Kan Lêvi 2:3 - Nau Brah Ndu Ngơi 2023

³ Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 2:3 Iomraidhean Croise

Êsra 2:63

Kôranh mât uănh buay ma khân păng mâu dơi sa ôh ndơ dŭt kloh ueh, kŏ tât ndah nâm jŏ geh kôranh ƀư brah sŏk Urim jêh ri Thumim gay ôp Brah Ndu.

Nau Ngluh Êjipt 29:37

Tâm pơh nar, may ƀư hom rƀŭn chuai nau tih jêh ri ƀư kloh nơng ƀư brah. Pônây nơng ƀư brah mra jêng kloh ueh ngăn, lĕ ndơ nđĭl ta nơng ƀư brah mra jêng kloh ueh.”

Êsêkiêl 44:29

Khân păng mra siăm khân păng nơm ma ndơ ƀư brah rnih, ndơ ƀư brah geh tih jêh ri ƀư brah chuai nau tih. Lĕ rngôch moh ndơ phung ƀon lan bri Israel, nhhơr mra jêng ndơ khân păng.

Êsêkiêl 46:20

Păng lah ma gâp: “Nây jêng ntŭk phung kôranh ƀư brah gâm lĕ ndơ ƀư brah chuai nau tih jêh ri chuai nau ƀư tih, ndrel n'hôl lĕ ndơ ƀư brah rnih môi gay mâu djôt leo ôh ndơ nây tât tâm ntŭk ndring padih jêh ri ƀư ăn phung ƀon lan jêng kloh lĕ.”

Kan Lêvi 10:15

Khân păng mra djôt nglik hŏ nhhơr jêh ri nting rpaih nse lĕ ƀư jêh nau vay ƀư ndơ̆ đah aơ ndơ̆ đah ri, ndrel ma lĕ kô̆ ngi bơh ndơ ƀư brah gŭch ăn ŭnh sa, nhhơr tĭng nâm nau vay ƀư ndơ̆ đah aơ ndơ̆ đah ri tanăp Brah Yêhôva. Nĕ jêng ndơ prăp ma nâu jêh ri phung kon nâu, tĭng nâm nau veh jêh jêng nau Brah Yêhôva hŏ ntăm jêh.”

Kan Lêvi 14:13

Jêh nây kôranh ƀư brah nkhĭt biăp nây tâm ntŭk bu vay nkhĭt mpa ƀư brah chuai nau tih jêh ri ndơ ƀư brah gŭch, tâm ntŭk kloh ueh; yorlah ndơ ƀư brah chuai nau ƀư tih ăt prăp ma kôranh ƀư brah nâm ndơ ƀư brah chuai nau tih, nĕ jêng ndơ dŭt kloh ueh.

Kan Lêvi 2:10

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 5:13

Tâm ban pônây, kôranh ƀư brah mra ƀư nau rƀŭn chuai nau tih ăn ma nơm hŏ ƀư tih jêh du ntil nau, tâm lĕ ntil nau klơ aơ, jêh ri nau tih păng mra dơi yô̆ an. Rnih hôm e mra jêng ndơ ma kôranh ƀư brah de tâm ban ma ndơ ƀư brah rnih môi.”

Kan Lêvi 6:26

Kôranh ƀư brah nhhơr mpa ƀư brah chuai nau tih mra sa ndơ nhhơr nây tâm du ntŭk kloh ueh, jêng tâm ndring Ngih Bok Nau Tâm Rƀŭn.

Kan Lêvi 6:9

“Ăn may ntăm hom nau aơ ma Y-Arôn jêh ri phung kon sau păng: Aơ jêng lĕ nau vay ma ndơ ƀư brah gŭch. Ăn ndơ ƀư brah gŭch dơm ta klơ ŭnh ta klơ nơng ƀư brah ntơm bơh măng kŏ tât ôi, jêh ri mât mray ŭnh ta klơ nơng ăn hit ƀaƀơ.

Kan Lêvi 7:7

Ndơ ƀư brah chuai nau ƀư tih tâm ban ma mpa ƀư brah chuai nau tih, lĕ bar geh du nau vay da dê. Mbu nơm kôranh ƀư brah nhhơr mpa ƀư brah chuai nau tih, mpa ƀư brah nây jêng ndơ păng.

Kan Lêvi 7:9

Lĕ rngôch ndơ ƀư brah rnih môi mâu lah gŭch jêh tâm năk mâu lah vâr tâm glah mâu lah gŭch ta klơ mpĭt mra jêng ndơ ma nơm kôranh ƀư brah dâk nhhơr.

Nau Kơp Bunuyh 18:9

Aơ jêng ndơ may tă bơh lĕ ndơ dŭt kloh ueh jêh mâu geh su ôh, phung ƀon lan Israel nhhơr ma Gâp: Lĕ rngôch ndơ nhhơr khân may, ndơ ƀư brah rnih môi, ndơ ƀư brah chuai nau tih, ndơ ƀư brah chuai geh nau tih. Lĕ ndơ dŭt kloh ueh nây prăp ma may jêh ri ma phung kon bu klâu may.

I Samuel 2:28

Gâp hŏ săch jêh ngih păng tă bơh lĕ rngôch phung ndŭl mpôl Israel, gay jan kôranh ƀư brah Gâp, nhhơr ndơ ƀư brah klơ nơng ƀư brah Gâp, gŭch ndơ ƀâu kah, jêh ri nsoh êphôt tanăp Gâp. Gâp hŏ ăn ma noi deh chô yau may prăp tâm du kô̆ tâm lĕ ndơ nhhơr bơh phung ƀon lan Israel gŭ tâm ŭnh nhhơr ma Gâp.