I Yôhan 3:15 - Nau Brah Ndu Ngơi 2023

¹⁵ Mbu nơm tâm rmot ma phung oh nâu păng nơm jêng bunuyh tâm nkhĭt bunuyh, jêh ri khân may gĭt mâu geh ôh du huê nkhĭt bunuyh geh nau rêh n'ho ro gŭ tâm păng.

Bunong Bible Latin Script Cambodian dialect

¹⁵ Bu moh i ji biănh ma oh nô ta nau nsing ma Brah Krist, Kôranh Brah kơp păng i nây tâm ban ma bunuyh nkhât bu. Jêh ri khân ay may lĕ gĭt jêh, bunuyh i nkhât bu nây mâu ôh geh nau rêh n'ho ro.

Bunong

¹⁵ ឞូ​ម៝ស​អី​ជី​ឞ្យាញ់​មា​អ៝ស​នោ​តា​នាវ​ញឆីង​មា​ឞ្រាស​ក្រីស  កោរាញ​ឞ្រាស​កើប​ពាង់​អី​នៃ​តឹម​ឞាន​មា​ឞូនុយ្ស​ងខឹត​ឞូ។ ជេសរី​ខាន់​អៃ​មៃ​លែៈ​គឹត​ជេស ឞូនុយ្ស​អី​ងខឹត​ឞូ​នៃ​មោ​អោស​គែស​នាវ​រេស​នហ៝​រ៝។

I Yôhan 3:15 Iomraidhean Croise

Nau Ntơm 27:41

Bơh nây, Y-Êsau rmot ma Y-Yakôb yor nau mbơ̆ păng ăn nau ueh uĭn ma Y-Yakôb. Y-Êsau mĭn êng: “Mbơ̆ dăch khĭt jêh; jêh nây nkra nau tâp ma mbơ̆, gâp mra nkhĭt Y-Yakôb, oh gâp.”

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.

Markôs 6:19

pôri H'Hêrôdias ji nuih ma Y-Yôhan jêh ri ŭch ƀư nkhĭt păng. Ƀiălah păng mâu dơi nkhĭt ôh,

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Kôranh Oh Mon 23:12

Nar ôi taơ, phung Yuđa rƀŭn tâm nchră jêh ri sơm ton ndrăng khân păng pô aơ khân păng mâu sông sa mâu nhêt tât khân păng dơi nkhĭt Y-Pôl.

Kôranh Oh Mon 23:14

Khân păng văch ma phung kôranh ƀư brah toyh jêh ri phung kôranh bu ranh, lah pô aơ: “Hên hŏ sơm ton ndrăng hên nơm, mâu mra sông sa ôh, tât hên dơi nkhĭt Y-Pôl.

Nau Vay Nkah Tay 19:11

Ƀiălah tơlah mbu tâm rlăng ma nơm chiau meng păng, gŭ kâp, rduh lơh jêh ri nkhĭt bunuyh nây, jêh nây nchuăt du ran lăp tâm du rplay ƀon aơ,

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Yôhan 2:11

Ƀiălah mbu nơm tâm rmot ma oh nâu păng nơm jêng gŭ tâm nau ngo, chuat hăn tâm nau ngo jêh ri mâu gĭt ôh mbah ntŭk păng nơm hăn, yorlah nau ngo ƀư chieh jêh măt păng.

I Yôhan 2:9

Mbu nơm lah păng gŭ tâm nau ang, ƀiălah păng tâm rmot ma oh nâu păng, păng ăt gŭ tâm nau ngo.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”