Kan Lêvi 4:2 - Nau Brah Ndu Ngơi 2023

² “May ngơi hom ma phung ƀon lan Israel pô aơ: Tơlah geh du huê bunuyh mâu mĭn ƀư tih tâm du ntil lĕ nau vay Brah Yêhôva ntăm jêh ri ƀư nau mâu dơi vay ƀư ôh:

Kan Lêvi 4:2 Iomraidhean Croise

Nau Ntơm 20:9

Jêh nây, Y-Abimêlek kuăl Y-Abraham, jêh ri lah: “Moh nau may hŏ ƀư ma hên kơt nây? Moh nau mâu di gâp lĕ ƀư đah may dĭng may ƀư đah gâp jêh ri lĕ bri dak gâp dơn nau tih toyh kơt nây? May hŏ ƀư ma gâp lĕ nau bu mâu vay ôh ƀư.”

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Mprơ Ơm 19:13

Dăn Kôranh Brah mât oh mon Kôranh Brah bơh mĭn ŭch ƀư tih; Ăn nau tih nây lơi chiă uănh gâp Pôri gâp mâu mra dơi geh nau nduyh ôh, Jêh ri mâu ƀư tih toyh.

Nơm Nti 5:6

Lơi ăn trôm mbung may ƀư ăn may tih, jêh ri lơi ngơi tanăp nơm mbơh Brah Ndu pô aơ: “Nây jêng vĭ.” Mâm may ƀư ăn Brah Ndu ji nuih yor nau ngơi may, jêh ri Păng ƀư rai kan ti may?

Kan Lêvi 22:14

Tơlah du huê lăn sa ndơ nhhơr kloh ueh, mplơ̆ tay hom ndơ nhhơr kloh ueh păng hŏ sa jêh ma kôranh ƀư brah, jêh ri ntop đŏng du kô̆ tâm prăm rnoh khlay ndơ nây.

Kan Lêvi 4:1

Brah Yêhôva lah tay ma Y-Môis:

Kan Lêvi 4:13

Tơlah lĕ rngôch phung Israel tâm rƀŭn lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư, yor ri lĕ tih jêh, nđâp lah khân păng mâu saơ nau nây.

Kan Lêvi 4:22

Dôl geh du huê kôranh chiă uănh lăn ƀư tih jêh tâm du ntil nau tâm lĕ nau vay Brah Yêhôva ntăm, jêng Brah Ndu păng nơm, ƀư nau mâu dơi vay ƀư ôh, yor ri lĕ tih jêh.

Kan Lêvi 4:27

Tơlah du huê tâm phung ƀon lan lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh.

Nau Kơp Bunuyh 35:11

ăn khân may săch lĕ ƀon toyh mra jêng ntŭk du krap ma khân may nơm, jêng ntŭk ma nơm mâu mĭn ŭch lơh khĭt bunuyh, klăp lah nchuăt tât du krap.

Nau Vay Nkah Tay 19:4

Aơ jêng nau nkra kơl ma nơm nkhĭt bunuyh du krap ta nây gay dơi rêh: Nơm nây mâu ndra ŭch khĭt nơm chiau meng păng ƀiălah bơh lor mâu mâp geh nau tâm rlăng đah păng ôh.

I Timôthê 1:13

nđâp lah kăl e ri gâp jêng nơm sưr rlau, ƀư mhĭk, hăt janh ƀai. Ƀiălah gâp hŏ dơn jêh nau yô̆ nđach, yorlah nôk nây gâp ƀư tâm nau rluk mâl bơh nuih n'hâm mâu chroh.

ហេឞ្រើ 5:2

Yorlah păng nơm ăt geh tâm nau rdja nchueng jŭm, yor ri dơi geh nau yô̆ ma phung ngo mbâl, vĭ nhhơt.

ហេឞ្រើ 9:7

Ƀiălah tâm jrô tal bar, knŏng kôranh ƀư brah toyh lơn lăp ta nây du tơ̆ du năm, jêh ri djôt leo mham gay nhhơr ndơ ƀư brah chuai nau tih ma păng nơm jêh ri ma phung ƀon lan.

Yakơ 3:10

Tă bơh trôm mbung lĕ luh nau mprơ mât ton nđâp ma nau rak rtăp lĕ ƀơh? Ơ oh nâu gâp, lơi ƀư pônây ôh.

I Samuel 14:27

Bi Y-Jônathan mâu gĭt ôh nau mbơ̆ păng ton đah phung ƀon lan, pônây păng yơr chiông mâng păng djôt ta ti, păng sŏch chiông mâng nây ta mpơng sŭt, jêh ri nsiăm ti dak sŭt ta trôm mbung, pôri măt păng ang rah vah ro.