I Yôhan 2:20 - Nau Brah Ndu Ngơi 2023

²⁰ Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

Bunong Bible Latin Script Cambodian dialect

²⁰ Lŏng phung khân ay may nây, lĕ Kôranh Brah de ăn Brah Huêng Ueh gŭ ta khân ay may, jêh ri dâng lĕ khân ay may lĕ gĭt nau ngăn dadê.

Bunong

²⁰ ល៝ង់​ផូង​ខាន់​អៃ​មៃ​នៃ លែៈ​កោរាញ​ឞ្រាស​ទែ​អ៝ន់​ឞ្រាស​ហ្វេង​អ្វែស​គុ​តា​ខាន់​អៃ​មៃ ជេសរី​ទឹង​លែៈ​ខាន់​អៃ​មៃ​លែៈ​គឹត​នាវ​ងាន់​ទាទេ។

I Yôhan 2:20 Iomraidhean Croise

Nau Mprơ Ơm 16:10

Yorlah Kôranh Brah mâu mra chalơi huêng gâp tâm ƀon phung khĭt; Mâu đŏng ăn phung răp jăp May saơ môch.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Nau Mprơ Ơm 45:7

May rŏng nau sŏng srăng jêh ri tâm rmot nau djơh mhĭk. Yor nây Brah Ndu jêng Brah Ndu may Hŏ tŏ dak ngi nau maak ma may, jêh ri dơm may ta klơ phung hađăch êng,

Nau Mprơ Ơm 71:22

Ơ Brah Ndu gâp, gâp mra dŏng gong rêng gay mprơ tâm rnê ma May, Mât ton ma nau răp jăp May. Ơ Nơm Kloh Ueh Israel, Gâp mra dŏng gong rêng gay mprơ tâm rnê ma May.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Hôr 28:5

Phung ntŭp păng nơm tâm nau mhĭk, mâu gĭt rbăng nau sŏng srăng, Ƀiălah mbu nơm tĭng joi Brah Yêhôva gĭt rbăng lĕ rngôch nau.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Kan Lêvi 7:35

Nây jêng kô̆ prăp ma Y-Arôn jêh ri phung kon bu klâu păng, sŏk bơh lĕ ndơ ƀư brah ăn ŭnh sa nhhơr ma Brah Yêhôva, prăp êng ma khân păng ntơm bơh nar bu dăp khân păng jêng kôranh ƀư brah tanăp Brah Yêhôva.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Markôs 1:24

nter huy: “Ơ Brah Yêsu bunuyh ƀon Nasaret, moh nau hên geh đah May? May văch gay ƀư rai hên ƀơh? Gâp gĭt jêh mbu May jêng, jêng Nơm Kloh Ueh tă bơh Brah Ndu.”

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Luka 4:34

Moh nau hên geh đah May kŏ tât May văch gay ma ƀư rai hên bơh? Gâp gĭt Kôranh Brah jêng Nơm Kloh Ueh bơh Brah Ndu!”

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 16:13

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 3:14

Khân may dun jêh Nơm Kloh Ueh jêh ri Nơm Sŏng Srăng, ƀiălah khân may dăn yô̆ an ma khân may du huê nơm vay nkhĭt bunuyh.

I Kôrintô 2:15

Ƀiălah, bunuyh geh Brah Huêng Ueh, sek uănh lĕ ntil ndơ, ƀiălah bunuyh nây mâu geh nơm sek uănh ôh.

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

ហេឞ្រើ 8:11

Khân păng mâu mra sâm nti ôh ma bunuyh chiau meng Jêh ri phung oh nâu khân păng nơm pô aơ: ‘Gĭt năl hom Kôranh Brah.’ Yorlah lĕ rngôch mra gĭt năl Gâp da dê, Ntơm bơh nơm jê̆ lơn tât ma nơm toyh lơn.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Yôhan 4:13

Tă bơh nau aơ, he gĭt năl he nơm gŭ tâm Păng jêh ri Păng tâm he, yorlah Păng ăn jêh Brah Huêng Ueh Păng ma he.

Yuđas 1:5

Nđâp tơlah khân may gĭt jêh lĕ rngôch nau nây, gâp ŭch nkah ma khân may pô aơ: Kôranh Brah tâm rklaih jêh phung ƀon lan Păng luh bơh n'gor Êjipt, ƀiălah jêh ma nây Păng ƀư rai phung mâu chroh.

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk:

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”