâm ndrôk nkuăng ƀư ndơ ƀư brah chuai nau tih, du mlâm biăp nkuăng ƀư ndơ ƀư brah gŭch; lĕ bar mlâm mâu geh têl khap ôh jêh ri nhhơr tanăp Brah Yêhôva.

Kan Lêvi 9:3

Ăn may lah hom ma phung ƀon lan Israel pô aơ: ‘Ăn khân may nhŭp hom du mlâm be nkuăng ƀư ndơ ƀư brah chuai nau tih, du mlâm ndrôk kon jêh ri du mlâm biăp kon, lĕ bar mlâm nây mâu geh têl khap ôh jêh ri geh du năm, gay ƀư ndơ ƀư brah gŭch,

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Nau Kơp Bunuyh 8:8

Jêh nây, ăn may lah ma khân păng sŏk du mlâm ndrôk nkuăng ndrel ma ndơ ƀư brah rnih môi ma rnih môi tâm pach đah dak ngi, jêh ri ăn may sŏk du mlâm ndrôk nkuăng rah tal bar jêng ndơ ƀư brah chuai nau tih.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 5:3

Yor nau nây, ăn păng nhhơr mpa ƀư brah ma nau tih păng nơm, nâm bu yor nau tih phung ƀon lan lĕ.

ហេឞ្រើ 9:12

Păng lăp jêh tâm Ntŭk Dŭt Kloh Ueh du tơ̆ rĭng jêh, mâu dŏng ma mham be nkuăng jêh ri kon ndrôk ôh, ƀiălah dŏng ma mham Păng nơm gay djôt leo tât nau tâm chuai n'ho ro ma he.