Kan Lêvi 1:4 - Nau Brah Ndu Ngơi 2023

⁴ Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 1:4 Iomraidhean Croise

Nau Ngluh Êjipt 28:38

Pŏk jê̆ nây mra gŭ ta ndăr kleng Y-Arôn jêh ri Y-Arôn mra tuy moh nau tih tât ma ndơ nhhơr kloh ueh bơh phung ƀon lan Israel hŏ nhhơr. Pŏk jê̆ nây mra gŭ ƀaƀơ ta ndăr kleng Y-Arôn, gay ma Brah Yêhôva dơn khân păng.

Nau Ngluh Êjipt 29:10

Ăn may njŭn ndrôk nkuăng rah panăp Ngih Bok Nau Tâm Rƀŭn. Y-Arôn jêh ri phung kon bu klâu păng pah ti ta klơ bôk ndrôk

Nau Ngluh Êjipt 29:15

May têk đŏng du mlâm biăp nkuăng tât ma Y-Arôn jêh ri phung kon bu klâu păng mra pah ti ta klơ bôk biăp nây;

Nau Ngluh Êjipt 29:19

May têk đŏng biăp nkuăng tal bar tât Y-Arôn jêh ri phung kon bu klâu păng gay khân păng pah ti ta klơ bôk biăp nkuăng nây;

Nau Ngluh Êjipt 29:33

Kơt nây, khân păng mra sa lĕ ndơ nhhơr chuai nau tih nây gay dơi ăn n'hao kan jêh ri ăn kloh ueh. Ƀiălah phung bu năch mâu dơi sa yorlah ndơ nây jêng ndơ sông sa kloh ueh.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsêkiêl 45:15

Tâm lĕ ndrêch gơ̆ nse phung Israel, geh bar rhiăng mlâm biăp mra sŏk du mlâm biăp kon gay ƀư ndơ ƀư brah rnih môi, ndơ ƀư brah gŭch, jêh ri ndơ ƀư brah ma nau đăp mpăn gay chuai nau tih phung ƀon lan khân păng, Kôranh Brah Yêhôva lah pônây.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Kan Lêvi 16:21

Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 16:24

Păng mra ŭm săk jăn păng tâm du ntŭk kloh ueh, nsoh tay bok ao păng nơm jêh ri hăn luh nhhơr ndơ ƀư brah gŭch ma păng nơm jêh ri ndơ ƀư brah gŭch ma phung ƀon lan, gay ƀư nau rƀŭn chuai nau tih ma păng nơm jêh ri ma phung ƀon lan.

Kan Lêvi 22:21

Tơlah du huê bunuyh hŏ ton nhhơr mâu lah păng nơm ŭch nhhơr du mlâm mpa ƀư brah đăp mpăn ma Brah Yêhôva ma ndrôk mâu lah biăp, be, gay geh nau Gâp dơn, ăn khân may nhhơr mpa mâu geh têl khap ôh.

Kan Lêvi 22:27

“Du mlâm ndrôk kon, biăp kon mâu lah be kon mhe deh, ăn păng gŭ ndrel ma me păng tâm pơh nar. Bơh nar tal pham rlet panăp klăp lah păng mra dơi dơn jêng ndơ ƀư brah ăn ŭnh sa nhhơr ma Yêhôva.

Kan Lêvi 3:13

pah ti păng nơm ta klơ bôk mlâm be jêh nây nkhĭt păng tanăp Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

Kan Lêvi 3:2

Bunuyh nây mra pah ti ta bôk mpa ƀư brah jêh nây nkhĭt păng ta bôk mpông Ngih Bok Nau Tâm Rƀŭn. Phung kon sau Y-Arôn, jêng phung kôranh ƀư brah, mra nsrih mham jŭm nơng ƀư brah.

Kan Lêvi 3:8

pah ti păng ta klơ bôk biăp jêh nây nkhĭt păng tanăp bôk mpông Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

Kan Lêvi 4:15

Phung bu ranh tâm phung Israel mra pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 4:24

Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:26

Păng ăt su lĕ rngôch ngi ta klơ nơng ƀư brah tâm ban ma nau gŭch ngi mpa ƀư brah tâm ndơ ƀư brah đăp mpăn. Tâm ban pônây, kôranh ƀư brah mra ƀư nau rƀŭn chuai nau tih ăn ma kôranh chiă uănh jêh ri nau tih păng mra dơi yô̆ an.

Kan Lêvi 4:29

Păng mra pah ti ta klơ bôk mpa ƀư brah chuai nau tih jêh nây nkhĭt mpa nây tâm ntŭk bu vay nkhĭt lĕ mpa ƀư ndơ ƀư brah gŭch.

Kan Lêvi 4:31

Păng ăt hoal lĕ rngôch ngi tâm ban ma nau bu ƀư tâm ndơ ƀư brah đăp mpăn, jêh nây djôt gŭch ta klơ nơng ƀư brah, ƀư ma ndơ ƀư brah geh n'hôl ƀâu kah ƀư maak nuih n'hâm ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.

Kan Lêvi 4:33

Păng mra pah ti ta klơ bôk mpa ƀư brah chuai nau tih jêh ri nkhĭt ăp mpa nây ƀư ndơ ƀư brah gŭch.

Kan Lêvi 4:35

Păng ăt hoal lĕ rngôch ngi tâm ban ma nau bu ƀư ma biăp kon nhhơr tâm ndơ ƀư brah đăp mpăn jêh nây djôt gŭch mpa nây ta klơ nơng ƀư brah, nđâp ma lĕ ndơ ƀư brah ăn ŭnh sa nhhơr ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.”

Kan Lêvi 4:4

Nơm nây mra têk ndrôk nây tât ta bôk mpông Ngih Bok Nau Tâm Rƀŭn tanăp Brah Yêhôva, pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 5:6

jêh ri ăn păng djôt ndơ nhhơr ntrok nau tih gay nhhơr ma Brah Yêhôva jêng du mlâm biăp me mâu lah be me tă bơh mpô mpa rong gay ƀư ndơ ƀư brah chuai nau tih. Kôranh ƀư brah mra ƀư nau tâm rƀŭn chuai nau tih ăn ma păng.

Kan Lêvi 6:7

Kôranh ƀư brah mra ƀư nau rƀŭn chuai nau ƀư tih ma păng tanăp Brah Yêhôva, jêh ri păng mra dơi yô̆ an ma lĕ nau mâu di păng hŏ ƀư jêh.”

Kan Lêvi 8:14

Păng đă têk đŏng ndrôk gay ƀư ndơ ƀư brah chuai nau tih. Y-Arôn jêh ri phung kon bu klâu păng pah ti ta klơ bôk ndrôk.

Kan Lêvi 8:18

Y-Môis đă djôt đŏng biăp nkuăng tât gay dŏng ƀư ndơ ƀư brah gŭch. Y-Arôn jêh ri phung kon bu klâu păng pah ti khân păng ta bôk biăp,

Kan Lêvi 8:22

Păng ăn djôt đŏng biăp nkuăng tal bar tât, jêng biăp nkuăng dŏng tâm nau rƀŭn n'hao kan. Y-Arôn jêh ri phung kon bu klâu păng pah ti khân păng ta klơ bôk biăp nây.

Kan Lêvi 9:7

Jêh nây Y-Môis lah ma Y-Arôn: “Nâu văch hom dăch ta nơng ƀư brah nhhơr ndơ ƀư brah chuai nau tih jêh ri ndơ ƀư brah gŭch gay ƀư ndơ ƀư brah chuai nau tih ma may nơm jêh ri ma phung ƀon lan, jêh nây nhhơr ndơ ƀư brah bơh phung ƀon lan jêh ri ƀư ndơ ƀư brah chuai nau tih ma khân păng, tĭng nâm Brah Yêhôva ntăm nti jêh.”

Nau Kơp Bunuyh 15:25

Kôranh ƀư brah mra ƀư nau rƀŭn chuai nau tih ma lĕ rngôch phung ƀon lan Israel tâm rƀŭn; khân păng mra geh nau yô̆ an yorlah nĕ jêng nau tih mâu ŭch ƀư jêh ri phung tâm rƀŭn hŏ njŭn leo jêh tât tanăp Brah Yêhôva du ndơ ƀư brah, jêng du ndơ ƀư brah ăn ŭnh sa nhhơr ma Brah Yêhôva, nđâp ma ndơ ƀư brah chuai nau tih khân păng vĭ.

Nau Kơp Bunuyh 15:28

Kôranh ƀư brah mra ƀư nau rƀŭn chuai nau tih ma bunuyh ƀư nau tih vĭ tanăp Brah Yêhôva; tơlah lĕ ƀư nau rƀŭn chuai nau tih ma bunuyh nây, jêh nây păng mra geh nau yô̆ an.

Nau Kơp Bunuyh 25:13

Păng jêh ri ma noi deh păng mra dơn nau tâm rnglăp ma kan kôranh ƀư brah n'ho ro, yorlah păng geh nuih n'hâm nau duh nđơr yor Brah Ndu păng nơm jêh ri hŏ chuai nau tih ma phung ƀon lan Israel.’”

Nau Kơp Bunuyh 8:10

Lah may ăn phung Lêvi văch dăch tanăp măt Brah Yêhôva, phung Israel mra pah ti ta klơ phung Lêvi,

Nau Kơp Bunuyh 8:12

Phung Lêvi mra pah ti ta klơ bôk lĕ bar mlâm ndrôk nkuăng jêh ri may nhhơr hom du mlâm jêng ndơ ƀư brah chuai nau tih, du mlâm êng dŏng ma ndơ ƀư brah gŭch ma Brah Yêhôva, gay chuai nau ƀư kloh nau tih ma phung Lêvi.

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

ហេឞ្រើ 10:4

Yorlah mham ndrôk nkuăng jêh ri be nkuăng mâu dơi sŏk lơi nau tih.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.