I Yôhan 3:5 - Nau Brah Ndu Ngơi 2023

⁵ Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

Bunong Bible Latin Script Cambodian dialect

⁵ Khân ay may lĕ gĭt jêh, Brah Yêsu văch ta dja, gay ma sŏ lơi nau tih bân, yơn ma ta Păng nơm mâu ôh geh nau tih.

Bunong

⁵ ខាន់​អៃ​មៃ​លែៈ​គឹត​ជេស ឞ្រាស​យេឆូ  ​វាច់​តា​អ្យា គៃ​មា​ឆ៝ៈ​លើយ​នាវ​តីស​ឞ៝ន់ យើន​មា​តា​ពាង់​នើម​មោ​អោស​គែស​នាវ​តីស។

I Yôhan 3:5 Iomraidhean Croise

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Luka 23:47

Saơ nau tât jêh, kôranh tahan tâm rnê Brah Ndu pô aơ: “Nanê̆ bunuyh aơ jêng bunuyh sŏng srăng!”

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 1:31

Gâp nơm mâu gĭt năl Păng, ƀiălah gâp hŏ văch jêh ƀư ƀaptem ma dak, gay ma Păng tâm mpơl ăn ma phung Israel.”

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 8:46

Mbu nơm tâm phung khân may dơi phong Gâp jêng tih? Lah Gâp ngơi nau ngăn, mâm ƀư khân may mâu chroh ma Gâp?

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

I Timôthê 1:15

Aơ jêng nau ngơi ngăn jêh ri dơi khư sŏk dơn: Brah Yêsu Krist văch jêh tâm neh ntu gay tâm rklaih phung tih; tâm phung tih nây, gâp jêng bunuyh tih lơn

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 4:15

Yorlah he mâu geh du huê kôranh ƀư brah toyh lơn mâu dơi yô̆ ma nau rdja he, ƀiălah geh jêh du huê kôranh ƀư brah geh nau ndơm tâm lĕ rngôch nau nâm bu he, ƀiălah Păng mâu ƀư tih ôh.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 2:1

Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,