Kan Lêvi 1:1 - Nau Brah Ndu Ngơi 2023

¹ Brah Yêhôva tă bơh tâm Ngih Bok Nau Tâm Rƀŭn kuăl Y-Môis jêh ri ngơi:

Kan Lêvi 1:1 Iomraidhean Croise

II Phung Hađăch 16:13

Hađăch nhhơr ndơ ƀư brah gŭch, ndơ ƀư brah rnih môi, ƀư ndơ nhhơr nhêt jêh ri mham ndơ ƀư brah ma nau đăp mpăn klơ nơng ƀư brah.

II Nau Rêh Jêng 29:32

Rnoh kơp mpa ƀư brah dŏng tâm ndơ ƀư brah gŭch, phung tâm rƀŭn djôt leo tât pơh jât mlâm ndrôk nkuăng, du rhiăng mlâm biăp nkuăng, jêh ri bar rhiăng mlâm biăp kon; khân păng dŏng lĕ rngôch ndơ nây prăp ma ndơ ƀư brah gŭch nhhơr ma Brah Yêhôva.

Nau Ngluh Êjipt 19:3

Y-Môis hăn mâp Brah Ndu. Bơh ta klơ yôk, Brah Yêhôva kuăl păng jêh ri lah: “Ăn may ngơi ma ngih Y-Yakôb, jêh ri lah ma phung ƀon lan Israel pô aơ:

Nau Ngluh Êjipt 24:12

Brah Yêhôva lah ma Y-Môis: “Hao hom ta yôk, tât ta Gâp jêh ri gŭ kâp Gâp ta nây. Gâp mra ăn ma may ndap lŭ ta nây Gâp hŏ nchih jêh nau vay jêh ri nau vay ntăm gay nti phung ƀon lan.”

Nau Ngluh Êjipt 25:22

Gâp mra mâp may ta nây; ntơm bơh klơ ndrŭp nau yô̆, ta nklang bar chêrubim gŭ ta klơ Hip Nau Tâm Rnglăp, Gâp mra ntĭnh ma may dĭng lĕ nau ntăm ƀư ma phung ƀon lan Israel.”

Nau Ngluh Êjipt 29:42

Ndơ ƀư brah gŭch ăn nhhơr dơi ƀaƀơ tâm lĕ rngôch rô̆, ta mpông Ngih Bok Nau Tâm Rƀŭn tanăp Brah Yêhôva, jêng ntŭk Gâp mra tâm mâp đah khân may jêh ri ntĭm nti ma khân may.

Nau Ngluh Êjipt 3:4

Brah Yêhôva saơ păng văch dăch gay uănh, Brah Ndu tă bơh nklang pŭm lok kuăl: “Hơi Y-Môis, hơi Y-Môis!” Păng ơh: “Gâp ta aơ!”

Nau Ngluh Êjipt 33:7

Rnôk nây, Y-Môis djôt leo ngih bok jêh ri ndâk padih rmlak tahan jêh ri rnha jêng Ngih Bok Nau Tâm Rƀŭn. Mbu nơm ŭch kuăl mbơh sơm Brah Yêhôva hăn tât ta Ngih Bok Nau Tâm Rƀŭn, padih rmlak tahan.

Nau Ngluh Êjipt 39:32

Pôri, lĕ rngôch kan Ngih Bok, jêng Ngih Bok Nau Tâm Rƀŭn, hŏ lôch jêh. Phung ƀon lan Israel hŏ ƀư jêh lĕ nau kan tĭng nâm nau Yêhôva hŏ ntĭnh jêh ma Y-Môis.

Nau Ngluh Êjipt 40:29

Păng dơm nơng ƀư brah nhhơr ndơ ƀư brah gŭch ta mpông Ngih Bok, jêng Ngih Bok Nau Tâm Rƀŭn jêh ri nhhơr ta klơ nây ndơ ƀư brah gŭch jêh ri ndơ ƀư brah rnih môi, di nâm nau Brah Yêhôva hŏ lah jêh ma Y-Môis.

Kan Lêvi 7:38

jêng nau Brah Yêhôva hŏ ntăm jêh ma Y-Môis ta klơ yôk Sinai, ta nar Brah Yêhôva ntĭnh ntăm ma phung ƀon lan Israel nhhơr ndơ ƀư brah ma Brah Yêhôva, tâm bri rdah Sinai.

Kan Lêvi 9:16

Păng nhhơr đŏng ndơ ƀư brah gŭch jêh ri kan tĭng nâm nau vay hŏ dăp jêh.

Nau Kơp Bunuyh 1:1

Nar năng nguay khay bar năm tal bar, jêh phung ƀon lan Israel luh bơh Êjipt, Brah Yêhôva ngơi ma Y-Môis ta Ngih Bok Nau Tâm Rƀŭn tâm bri rdah Sinai pô aơ:

Nau Kơp Bunuyh 7:15

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ƀư ndơ ƀư brah gŭch;

Nau Kơp Bunuyh 7:89

Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Nau Vay Nkah Tay 27:6

Ăn khân may ndâk du mlâm nơng ƀư brah ma Yêhôva Brah Ndu ma lŭ tang kră, ê hŏ mâp bu trah ôh jêh ri ta klơ nơng nây ăn khân may nhhơr ndơ ƀư brah gŭch ma Yêhôva Brah Ndu khân may.