I Yôhan 5:16 - Nau Brah Ndu Ngơi 2023

¹⁶ Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.

Bunong Bible Latin Script Cambodian dialect

¹⁶ Lah bu moh i say ta phung oh nô i nsing ma Brah Krist geh jan tih i Kôranh Brah hôm yô̆ nđach mâu ôh tât gŭ ta ndrung ŭnh n'ho ro, ăn păng i say nây dăn hŏm ma Kôranh Brah, jêh ri Kôranh Brah mra ăn nau rêh ma bunuyh i nây ro. Nau tih i gâp ngơi nây jêng nau tih i Kôranh Brah hôm yô̆ nđach dơm. Yơn ma geh nau tih i êng i Kôranh Brah mâu hôm yô̆ nđach. Nau tih i nây gâp mâu ôh ăn khân ay may dăn.

Bunong

¹⁶ លាស​ឞូ​ម៝ស​អី​ឆៃ​តា​ផូង​អ៝ស​នោ​អី​ញឆីង​មា​ឞ្រាស​ក្រីស  ​គែស​ជាន​តីស​អី​កោរាញ​ឞ្រាស​ហោម​យោៈ​នអាច​មោ​អោស​ត៝ត់​គុ​តា​នទ្រូង​អុញ​នហ៝​រ៝ អ៝ន់​ពាង់​អី​ឆៃ​នៃ​ទាន់​ហ៝ម់​មា​កោរាញ​ឞ្រាស ជេសរី​កោរាញ​ឞ្រាស​មរា​អ៝ន់​នាវ​រេស​មា​ឞូនុយ្ស​អី​នៃ​រ៝។ នាវ​តីស​អី​គ៝ប់​ងើយ​នៃ​ជេង​នាវ​តីស​អី​កោរាញ​ឞ្រាស​ហោម​យោៈ​នអាច​ទើម។ យើន​មា​គែស​នាវ​តីស​អី​អេង​អី​កោរាញ​ឞ្រាស​មោ​ហោម​យោៈ​នអាច។ នាវ​តីស​អី​នៃ​គ៝ប់​មោ​អោស​អ៝ន់​ខាន់​អៃ​មៃ​ទាន់។

I Yôhan 5:16 Iomraidhean Croise

Nau Ntơm 20:17

Jêh nau nây, Y-Abraham mbơh sơm dăn Brah Ndu jêh ri Brah Ndu ƀư bah Y-Abimêlek, ur păng, nđâp phung oh mon bu ur hađăch gay khân păng dơi geh kon.

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Yêrêmi 11:14

Bi ma may, lơi may mbơh sơm kơl an ăn phung ƀon lan aơ, mâu lĕ yorlah khân păng hă bâr vơl dăn mâu lah vah vơl, Gâp mâu iăt khân păng nđâp ma khân păng vơl dăn ma Gâp tâm nau rêh ni.

Yêrêmi 14:11

Brah Yêhôva lah ma gâp: “Lơi ta may mbơh sơm nau ueh ôh ăn ma phung ƀon lan aơ.

Yêrêmi 7:16

Bi may, Y-Yêrêmi, lơi ta may mbơh sơm ăn ma phung ƀon lan aơ, lơi ta vơl dăn, vah vơl dăn ma khân păng, mâu lĕ sŏl dăn ma Gâp, yorlah Gâp mâu mra iăt may ôh.

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Nau Kơp Bunuyh 12:13

Y-Môis nter ma Brah Yêhôva pô aơ: “Hơi Brah Ndu! Dăn ƀư bah an ma păng!”

Nau Kơp Bunuyh 15:30

Ƀiălah mbu ŭch ƀư tih, gĭt lah bunuyh ƀon lan gŭ tâm n'gor mâu lah phung gŭ njưh ƀât lât, bunuyh nây ngơi sưr ma Brah Yêhôva jêh ri bu mra nsot lơi păng bơh phung ƀon lan Păng.

Luka 12:10

Mbu nơm ngơi tâm rdâng đah Kon Bunuyh mra geh nau yô̆ an; ƀiălah mbu nơm sưr rlau đah Brah Huêng Ueh mâu mra geh nau yô̆ an ôh.

Yôhan 17:9

Gâp mbơh sơm an ma khân păng, mâu di mbơh sơm an ma neh ntu ôh, ƀiălah yor phung bunuyh Mbơ̆ ăn jêh ma Kon, yorlah khân păng jêng phung Mbơ̆.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

I Yôhan 5:17

Lĕ rngôch mâu sŏng srăng jêng nau tih da dê, ƀiălah geh đŏng nau tih mâu tât nau khĭt.

I Samuel 12:19

Lĕ rngôch phung ƀon lan lah ma Y-Samuel: “Mbơh sơm hom ma Yêhôva Brah Ndu may yor phung oh mon may, gay ma hên mâu khĭt ôh, yorlah hên hŏ ntop nau tih dăn du huê hađăch nđâp ma lĕ rngôch nau tih êng đŏng tâm hên.”

I Samuel 2:25

Tơlah du huê bunuyh ƀư tih ma huê bunuyh ri, Brah Ndu phat dôih ma bunuyh nây; ƀiălah tơlah du huê nuyh ƀư tih ma Brah Yêhôva, mbu nơm mra mbơh sơm kơl an?” Ƀiălah khân păng mâu ŭch iăt ôh nau mbơ̆ khân păng, yorlah Brah Yêhôva ŭch nkhĭt lơi khân păng.