I Yôhan 3:4 - Nau Brah Ndu Ngơi 2023

⁴ Mbu nơm ƀư tih jêng rlau nau vay; yorlah nau tih jêng mâu di nau vay.

Bunong Bible Latin Script Cambodian dialect

⁴ Bu moh i jan tih, păng i nây jan rlau bơh nau Kôranh Brah đă, yorlah jan tih jêng jan mâu tâm di bơh nau Kôranh Brah đă.

Bunong

⁴ ឞូ​ម៝ស​អី​ជាន​តីស ពាង់​អី​នៃ​ជាន​រាលាវ​ឞើស​នាវ​កោរាញ​ឞ្រាស​ដាៈ យ៝រ​លាស​ជាន​តីស​ជេង​ជាន​មោ​តឹម​ទី​ឞើស​នាវ​កោរាញ​ឞ្រាស​ដាៈ។

I Yôhan 3:4 Iomraidhean Croise

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

I Nau Rêh Jêng 10:13

Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

II Nau Rêh Jêng 24:20

Huêng Brah Brah Ndu tât Y-Sakari, kon bu klâu kôranh ƀư brah Y-Jêhôida. Păng gŭ tanăp phung ƀon lan jêh ri lah: “Brah Ndu lah: ‘Mâm ƀư khân may ƀư tih nau vay Brah Yêhôva ntăm? Khân may mâu mra dơi jêng yorlah khân may hŏ chalơi Brah Yêhôva, jêh ri Brah Yêhôva lĕ chalơi jêh khân may tâm ban lĕ.’ ”

Êsai 53:8

Bu hŏ tŭn jot Păng, phat dôih jêh ri nkhĭt lơi Păng. Tâm phung rêh rơh Păng, mâu geh du huê mĭn rvê Bu hŏ dong rmal Păng jêh ri sŏk lơi bơh neh phung rêh Yor ma nau tih phung ƀon lan Gâp?

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Nau Kơp Bunuyh 15:31

Yorlah păng tâm rmot ma nau Brah Yêhôva ngơi, ƀư tih nau vay Păng ntăm, pôri bu nsot lơi păng; nau tih păng mra nkhŭt ma păng nơm.’”

Mathay 5:19

Yor nây, mbu nơm chalơi du ntil dŭt jê̆ tâm lĕ nau vay aơ jêh ri nti ma bu ƀư kơt nĕ, bu mra kuăl păng dŭt jê̆ tâm ƀon bri hađăch klơ trôk; ƀiălah mbu nơm tông prăp ma lĕ nau vay aơ jêh ri nti ma bu, mra dơi uănh jêng toyh lơn tâm ƀon bri hađăch klơ trôk.

Kôranh Oh Mon 23:3

Y-Pôl lah: “Hơi mpêr mhĭng klo nglang ri, Brah Ndu mra dong may. May gŭ gay ma phat dôih gâp tĭng nâm nau vay, ƀiălah may rlau nau vay, đă bu dong gâp.”

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 4:15

Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

Yakơ 5:15

Nau mbơh sơm tâm nau chroh mra sâm rdâk an bunuyh nây dâk; tơlah bunuyh ji geh nau tih, ăt mra geh nau yô̆ an đŏng.

I Yôhan 5:17

Lĕ rngôch mâu sŏng srăng jêng nau tih da dê, ƀiălah geh đŏng nau tih mâu tât nau khĭt.

I Samuel 15:24

Y-Sôl plơ̆ lah ma Y-Samuel: “Gâp lĕ ƀư tih jêh, yorlah gâp ƀư tih jêh nau vay Brah Yêhôva ntăm jêh ri nau may ngơi. Yorlah Gâp klach ma phung ƀon lan jêh ri iăt tĭng nau khân păng.