Kan Lêvi 1:3 - Nau Brah Ndu Ngơi 2023

³ Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 1:3 Iomraidhean Croise

Nau Ntơm 22:13

Y-Abraham n'gơr măt uănh jêh ri saơ du mlâm kon biăp nkuăng, văk nke tâm ƀŭr si. Y-Abraham hăn nhŭp biăp nkuăng nây nhhơr ƀư ndơ ƀư brah gŭch ntrok ma kon bu klâu păng.

Nau Ntơm 22:2

Brah Ndu lah: “Leo hom kon bu klâu may, kon nguay du huê nây dơm may rŏng ngăn ngên, jêng Y-Isăk, hăn tât ta n'gor Môria. Ta nây, ăn may nhhơr kon se jêng ndơ ƀư brah gŭch ta klơ du mlâm yôk Gâp mra ntĭm ma may.”

Nau Ntơm 22:8

Y-Abraham lah: “Hơi kon! Brah Ndu nơm mra ăn biăp kon ma ndơ ƀư brah gŭch.” Jêh nây lĕ bar hê mbơ̆ kon hăn đŏng.

Nau Ntơm 8:20

Rnôk nây Y-Nôê ndâk du nơng ƀư brah ma Brah Yêhôva. Păng nhŭp lĕ rngôch mpa kloh jêh ri lĕ rngôch sĭm kloh gay nhhơr ndơ ƀư brah gŭch ta klơ nơng nây.

II Nau Rêh Jêng 29:32

Rnoh kơp mpa ƀư brah dŏng tâm ndơ ƀư brah gŭch, phung tâm rƀŭn djôt leo tât pơh jât mlâm ndrôk nkuăng, du rhiăng mlâm biăp nkuăng, jêh ri bar rhiăng mlâm biăp kon; khân păng dŏng lĕ rngôch ndơ nây prăp ma ndơ ƀư brah gŭch nhhơr ma Brah Yêhôva.

II Nau Rêh Jêng 35:12

Khân păng tâm pă lĕ ndơ ƀư brah gŭch, ma phung ƀon lan, groi tĭng noi deh khân păng, gay khân păng nhhơr ma Brah Yêhôva, di tĭng nâm nau bu nchih jêh tâm ndrom samƀŭt Y-Môis. Khân păng ƀư tâm ban pônây lĕ ma ndrôk nkuăng.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Ngluh Êjipt 12:5

Nhŭp hom tâm mpôl phung biăp mâu lah tâm mpôl phung be khân may, du mlâm biăp kon nkuăng mâu lah be kon nkuăng tâm du năm, mâu geh têl khap ôh;

Nau Ngluh Êjipt 24:5

Păng đă phung bu klâu ndăm Israel nhhơr ma Brah Yêhôva ndơ ƀư brah gŭch jêh ri mpa ƀư brah ma ndrôk kon, jêng ndơ ƀư brah ma nau đăp mpăn.

Nau Ngluh Êjipt 29:18

jêh nây gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch nhhơr ma Brah Yêhôva, jêng du nau ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Nau Ngluh Êjipt 29:4

May mra njŭn Y-Arôn jêh ri phung kon bu klâu păng tât ta mpông Ngih Bok Nau Tâm Rƀŭn jêh nây sŏk dak jut rao khân păng.

Nau Ngluh Êjipt 29:42

Ndơ ƀư brah gŭch ăn nhhơr dơi ƀaƀơ tâm lĕ rngôch rô̆, ta mpông Ngih Bok Nau Tâm Rƀŭn tanăp Brah Yêhôva, jêng ntŭk Gâp mra tâm mâp đah khân may jêh ri ntĭm nti ma khân may.

Nau Ngluh Êjipt 32:6

Ôi taơ phung ƀon lan dâk ơm ôi, nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Khân păng gŭ sông sa nhêt, Jêh nây dâk pâl ntalơ̆.

Nau Ngluh Êjipt 35:21

Lĕ rngôch phung geh nuih n'hâm sŭk nsôr jêh ri geh nau ŭch êng văch jêh ri djôt ndơ nhhơr ma Brah Yêhôva gay dŏng tâm kan ƀư Ngih Bok, ndrăp lĕ ndơ dŏng tâm Ngih Bok jêh ri jĭm lĕ bok ao kloh ueh.

Nau Ngluh Êjipt 35:29

Lĕ rngôch phung ƀon lan Israel, lĕ rngôch bu ur nđâp bu klâu, geh nuih n'hâm sŭk nsôr ŭch nhhơr moh ntil ndơ tâm lĕ nau kan Brah Yêhôva hŏ ntĭnh jêh ma Y-Môis, ŭch da dê tât nhhơr ma Brah Yêhôva.

Nau Ngluh Êjipt 35:5

Sŏk hom tă bơh khân may drăp ndơ nhhơr ma Brah Yêhôva. Mbu nơm geh nuih n'hâm lŏng, djôt leo hom ndơ nhhơr ma Brah Yêhôva tâm ban mah, prăk jêh ri kông;

Nau Ngluh Êjipt 36:3

Tanăp măt Y-Môis, khân păng sŏk dơn lĕ rngôch ndơ nhhơr bơh phung ƀon lan Israel hŏ njŭn jêh prăp ma nau kan ndâk njêng Ngih Brah Kloh Ueh. Ƀiălah, yorlah ăp ôi phung ƀon lan ăt njŭn tât đŏng ndơ nhhơr

Nau Ngluh Êjipt 38:1

Păng ƀư đŏng nơng ƀư brah nhhơr ndơ ƀư brah gŭch ma si akasi rup blon, ăp njônh bar met bar jêh ri prêh du met pe.

Êsai 1:11

Brah Yêhôva lah “Âk râk ndơ khân may ƀư brah mâu geh khlay ôh ma Gâp? Gâp hŏ dĭl jêh đah ndơ ƀư brah gŭch ma biăp nkuăng, Jêh ri ngi mpô mpa lay. Gâp mâu maak ôh ma mham ndrôk nkuăng, Mâu lah kon biăp jêh ri be nkuăng.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 40:39

Tâm nhuang panăp mpông pêr, geh bar mlâm sưng ăp pŭng, ta klơ nây bu nkhĭt lĕ mpa ƀư brah dŏng ăn ndơ ƀư brah gŭch, ndơ ƀư brah chuai nau ƀư tih jêh ri ndơ ƀư brah chuai nau tih.

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 14:10

Ta nar tal pham, păng mra nhŭp bar mlâm biăp nkuăng mâu têl khap ôh, du mlâm biăp me du năm mâu têl khap, pe kilô rnih môi tâm pot dak ngi ƀư ndơ ƀư brah rnih môi jêh ri du kô̆ tâm pe lit dak ngi.

Kan Lêvi 16:7

Jêh nây, păng mra sŏk bar mlâm be nkuăng tât tanăp Brah Yêhôva ta mpông Ngih Bok Nau Tâm Rƀŭn.

Kan Lêvi 17:4

ƀiălah mâu djôt ôh mpa nây ta mpông Ngih Bok Nau Tâm Rƀŭn gay nhhơr ma Brah Yêhôva tanăp Ngih Bok Brah Yêhôva, bu mra kơp nơm nây jêng khan tih ƀư nkhŭt mham; bu mra mprơh nơm ƀư nkhŭt mham luh bơh phung ƀon lan păng.

Kan Lêvi 17:8

Pôri ăn may lah ma Phung ƀon lan Israel: ‘Mbu nơm bơh ngih Israel mâu lah bunuyh gŭ njưh ta nklang khân păng, nhhơr ndơ ƀư brah gŭch mâu lah mpa ƀư brah

Kan Lêvi 17:9

ƀiălah mâu djôt ôh mpa nây tât ta mpông Ngih Bok Nau Tâm Rƀŭn gay nhhơr ma Brah Yêhôva, bu mra mprơh lơi nơm nây bơh phung ƀon lan păng.’

Kan Lêvi 23:12

Ăt tâm nar nây khân may nhhơr nchăp ba ma nau vay ƀư ndơ̆ đah aơ ndơ̆ đah ri, ăn khân may nhhơr du mlâm kon biăp nkuăng geh du năm mâu geh têl khap gay ƀư ndơ ƀư brah gŭch ma Brah Yêhôva,

Kan Lêvi 23:18

Ndrel ma piăng let, ăn lĕ rngôch phung tâm rƀŭn khân may nhhơr đŏng pơh mlâm biăp kon du năm mâu geh têl khap ôh, du mlâm ndrôk jêh ri bar mlâm biăp nkuăng ƀư ndơ ƀư brah gŭch nhhơr ma Brah Yêhôva ndrel ma ndơ ƀư brah rnih môi jêh ri ndơ nhhơr nhêt; ndơ ƀư brah gŭch jêng ndơ ƀư brah ăn ŭnh sa, geh n'hôl ƀâu kah ma Brah Yêhôva.

Kan Lêvi 3:1

“‘Mbu nơm ŭch nhhơr ndơ ƀư brah đăp mpăn ma ndrôk nkuăng mâu lah ndrôk me, nhhơr hom tanăp Brah Yêhôva du mlâm ndrôk mâu geh têl khap ôh.

Kan Lêvi 4:15

Phung bu ranh tâm phung Israel mra pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 4:23

Tơlah păng gĭt năl jêh nau tih păng hŏ ƀư, ăn păng njŭn du mlâm be nkuăng mâu geh têl khap ôh gay ƀư ndơ nhhơr.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 4:32

Tơlah păng nhhơr du mlâm kon biăp jêng mpa ƀư brah chuai nau tih, ăn păng têk du mlâm biăp me mâu geh têl khap ôh.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 5:18

Ăn păng têk njŭn ma kôranh ƀư brah du mlâm biăp nkuăng mâu geh têl khap ôh, nhŭp tâm mpôl biăp, kơp tĭng nâm rnoh hŏ dăp jêh ma ndơ ƀư brah chuai nau ƀư tih. Kôranh ƀư brah mra ƀư nau rƀŭn chuai nau ƀư tih ma nơm nây, yor nau tih păng lăn ƀư tih, jêh ri păng mra dơi yô̆ an.

Kan Lêvi 6:2

“Tơlah du huê ƀư tih jêh ri mâu gŭ răp jăp ôh đah Brah Yêhôva yorlah păng hŏ ndơm mƀruh phung chiau meng păng nơm ma ndơ khân păng đă păng sâm mât mray mâu lah chiă uănh an, mâu lah ma nau ntŭng, mâu lah hŏ sŏk lĕ ndơ nơm chiau meng păng,

Kan Lêvi 6:8

Brah Yêhôva lah tay ma Y-Môis:

Kan Lêvi 7:16

Tơlah ndơ ƀư brah tă bơh nau ton mâu lah tă bơh nuih n'hâm rŏng, sa ro mpa ƀư brah tâm nar bu nhhơr, moh mpa hôm e bu dơi sa nar ôi taơ.

Kan Lêvi 8:18

Y-Môis đă djôt đŏng biăp nkuăng tât gay dŏng ƀư ndơ ƀư brah gŭch. Y-Arôn jêh ri phung kon bu klâu păng pah ti khân păng ta bôk biăp,

Kan Lêvi 8:21

Jêh bu rao kloh proch khŭng jêh ri nglik ma dak, Y-Môis djôt gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch ăn ŭnh sa, geh n'hôl ƀâu kah ma Brah Yêhôva, tĭng nâm Brah Yêhôva hŏ ntăm jêh ma Y-Môis.

Kan Lêvi 9:2

jêh ri lah ma Y-Arôn: “Nhŭp hom du mlâm ndrôk nkuăng ƀư ndơ ƀư brah chuai nau tih, du mlâm biăp nkuăng ƀư ndơ ƀư brah gŭch; lĕ bar mlâm mâu geh têl khap ôh jêh ri nhhơr tanăp Brah Yêhôva.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Nau Kơp Bunuyh 15:3

jêh ri nôk khân may nhhơr ma Brah Yêhôva ndrôk mâu lah biăp nâm bu du ndơ ƀư brah nhhơr ma ŭnh sa, geh n'hôl ƀâu kah ma Brah Yêhôva, mâu lah ndơ ƀư brah gŭch, mâu lah mpa ƀư brah gay ƀư nanê̆ nau ton mâu lah ndơ ƀư brah ma nau ŭch, mâu lah ndơ ƀư brah tâm lĕ yan nau rƀŭn,

Nau Kơp Bunuyh 15:8

Nôk nhhơr du mlâm ndrôk kon ma ndơ ƀư brah gŭch, mâu lah jêng ndơ ƀư brah ƀư nanê̆ nau ton, mâu lah jêng ndơ ƀư brah ma nau đăp mpăn ma Brah Yêhôva

Nau Kơp Bunuyh 19:2

“Aơ jêng nau vay dăp bơh nau vay Brah Yêhôva hŏ ntăm jêh: ‘Ngơi hom ma phung ƀon lan Israel, ăn khân păng têk leo ma may du mlâm ndrôk me guh mâu geh ntŭk kuet rôi ôh, mâu geh têl khap ôh jêh ri mâu mâp nkuăk mâng mbăk.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Nau Kơp Bunuyh 23:27

Y-Balak lah ma Y-Balaam: “Văch hom aơ, gâp mra njŭn may ma ntŭk êng. Klăp lah Brah Ndu mra di nuih ăn may dơi rak rtăp ma phung ƀon lan aơ ta nây.”

Nau Kơp Bunuyh 23:3

Y-Balaam lah ma Y-Balak: “Hađăch dâk hom ta meng ndơ may nơm ƀư brah gŭch, bi gâp mra hăn. Klăp lah Brah Yêhôva mra tâm mpơl ma gâp jêh ri gâp mra nkoch tay ma may moh nau Păng ăn gâp saơ.” Jêh nây păng hăn hao du yôk jêng ntŭk hil.

Nau Kơp Bunuyh 23:30

Pôri, Y-Balak ƀư tĭng nâm nau Y-Balaam lah jêh. Păng nhhơr du mlâm ndrôk nkuăng jêh ri du mlâm biăp nkuăng jêng ndơ ƀư brah gŭch ta klơ ăp nơng ƀư brah.

Nau Kơp Bunuyh 28:11

“Ăp tơ̆ bôk khay, ăn may nhhơr ma Brah Yêhôva bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm mâu geh ôh ntŭk mhĭk jêng ndơ ƀư brah gŭch;

Nau Kơp Bunuyh 28:19

Ăn khân may nhhơr ma Brah Yêhôva bar mlâm ndrôk nkuăng rah jêh ri pơh mlâm biăp kon nkuăng bêng du năm jêng ndơ ƀư brah gŭch, lĕ rngôch da dê mâu geh têl khap ôh.

Nau Kơp Bunuyh 28:31

Padih ma ndơ ƀư brah gŭch mro mrăng jêh ri ma ndơ ƀư brah rnih môi, ăn khân may ăt nhhơr lĕ ndơ nhhơr nây ndrel ma ndơ nhhơr nhêt. Lĕ mpa ƀư brah mâu geh têl khap ôh.”

Nau Kơp Bunuyh 29:13

Khân may nhhơr hom jât ma pe mlâm ndrôk nkuăng rah, bar mlâm biăp nkuăng jêh ri jât ma puăn mlâm biăp kon nkuăng bêng du năm mâu geh têl khap jêng ndơ ƀư brah gŭch, jêng ndơ ƀư brah ăn ŭnh sa geh n'hôl ƀâu kah, maak ma Brah Yêhôva.

Nau Kơp Bunuyh 29:2

Khân may nhhơr hom du mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm, mâu geh têl khap jêng ndơ ƀư brah gŭch geh n'hôl ƀâu kah, maak ma Brah Yêhôva.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Yôhan 1:36

Păng saơ Brah Yêsu hăn rgăn ta nây, păng lah: “Ri, Kon Biăp Brah Ndu!”

Yôhan 10:7

Pôri, Brah Yêsu lah đŏng: “Nanê̆ ngăn, Gâp lah ngăn ma khân may, Gâp jêng mpông biăp.

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 9:7

Pôri ăn ăp nơm nhhơr tĭng nâm nau păng hŏ mĭn jêh tâm nuih n'hâm, mâu geh lah ăn ma nau rngot, mâu lah ma nau nchâp ôh, yorlah Brah Ndu rŏng ma mbu nơm nhhơr ma nau maak.

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

Nau Vay Nkah Tay 12:27

jêh nây nhhơr lĕ puăch jêh ri mham păng ƀư ndơ ƀư brah gŭch ta klơ nơng ƀư Brah Yêhôva Brah Ndu khân may. Lĕ mham mpa ƀư brah ăn khân may nkhŭt ta klơ nơng ƀư Brah Yêhôva Brah Ndu, bi puăch khân may dơi vay sa.

Nau Vay Nkah Tay 15:21

Ƀiălah tơlah khân păng geh ntŭk kuet rvĕn, chieh măt, mâu lah geh nau mhĭk êng đŏng, lơi nhhơr ma Yêhôva Brah Ndu khân may ôh,

Nau Vay Nkah Tay 17:1

“Khân may mâu dơi ôh nhhơr ma Yêhôva Brah Ndu du mlâm ndrôk nkuăng mâu lah du mlâm biăp geh têl khap mâu lah geh ntŭk kuet, yorlah nau nây jêng nau Yêhôva Brah Ndu khân may tâm rmot.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!