I Yôhan 3:12 - Nau Brah Ndu Ngơi 2023

¹² Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.

Bunong Bible Latin Script Cambodian dialect

¹² Bân lơi ôh jan tâm ban ma Kain i jêng kon kôranh mpôl brah djơh, jêh ri nkhât lơi i oh păng nơm. Mơm dâng păng nkhât lơi i oh păng nơm kơt nây? Yorlah păng nơh lĕ vay jan djơh, yơn ma i oh păng vay jan sŏng.

Bunong

¹² ឞ៝ន់​លើយ​អោស​ជាន​តឹម​ឞាន​មា​កាអីន  ​អី​ជេង​ក៝ន​កោរាញ​មពោល​ឞ្រាស​អ្យើស ជេសរី​ងខឹត​លើយ​អី​អ៝ស​ពាង់​នើម។ មើម​ទឹង​ពាង់​ងខឹត​លើយ​អី​អ៝ស​ពាង់​នើម​កើត​នៃ? យ៝រ​លាស​ពាង់​នើស​លែៈ​វៃ​ជាន​អ្យើស យើន​មា​អី​អ៝ស​ពាង់​វៃ​ជាន​ឆ៝ង់។

I Yôhan 3:12 Iomraidhean Croise

Nau Ntơm 4:25

Y-Ađam gŭ tay đah ur păng, ur păng deh du huê kon bu klâu, kuăl amoh jêng Y-Set, yor păng lah: “Brah Ndu hŏ ăn đŏng ma gâp du huê kon bu klâu êng ntrok Y-Abel nơm Y-Kain hŏ nkhĭt lơi jêh.”

II Samuel 13:22

Bi Y-Apsalôm mâu ngơi du nau ôh ma Y-Amnôn, nđâp lah nau ueh mâu lah nau mhĭk, yorlah Y-Apsalôm tâm rmot đah Y-Amnôn yorlah nau bê̆ch ndrel đah H'Tamar, oh bu ur păng.

Nau Mprơ Ơm 37:12

Nơm mhĭk tâm nchră ƀư rai ma nơm sŏng srăng Jêh ri rket sêk ji nuih ma păng,

Nau Mprơ Ơm 38:20

Bi phung mplơ̆ nau mhĭk ntrok nau ueh gâp tâm rdâng đah gâp, Yorlah gâp ŭch hăn tĭng nau ueh.

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Nau Hôr 29:10

Bunuyh ji hir mham tâm rmot ma bunuyh mâu geh ôh nau tih, Ƀiălah phung sŏng mra mât njrăng nau rêh nơm nây.

Nau Hôr 29:27

Phung kue jêng nau tâm rmot đah bunuyh sŏng, Ƀiălah bunuyh rêh sŏng jêng tâm rmot ăn phung mhĭk.

Mathay 13:19

Mbu tăng nau ngơi ma ƀon bri hađăch klơ trôk ƀiălah mâu gĭt rbăng ôh, brah djơh văch sŏk lơi nau bu nsrih jêh tâm nuih n'hâm păng; nây jêng nâm bu găr ntil tŭp rŏ trong.

Mathay 13:38

mir lŏ jêng neh ntu; grăp ueh jêng phung kon ƀon bri hađăch klơ trôk; gơ̆ mhĭk jêng phung kon brah djơh;

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Mathay 27:23

Kôranh toyh chiă uănh ôp: “Moh nau mhĭk bunuyh aơ ƀư jêh?” Ƀiălah khân păng nter ktang lơn: “Pâng păng ma kđĭn ta si tâm rkăng!”

Mathay 5:37

Ƀiălah ăn may ngơi: ‘Di, di’ mâu lah ‘Mâu, mâu’ jêng tŏng. Jêh bi nau ntop moh nau jêng luh tă bơh brah mhĭk.

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

Yôhan 10:32

Brah Yêsu lah ma khân păng: “Gâp hŏ mpơl ma khân may âk kan ueh tă bơh Mbơ̆ Gâp. Pôri, moh nau dĭng khân may ŭch klŭp Gâp ma lŭ?”

Yôhan 8:40

Ƀiălah aƀaơ aơ khân may joi nau nkhĭt Gâp, jêng bunuyh hŏ lah ma khân may ma nau ngăn tă bơh Brah Ndu. Y-Abraham mâu ƀư lĕ nau kơt nây ôh.

Yôhan 8:41

Khân may ƀư kan ma mbơ̆ khân may nơm.” Khân păng lah: “Hên mâu di jêng kon văng tĭr ôh, hên knŏng geh du Mbơ̆, jêng Brah Ndu.”

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

I Têsalônik 2:14

Hơi phung oh nâu, khân may hŏ tĭng kơt Phung Ngih Brah Ndu tâm Brah Yêsu Krist ta n'gor Yuđa, yorlah khân may dơn đŏng lĕ nau rêh ni nđâp phung ƀon lan khân may nơm nâm bu Phung Ngih Brah Ndu hŏ dơn jêh bơh phung Yuđa,

ហេឞ្រើ 11:4

Yor ma nau chroh, Y-Abel nhhơr jêh ma Brah Ndu du mpa ƀư brah ueh lơn ma Y-Kain, jêh ri păng geh nau mbơh jêng sŏng srăng nôk Brah Ndu dơn jêh ndơ nhhơr nây. Tă bơh nĕ đŏng, nđâp tơlah khĭt jêh, păng ăt hôm ngơi.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

I Pêtrôs 4:4

Dôl saơ khân may mâu hôm râng lăp tâm nau blă blơ nây đŏng, ri mơ khân păng hih rhâl jêh ri ngơi mhĭk ma khân may.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.