I Yôhan 4:15 - Nau Brah Ndu Ngơi 2023

¹⁵ Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

Bunong Bible Latin Script Cambodian dialect

¹⁵ Bu moh i mbơh nkoch ma bu Brah Yêsu jêng Kon Kôranh Brah nơm, păng i nây geh Kôranh Brah gŭ ta păng, jêh ri păng nơm gŭ ta Kôranh Brah đŏng.

Bunong

¹⁵ ឞូ​ម៝ស​អី​មឞើស​ងក៝ច​មា​ឞូ​ឞ្រាស​យេឆូ  ​ជេង​ក៝ន​កោរាញ​ឞ្រាស​នើម ពាង់​អី​នៃ​គែស​កោរាញ​ឞ្រាស​គុ​តា​ពាង់ ជេសរី​ពាង់​នើម​គុ​តា​កោរាញ​ឞ្រាស​ដ៝ង់។

I Yôhan 4:15 Iomraidhean Croise

Mathay 10:32

Yor nây, mbu nơm mbơh Gâp tanăp lĕ rngôch bunuyh, Gâp ăt mra mbơh bunuyh nây tanăp Mbơ̆ Gâp tâm trôk;

Luka 12:8

Gâp đă ma khân may, mbu nơm mbơh Gâp tanăp lĕ rngôch bunuyh, Kon Bunuyh ăt mra mbơh bunuyh nây tanăp phung tông mpăr Brah Ndu.

Yôhan 6:56

Mbu nơm sa nglay săk Gâp jêh ri nhêt dak mham Gâp ri mơ gŭ tâm Gâp, jêh ri Gâp gŭ tâm bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 10:9

Pôri tơlah bâr mbung may mbơh Brah Yêsu jêng Kôranh Brah, jêh ri tâm nuih n'hâm may chroh ma Brah Ndu ƀư ăn Păng dâk rêh tay tă bơh nau khĭt, may mra rklaih yơh.

Philip 2:11

Jêh ri lĕ rngôch mpiăt mbơh da dê Brah Yêsu Krist jêng Kôranh Brah, Gay tâm rnê Brah Ndu jêng Brah Ndu Mbơ̆.

I Yôhan 2:23

Mbu nơm mâu dơn Kon, mâu lĕ geh Mbơ̆; mbu nơm mbơh sŏk dơn Kon, geh lĕ Mbơ̆.

I Yôhan 2:24

Mpeh khân may, djôt prăp hom nau khân may tăng jêh ntơm bơh saơm gŭ tâm khân may. Tơlah nau khân may tăng jêh ntơm bơh saơm gŭ tâm khân may ƀaƀơ, khân may mra gŭ tâm Kon jêh ri tâm Mbơ̆.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.

I Yôhan 3:24

Mbu nơm tông prăp lĕ nau vay Brah Ndu ntăm gŭ tâm Păng, jêh ri Păng gŭ tâm bunuyh nây. He gĭt năl Păng gŭ tâm he ma Brah Huêng Ueh, Păng ăn jêh ma he.

I Yôhan 4:12

Mâu geh du huê bunuyh mâp saơ Brah Ndu ôh; tơlah he tâm rŏng ndrăng he, Brah Ndu gŭ tâm he, jêh ri nau rŏng Păng jêng nŭm rĭng tâm he.

I Yôhan 4:2

Tă bơh nau aơ, khân may dơi gĭt Brah Huêng Ueh Brah Ndu: Moh brah dơn Brah Yêsu Krist văch jêh tâm nglay săk, huêng brah nây văch tă bơh Brah Ndu;

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:5

Mbu nơm dơi jêh đah neh ntu, mâu di hĕ jêng nơm chroh ma Brah Yêsu jêng Kon Brah Ndu?

II Yôhan 1:7

Yor âk phung ndơm mƀruh văch jêh tâm neh ntu, jêng phung mâu dơn nanê̆ Brah Yêsu Krist văch jêh tâm nglay săk. Nây jêng nơm ndơm mƀruh jêh ri nơm tâm rdâng đah Brah Krist.