I Yôhan 2:27 - Nau Brah Ndu Ngơi 2023

²⁷ Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

Bunong Bible Latin Script Cambodian dialect

²⁷ Brah Huêng Ueh i Kôranh Brah lĕ ăn jêh ma khân ay may, Păng hôm gŭ ta khân ay may, ndri khân ay may mâu hôm khăch ôh ăn bu êng ntŭm nti khân ay may jât. Brah Huêng Ueh mâu mƀrôh ôh, Păng jêng nau ngăn. Brah Huêng Ueh ntŭm nti ma ăp ntil ndơ ăn ma khân ay may dadê. Lah ndri ăn khân ay may gŭ nâp hŏm ta Brah Krist, kơt Brah Huêng Ueh lĕ ntŭm nti jêh ma khân ay may.

Bunong

²⁷ ឞ្រាស​ហ្វេង​អ្វែស​អី​កោរាញ​ឞ្រាស​លែៈ​អ៝ន់​ជេស​មា​ខាន់​អៃ​មៃ ពាង់​ហោម​គុ​តា​ខាន់​អៃ​មៃ នទ្រី​ខាន់​អៃ​មៃ​មោ​ហោម​ខាច់​អោស​អ៝ន់​ឞូ​អេង​នតុម​នតី​ខាន់​អៃ​មៃ​ជឹត។ ឞ្រាស​ហ្វេង​អ្វែស​មោ​មរោស​អោស ពាង់​ជេង​នាវ​ងាន់។ ឞ្រាស​ហ្វេង​អ្វែស​នតុម​នតី​មា​អាប់​នតីល​នទើ​អ៝ន់​មា​ខាន់​អៃ​មៃ​ទាទេ។ លាស​នទ្រី​អ៝ន់​ខាន់​អៃ​មៃ​គុ​ន៝ប់​ហ៝ម់​តា​ឞ្រាស​ក្រីស  កើត​ឞ្រាស​ហ្វេង​អ្វែស​លែៈ​នតុម​នតី​ជេស​មា​ខាន់​អៃ​មៃ។

I Yôhan 2:27 Iomraidhean Croise

Nau Hôr 28:5

Phung ntŭp păng nơm tâm nau mhĭk, mâu gĭt rbăng nau sŏng srăng, Ƀiălah mbu nơm tĭng joi Brah Yêhôva gĭt rbăng lĕ rngôch nau.

Kan Lêvi 7:35

Nây jêng kô̆ prăp ma Y-Arôn jêh ri phung kon bu klâu păng, sŏk bơh lĕ ndơ ƀư brah ăn ŭnh sa nhhơr ma Brah Yêhôva, prăp êng ma khân păng ntơm bơh nar bu dăp khân păng jêng kôranh ƀư brah tanăp Brah Yêhôva.

Nau Kơp Bunuyh 7:43

Ndơ nhhơr păng geh du ngan jam prăk jâk du kilô n'gul, du ngan grưng prăk jâk pham rhiăng gram tĭng nâm sêkel tâm ntŭk kloh ueh, lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi;

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Yôhan 14:16

Gâp mra dăn ma Mbơ̆, Păng mra ăn ma khân may du huê Nơm Bonh Leng êng gŭ ndrel ma khân may n'ho ro,

Yôhan 14:17

nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 16:13

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

I Kôrintô 2:12

Ƀiălah, he mâu sŏk dơn ôh huêng bơh neh ntu, ƀiălah Brah Huêng Ueh bơh Brah Ndu, gay ma dơi gĭt rbăng lĕ nau dơi Brah Ndu ăn ma he.

I Kôrintô 2:13

Hên mbơh nau nây, mâu di ma lĕ nau ngơi nti tă bơh nau blau mĭn kon bunuyh ôh, ƀiălah luh tă bơh Brah Huêng Ueh ntăm nti, dŏng rplay ngơi tâm nau rêh huêng rblang lĕ nau ngăn tâm nau rêh huêng.

II Kôrintô 1:21

Brah Ndu yơh, Nơm hŏ ƀư ma hên jêh ri khân may dơi nâp tâm Brah Krist, mhĭng dak ƀâu kah ma hên.

Êphêsô 4:21

Yorlah khân may tăng jêh ma nau Păng jêh ri khân may nti jêh tâm Păng di nâm nau ngăn tâm Brah Yêsu.

Kôlôh 2:6

Pôri, mâm nau khân may sŏk dơn Yêsu Krist jêng Kôranh Brah hăn hom tâm Păng kơt nây lĕ;

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

I Têsalônik 4:9

Ma nau rŏng ndrăng oh nâu khân may, pô ri mâu ăn ôh bu nchih ma khân may, yorlah khân may nơm lĕ nti jêh bơh Brah Ndu ăn tâm rŏng ndrăng khân may;

I Timôthê 2:7

Yorlah nau mbơh nây, gâp geh nau săch jêng nơm mbơh nkoch jêh ri kôranh oh mon (gâp ngơi ngăn, mâu ngơi mƀruh ôh), jêng kôranh nơm nti ma phung bu năch, gay nti khân păng ma nau chroh jêh ri nau ngăn.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Yôhan 2:28

Jêh ri aƀaơ, hơi phung kon jê̆, gŭ hom tâm Păng, gay nôk Păng tâm mpơl, he dơi geh nau nănh, mâu đit prêng tanăp măt Păng dôl Păng tât.

I Yôhan 3:24

Mbu nơm tông prăp lĕ nau vay Brah Ndu ntăm gŭ tâm Păng, jêh ri Păng gŭ tâm bunuyh nây. He gĭt năl Păng gŭ tâm he ma Brah Huêng Ueh, Păng ăn jêh ma he.

II Yôhan 1:2

yor nau ngăn gŭ tâm he jêh ri mra gŭ ndrel he n'ho ro.