I Yôhan 4:21 - Nau Brah Ndu Ngơi 2023

²¹ He dơn jêh tă bơh Păng nau vay ntăm aơ: Mbu nơm rŏng ma Brah Ndu, ăn păng rŏng ma oh nâu păng nơm tâm ban lĕ.

Bunong Bible Latin Script Cambodian dialect

²¹ Bân lĕ geh jêh nau đă dja tă bơh Kôranh Brah, Păng lah: “Bu moh i rŏng Kôranh Brah, iăt ma păng i nây rŏng ma oh nô ta nau nsing ma Brah Krist đŏng.”

Bunong

²¹ ឞ៝ន់​លែៈ​គែស​ជេស​នាវ​ដាៈ​អ្យា​តាៈ​ឞើស​កោរាញ​ឞ្រាស ពាង់​លាស៖ “ឞូ​ម៝ស​អី​រ៝ង់​កោរាញ​ឞ្រាស អ្យាត់​មា​ពាង់​អី​នៃ​រ៝ង់​មា​អ៝ស​នោ​តា​នាវ​ញឆីង​មា​ឞ្រាស​ក្រីស  ​ដ៝ង់”។

I Yôhan 4:21 Iomraidhean Croise

Kan Lêvi 19:18

Lơi ta plơng har, mâu lah anh nau ji nuih ma phung ƀon lan khân may ôh, ƀiălah rŏng hom phung chiau meng tâm ban ma khân may nơm. Gâp jêng Brah Yêhôva.

Mathay 5:43

Khân may tăng jêh nau nti pô aơ: ‘Rŏng hom bunuyh chiau meng, jêh ri tâm rmot hom bunuyh rlăng đah may.’

Luka 10:37

Nơm nti nau vay ơh: “Nây jêng nơm tâm mpơl jêh nuih n'hâm yô̆ nđach ma bunuyh rmanh.” Brah Yêsu lah: “Hăn hom, ƀư tĭng kơt nây.”

Yôhan 15:12

Aơ jêng nau vay Gâp ntăm: Khân may tâm rŏng hom ndrăng khân may nơm, tâm ban ma Gâp rŏng jêh ma khân may.

Galati 5:14

Yorlah lĕ rngôch nau vay dơi trăch tâm du nau ngơi aơ: “May rŏng hom ma phung chiau meng tâm ban ma may nơm.”

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

I Têsalônik 4:9

Ma nau rŏng ndrăng oh nâu khân may, pô ri mâu ăn ôh bu nchih ma khân may, yorlah khân may nơm lĕ nti jêh bơh Brah Ndu ăn tâm rŏng ndrăng khân may;

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 4:8

Lor lơn, tâm rŏng hom ndrăng khân may dŭt hâu ngăn; yorlah nau rŏng nkŭm brôi âk râk nau tih.

I Yôhan 2:7

Hơi phung gâp rŏng, aơ mâu geh nau vay ntăm mhe ôh gâp nchih ma khân may, ƀiălah nau vay ntăm ơm khân may geh jêh ntơm bơh kăl e. Nau vay ntăm ơm aơ jêng nau ngơi khân may tăng jêh.

I Yôhan 3:11

Nau mbơh khân may tăng jêh ntơm bơh saơm, nây jêng: Ăn he tâm rŏng ndrăng he.

I Yôhan 3:14

He gĭt he nơm hŏ rgăn jêh bơh nau khĭt hăn tâm nau rêh, yorlah he rŏng ma phung oh nâu. Mbu nơm mâu blau tâm rŏng gŭ tâm nau khĭt.

I Yôhan 3:18

Hơi phung kon jê̆, lơi rŏng tâm nau ngơi jêh ri ta mbung mpiăt, ƀiălah rŏng hom tâm nau kan jêh ri ma nau nanê̆ ngăn.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.

I Yôhan 4:11

Hơi phung gâp rŏng, tơlah Brah Ndu rŏng jêh ma he kơt nĕ, ăn he tâm rŏng lĕ ndrăng he.