Kan Lêvi 3:3 - Nau Brah Ndu Ngơi 2023

³ Jêh nây sŏk du kô̆ tâm puăn bơh mpa ƀư brah ma ndơ ƀư brah đăp mpăn nây ƀư ndơ nhhơr ăn ŭnh sa nhhơr ma Brah Yêhôva. Nĕ jêng ndâr ngi krêp proch khŭng jêh ri ndâr ngi iang ta proch khŭng,

Kan Lêvi 3:3 Iomraidhean Croise

Nau Mprơ Ơm 119:70

Nuih n'hâm khân păng men, mbâl nâm bu ngi, Ƀiălah gâp rŏng ma nau vay May.

Nau Ngluh Êjipt 29:13

Ăn may sŏk lĕ rngôch ndâr ngi nkŭm proch klơm ta trôm ndŭl, lĕ ndâr ngi bơh klơm, bar ơ̆ leh jêh ri ngi klơ nây, gŭch ta klơ nơng ƀư brah.

Nau Ngluh Êjipt 29:22

Yor nây jêng du mlâm biăp nkuăng dŏng ăn nau rƀŭn n'hao kan yor ri ăn may sŏk hom ngi, chiăng, ndâr ngi nkŭm tâm trôm ndŭl, ndâr ngi klơm, bar ơ̆ leh nđâp ndâr ngi klơ nây, jêh ri nglik pa ma;

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsêkiêl 36:26

Gâp mra ăn ma khân may nuih n'hâm mhe jêh ri Gâp mra dơm huêng brah mhe tâm khân may. Gâp mra sŏk lơi nuih n'hâm ma lŭ bơh nglay săk khân may jêh ri ăn ma khân may nuih n'hâm ma mlay.

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Kan Lêvi 1:12

Ăn nơm nĕ koh puăch tĭng rngơl, nđâp ma bôk jêh ri ngi. Kôranh ƀư brah dơm lĕ rngôch ndơ nây ta klơ long ŭnh hit ta nơng ƀư brah.

Kan Lêvi 1:8

Jêh nây phung kôranh ƀư brah dơm lĕ mlay puăch, bôk jêh ri ngi ta klơ long hit ŭnh ta klơ nơng ƀư brah.

Kan Lêvi 16:25

Păng ăt gŭch đŏng ngi mpa ƀư brah chuai nau tih ta klơ nơng ƀư brah.

Kan Lêvi 3:16

Kôranh ƀư brah mra su lĕ ndơ nây ta klơ nơng ƀư brah nâm bu ndơ sông sa nhhơr ăn ŭnh sa geh n'hôl ƀâu kah. Lĕ rngôch ngi jêng ndơ Brah Yêhôva.

Kan Lêvi 3:2

Bunuyh nây mra pah ti ta bôk mpa ƀư brah jêh nây nkhĭt păng ta bôk mpông Ngih Bok Nau Tâm Rƀŭn. Phung kon sau Y-Arôn, jêng phung kôranh ƀư brah, mra nsrih mham jŭm nơng ƀư brah.

Kan Lêvi 3:4

bar mlâm leh, ngi ta bar mlâm leh dăch bŭt jêh ri ndơ dŭt kah ta klơm, păng mra hoal ndơ nây ndrel ma bar mlâm leh.

Kan Lêvi 4:10

tâm ban ma bu hoal lĕ ndơ nây bơh ndrôk nhhơr tâm ndơ ƀư brah đăp mpăn. Kôranh ƀư brah mra su lĕ ndơ nây ta klơ nơng ƀư brah nhhơr ndơ ƀư brah gŭch.

Kan Lêvi 7:30

Ti păng mra djôt lĕ ndơ nhhơr ăn ŭnh sa ma Brah Yêhôva, jêng ngi ndrel ma nting rpaih nse, nting rpaih nse nhhơr ma Brah Yêhôva jêng nâm bu du ndơ nhhơr kô̆ khlay.

Kan Lêvi 7:5

Kôranh ƀư brah mra gŭch lĕ ndơ nĕ ta klơ nơng ƀư brah nâm bu du ndơ ƀư brah ăn ŭnh sa nhhơr ma Brah Yêhôva. Nĕ jêng ndơ ƀư brah chuai nau ƀư tih.

Kan Lêvi 9:10

Păng sŏk ngi, bar mlâm leh jêh ri kô̆ klơm dŭt kah bơh mpa ƀư brah chuai nau tih su ta klơ nơng ƀư brah, tĭng nâm Brah Yêhôva hŏ ntăm jêh ma Y-Môis.

Mathay 13:16

Ƀiălah ueh maak yơh ma măt khân may yorlah dơi saơ; ueh maak yơh ma tôr khân may yorlah dơi tăng!

Mathay 15:8

‘Phung ƀon lan aơ yơk mbah Gâp ma trôm mbung khân păng; Ƀiălah nuih n'hâm khân păng ngai đah Gâp.

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Samƀŭt Pôl Njuăl Ăn Ma Phung Nsing Ta Ƀon Rôm 6:6

He gĭt jêh ma bunuyh ơm he pâng kđĭn jêh ta si tâm rkăng ndrel ma Păng, gay ma kon bunuyh tih geh nau ƀư rai lơi, jêh ri he mâu hôm jêng dĭk ma nau tih ôh.

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

I Samuel 2:15

Rlau lơn ma nĕ, êlor ma bu gŭch ngi, oh mon kôranh ƀư brah tât ta nây lah đah nơm nhhơr mpa ƀư brah pô aơ: “Ăn hom puăch nây ma kôranh ƀư brah gay nđông, yorlah păng mâu ŭch ôh puăch khân may lĕ gâm, ƀiălah knŏng dơn mlay puăch ndrêh dơm păng ŭch.”