I Yôhan 4:7 - Nau Brah Ndu Ngơi 2023

⁷ Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.

Bunong Bible Latin Script Cambodian dialect

⁷ Ơ kon sau i gâp rŏng, ăn bân tâm rŏng ndrăng ma bunuyh i nsing ma Brah Krist, yorlah nau rŏng jêng tă bơh Kôranh Brah. Bu moh i tâm rŏng ndrăng ma bunuyh i nsing ma Brah Krist, păng i nây kon Kôranh Brah, jêh ri gĭt năl Kôranh Brah đŏng.

Bunong

⁷ អើ​ក៝ន​ឆៅ​អី​គ៝ប់​រ៝ង់ អ៝ន់​ឞ៝ន់​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស  យ៝រ​លាស​នាវ​រ៝ង់​ជេង​តាៈ​ឞើស​កោរាញ​ឞ្រាស។ ឞូ​ម៝ស​អី​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស  ពាង់​អី​នៃ​ក៝ន​កោរាញ​ឞ្រាស ជេសរី​គឹត​នាល់​កោរាញ​ឞ្រាស​ដ៝ង់។

I Yôhan 4:7 Iomraidhean Croise

Yôhan 13:34

Gâp ăn nau vay mhe ntăm ma khân may, ăn khân may tâm rŏng ndrăng khân may nơm. Tâm ban ma Gâp rŏng jêh ma khân may, ăn khân may tâm rŏng ndrăng khân may nơm tâm ban lĕ.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

II Timôthê 1:7

yorlah Brah Ndu mâu ăn ôh ma he nuih n'hâm klach, ƀiălah nuih n'hâm janh, geh nau rŏng jêh ri blau mât njrăng săk.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Yôhan 2:10

Mbu nơm rŏng ma oh nâu păng nơm, păng gŭ tâm nau ang, ntŭk bunuyh nây mâu geh ndơ ƀư chêh prah ôh.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.

I Yôhan 2:4

Mbu nơm lah: “Gâp gĭt năl păng jêh,” ƀiălah mâu tông prăp ôh nau vay Păng ntăm bunuyh nĕ jêng ngơi mƀruh, jêh ri nau nanê̆ ngăn mâu gŭ tâm bunuyh nây ôh.

I Yôhan 2:7

Hơi phung gâp rŏng, aơ mâu geh nau vay ntăm mhe ôh gâp nchih ma khân may, ƀiălah nau vay ntăm ơm khân may geh jêh ntơm bơh kăl e. Nau vay ntăm ơm aơ jêng nau ngơi khân may tăng jêh.

I Yôhan 3:9

Mbu nơm deh tă bơh Brah Ndu, mâu ƀư tih ôh; yor găr ntil Brah Ndu gŭ tâm bunuyh nây; bunuyh nây mâu dơi ƀư tih tay đŏng ôh, yorlah păng deh tă bơh Brah Ndu.

I Yôhan 4:11

Hơi phung gâp rŏng, tơlah Brah Ndu rŏng jêh ma he kơt nĕ, ăn he tâm rŏng lĕ ndrăng he.

I Yôhan 4:12

Mâu geh du huê bunuyh mâp saơ Brah Ndu ôh; tơlah he tâm rŏng ndrăng he, Brah Ndu gŭ tâm he, jêh ri nau rŏng Păng jêng nŭm rĭng tâm he.

I Yôhan 4:16

He gĭt năl jêh ri chroh ma nau rŏng Brah Ndu đah he. Brah Ndu jêng nau rŏng; mbu nơm gŭ tâm nau rŏng jêng gŭ tâm Brah Ndu, jêh ri Brah Ndu gŭ tâm bunuyh nây.

I Yôhan 4:20

Tơlah du huê lah: “Gâp rŏng ma Brah Ndu” ƀiălah tâm rmot ma oh nâu păng nơm, păng jêng nơm ngơi mƀruh. Yorlah mbu nơm mâu rŏng ma oh nâu păng nơm dơi saơ, păng mâu dơi rŏng ma Brah Ndu, Nơm păng mâu dơi saơ ôh.

I Yôhan 4:8

Mbu nơm mâu blau tâm rŏng mâu mâp gĭt năl Brah Ndu ôh; yorlah Brah Ndu jêng nau rŏng.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

II Yôhan 1:5

Hơi bu ur, aƀaơ aơ gâp vơh vơl ma ay nau aơ, mâu di gâp nchih ma ay nau vay ntăm mhe ôh, ƀiălah jêng nau vay ntăm he hŏ dơn jêh ntơm bơh saơm, nây jêng he rŏng hom ndrăng he nơm.