I Yôhan 5:7 - Nau Brah Ndu Ngơi 2023

⁷ Brah Huêng Ueh yơh mbơh nkoch, yorlah Brah Huêng Ueh jêng nau ngăn.

Bunong Bible Latin Script Cambodian dialect

⁷ Geh pe ntil nau khlay i mbơh nkoch ma Brah Yêsu Krist jêng Kon Kôranh Brah.

Bunong

⁷ គែស​ពែ​នតីល​នាវ​ខ្លៃ​អី​មឞើស​ងក៝ច​មា​ឞ្រាស​យេឆូ​ក្រីស  ​ជេង​ក៝ន​កោរាញ​ឞ្រាស។

I Yôhan 5:7 Iomraidhean Croise

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 18:16

Ƀiălah tơlah păng mâu iăt nau, jă hom bar pe nuyh hăn ndrel đah may, gay tĭng nâm nau bar pe nuyh mbơh, lĕ rngôch nau ngơi mra ƀư nâp.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Yôhan 10:30

Gâp đah Mbơ̆ jêng nguay.”

Yôhan 12:28

Ơ Mbơ̆, tâm rnê hom ma amoh May.’” Nôk nĕ geh bâr ngơi tă bơh trôk lah: “Gâp hŏ geh nau mât ton jêh, Gâp mra geh tay nau tâm rnê đŏng!”

Yôhan 14:17

nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 5:26

Yorlah nâm bu Mbơ̆ geh nau rêh tâm Păng nơm, pôri Mbơ̆ ăn đŏng ma Kon nau rêh tâm Păng nơm kơt nây lĕ.

Yôhan 8:18

Gâp mbơh nkoch êng ma Gâp nơm, jêh ri Mbơ̆ jêng Nơm hŏ njuăl Gâp, mbơh nkŏch đŏng ma Gâp.”

Yôhan 8:54

Brah Yêsu plơ̆ lah: “Lah Gâp tâm rnê êng Gâp nơm, nau chrêk rmah Gâp mâu khlay ôh. Mbơ̆ Gâp nơm tâm rnê Gâp, Păng jêng Nơm khân may kuăl jêng Brah Ndu khân may.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 5:32

Hên jêng phung mbơh ma lĕ nau nây ndrel ma Brah Huêng Ueh, Nơm Brah Ndu ăn ma phung bunuyh tông bâr ma Păng.”

Nau Vay Nkah Tay 6:4

Hơi Israel! Gŭ iăt hom: Yêhôva Brah Ndu he, jêng Brah Yêhôva knŏng nguay dơm.

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

I Yôhan 5:6

Brah Yêsu Krist jêng Nơm văch jêh ma dak jêh ri ma mham, mâu di knŏng ma dak ôh, ƀiălah dak nđâp ma mham.

I Yôhan 5:8

Geh pe ntil nau mbơh: Brah Huêng Ueh, dak jêh ri mham; lĕ pe ntil tâm rnglăp ndrel.

Nau Tâm Mpơl 19:13

Păng nsoh ao mbŭk tâm mham. Amoh Păng dơi rnha jêng NAU BRAH NDU NGƠI.