I Yôhan 2:4 - Nau Brah Ndu Ngơi 2023

⁴ Mbu nơm lah: “Gâp gĭt năl păng jêh,” ƀiălah mâu tông prăp ôh nau vay Păng ntăm bunuyh nĕ jêng ngơi mƀruh, jêh ri nau nanê̆ ngăn mâu gŭ tâm bunuyh nây ôh.

Bunong Bible Latin Script Cambodian dialect

⁴ Bu moh lah: “Gâp lĕ năl Kôranh Brah” yơn ma mâu ôh ndjôt nau Păng đă, bunuyh i nây ngơi mƀrôh dơm, nau ngăn mâu ôh gŭ ta săk păng.

Bunong

⁴ ឞូ​ម៝ស​លាស៖ “គ៝ប់​លែៈ​នាល់​កោរាញ​ឞ្រាស” យើន​មា​មោ​អោស​ញអោត​នាវ​ពាង់​ដាៈ ឞូនុយ្ស​អី​នៃ​ងើយ​មរោស​ទើម នាវ​ងាន់​មោ​អោស​គុ​តា​ឆាក់​ពាង់។

I Yôhan 2:4 Iomraidhean Croise

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Titus 1:10

Geh âk phung bunuyh mâu di keh, lor lơn jêng phung bunuyh ŭch nau koh ntâu, phung vay ngơi âk nau mâu khlay jêh ri phung ndơm; ăn may ƀư ma khân păng gŭ rklăk.

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

I Yôhan 1:10

Ƀiălah tơlah he lah he nơm mâu mâp ƀư tih, pô ri he ngơi mƀruh, jêh ri nau Păng ngơi mâu gŭ tâm he ôh.

I Yôhan 1:6

Tơlah he lah he nơm geh nau tâm rnglăp đah Păng ƀiălah hôm nhuat hăn tâm nau ngo, pôri he ngơi mƀruh jêh ri mâu ƀư tĭng nâm nau ngăn ôh.

I Yôhan 1:8

Tơlah he lah he nơm mâu geh nau tih ôh, he mƀruh ndơm êng he nơm yơh, jêh ri nau ngăn mâu gŭ tâm he ôh.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.

I Yôhan 2:9

Mbu nơm lah păng gŭ tâm nau ang, ƀiălah păng tâm rmot ma oh nâu păng, păng ăt gŭ tâm nau ngo.

I Yôhan 3:6

Mbu nơm gŭ tâm Păng mâu ƀư tih ôh; ƀiălah mbu nơm ƀư tih mâu mâp saơ mâu lah gĭt năl Păng ôh.

I Yôhan 4:20

Tơlah du huê lah: “Gâp rŏng ma Brah Ndu” ƀiălah tâm rmot ma oh nâu păng nơm, păng jêng nơm ngơi mƀruh. Yorlah mbu nơm mâu rŏng ma oh nâu păng nơm dơi saơ, păng mâu dơi rŏng ma Brah Ndu, Nơm păng mâu dơi saơ ôh.

I Yôhan 4:7

Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.